គេហទំព័រ ETtoday បានលាតត្រដាងថា ថ្មីៗនេះ នៅក្នុងប្រព័ន្ធផ្សព្វផ្សាយសង្គមរបស់តៃវ៉ាន់ មានភាពចលាចល នៅពេលដែលរូបភាពនារីសិចស៊ីម្នាក់ ដែលកំពុងត្រូវបានចែករំលែក អង្គុយនៅលើរថភ្លើងក្រោមដីក្នុងទីក្រុងតៃប៉ិ នាងពាក់អាវយឺតពណ៌ស រំលេចដើមទ្រូងដ៏ធំទ្រលក់ទ្រលន់ ធ្វើឱ្យអ្នកដំណើរជាច្រើនចាប់ភ្នែកសម្លឹងស្ទើរភ្លឹកតែម្តង។
បន្ទាប់ពីរូបថតរបស់ស្រីស្អាតនោះ ត្រូវបានគេផ្សព្វផ្សាយក្នុងសង្គមអនឡាញ អ្នកនិយមលេងអ៊ីនធឺណេតជាច្រើនបាននាំគ្នាសរសើរ ដោយខ្លះនិយាយលេងថា សូម្បីតែលោកតាម្នាក់ ក៏ភ្ញាក់ផ្អើល គាត់មើលនាងមិនដាក់ភ្នែកសោះ! ខណៈពេលដែលអ្នកខ្លះមានការសង្ស័យ តើឧបករណ៍អ្វីទៅដែលនាងកំពុងកាន់? ថ្វីត្បិតតែវាមើលទៅអស្ចារ្យ និងចម្លែកណាស់។
តែក្រោយមក អ្នកប្រើបណ្ដាញសង្គមបានបង្ហាញអត្តសញ្ញាណរបស់នាង។ ឈ្មោះពិតរបស់នាងគឺ Li Yuxi ដែលជាអ្នកដេញពិណ (ឧបករណ៍ភ្លេងបុរាណចិន) ដ៏ល្បីក្នុងពិភពអនឡាញតៃវ៉ាន់។ នាងមានអ្នកតាមដានប្រហែល ២៥,០០០ នាក់ នៅលើ Instagram ហើយរឹតតែចាប់អារម្មណ៍ជាងនេះទៅទៀត គឺនៅពេលដែលនាងឃើញមុខពិតរបស់នាងច្បាស់ ធ្វើអោយអ្នកនិយមលេងអិនធឺណេតលាន់មាត់ wow គ្រប់ៗគ្នា។
ជាមួយនឹងមុខដ៏ស្រស់ផូរផង់ បូករួមនឹងស្នាមញញឹមរបស់នាង ឲ្យមនុស្សជាច្រើនសរសើរថា ពិតជា «ភ្លឺ» ណាស់!។ ហើយទន្ទឹមនោះផងដែរ អ្នកតាមដាននៅ Instagram ពិតជាចង់ឃើញការសម្តែងរបស់នាង មិនដឹងថាល្អកម្រិតណានោះទេ?៕ រក្សសិទ្ធិដោយ៖ លឹម ហុង
