Tuesday, August 16, 2022

បាន​ល្បី​ទៀតហើ​យ! ស្រី​ស្អាត​ម្នាក់ ប្រកាស​បើក​មណ្ឌល​ចាស់ជរា តែ​សុំ Like ផេ​ក 4M មានឯណា មិនទាន់​បាន​ធ្វើបុណ្យ​ផង ស្រាប់តែ…

spot_img

រូបថត១សន្លឹក បង្ហាញចាស់ជរា​ស្នាក់នៅ និងហូបបាយ លើ​បង្គន់ កំពុងត្រូវបានចែករំលែក បង្កឲ្យការចាប់អារម្មណ៍ជា​ខ្លាំង ជាមួយការសម្ដែងក្ដីអាណិតអាសូរឥតឧបមា ពីសំណាក់អ្នកប្រើប្រាស់បណ្តាញសង្គម។

តែយ៉ាងណាមិញ ស្របពេលរូបភាពដ៏ខ្លោចចិត្តនេះ កំពុងទទួលការចាប់អារម្មណ៍ខ្លាំង ស្រាប់តែស្រីស្អាតម្នាក់ជាម្ចាស់ផេក «​កំពូល ម៉ូត​» បានប្រកាសគួរឲ្យភ្ញាក់ផ្អើលថា នឹងបើកមណ្ឌលមើលថែ​ចាស់ជរា គ្មានទីជម្រក ជនពិការ… តែក្រោមលក្ខខណ្ឌដ៏ហួសចិត្ត ទាល់តែ​ពេលផេករបស់ខ្លួន​មានអ្នក ​Views ១០​លាន និងអ្នក​Like ​ឡើងរហូតដល់​៤​លានសិន​។

ភ្ជាប់រូបថត១សន្លឹកដ៏ចាប់អារម្មណ៍នោះ រួមជាមួយរូបថតគ្រួសាររបស់ខ្លួន ផេកហ្វេ​សប៊ុកស្រីស្អាតរូបនេះ បានប្រកា​លកាលពីរសៀលថ្ងៃទី​២៥ ខែមិថុនា យ៉ាងដូច្នេះថា «នាងខ្ញុំនិងលោកប្ដីមានគំរោងបើកមណ្ឌល មើលថែចាស់ជរា គ្មានទីជម្រក ជនពិការ.. ខ្ញុំនឹងធ្វើឡើង នៅពេលបងប្អូនគាំទ្រខ្ញុំបាន10M View និង4M like page (នៅពេលនេះខ្ញុំមិនទាន់អាចមានលទ្ធភាពឡើយ) ខ្ញុំជឿជាក់លើបងប្អូននិងខមិនគាំទ្រពិតៗ ខ្ញុំនិយាយពិត ធ្វើពិត និងបង្ហាញសង្គមពិត.. សូមបងប្អូនទាំងក្នុងនិងក្រៅស្រុកគាំទ្រគំរោងខ្ញុំឡើង ។ រូបភាពយកមកពី Facebook online តែសុំប្ដូរការធ្វើបន្ទប់មិនដូចរូបឡើយ រៀងធំតិច មូលហេតុនេះហើយដែលខ្ញុំចង់បានដី ជាហិចតាច្រើនៗ»។

តែទោះជាយ៉ាងណា ក្រោយពីបានឃើញប្រកាសធ្វើទង្វើសប្បុរសធម៌ ក្នុងលក្ខខណ្ឌដ៏ចម្លែកបែបនេះ ហួសចិត្តខ្លាំងពេក អ្នកលេងបណ្តាញសង្គមជាច្រើន បាននាំគ្នាបញ្ចេញមតិរិះគន់ម្នាក់មួយម៉ាត់ឡើងកប់ៗថា៖ «អ្នកជួយសង្គមរាល់ថ្ងៃ គេមិនដែលដាក់លក្ខខណ្ឌចង់បាន​ view like ស្អីទេ​ គេធ្វេីដោយឆន្ទៈ​ នាងឯង​ចេញមកខុសគេ។ សំរាកទៅនាង ខ្ញុំហត់ណាស់​ ប្រភេទអ្នកលក់អនឡាញដូចនាងនេះ​ ចេញមកម្ដងៗបេីមិនបានគេជេរ ដេកមិនលក់, ដំបូងតែ1M Like ទេ ដល់គេចាប់អារម្មណ៍ច្រើន edit 4M វិញ ចង់ល្បីហួសហេតុ, ធ្វេីបុណ្យទាល់តែមានលក្ខខណ្ឌ កុំធ្វេីដេីម្បីចឹងអី ជួលគេ boost ទៅបង មិនអស់លុយ ប៉ុុន្មានទេនាង!, សាងសងមណ្ឌលគួរតែពាក់ព័ន្ធស៊ីម៉ងឥដ្ឋ ចុះមេចរកview likeវិញ អត់ទោសឆ្ងល់ពិតៗម៉ង, នេះគេហៅថាជួញដូរបុណ្យ មិនមែនធ្វើបុណ្យទេ! ការធ្វើបុណ្យកើតឡើងដោយសទ្ធាជ្រះថ្លាដោយសុទ្ធចិត្ត និងមិនប្រាថ្នាការតបស្នងអ្វីវិញឡើយ,…»៕ រក្សាសិទ្ធិដោយ៖ លឹម ហុង