នារីជាកូនខ្មែរម្នាក់ បានក្លាយជាកូនប្រសាស្រីដ៏មានសំណាង ដោយត្រូវបានឪពុកម្តាយក្មេករបស់ប្តីនាងដែលមានអាយុប្អូនរហូតដល់ទៅ ៩ ឆ្នាំ ស្រលាញ់ពេញបេះដូង និងសូម្បីតែឲ្យនាងគេងរហូតទល់ម៉ោង ៦ ព្រឹក ដោយមិនបង្ខំឲ្យធ្វើការផ្ទះទៀតផង។
ថាច់ ធី អាយុ ៣០ ឆ្នាំ គ្រូបង្រៀនបឋមសិក្សា ។ នាង និងម្តាយគឺជាជនជាតិខ្មែររស់នៅខេត្ត Vinh Long ។ ហើយនាងមានអាយុចាស់ជាងប្តីជិតដប់ឆ្នាំ ប៉ុន្តែ ដំណើររបស់អ្នកគ្រូរូបនេះ ទទួលបានការគាំទ្រយ៉ាងខ្លាំង និងក៏ដូចផ្តល់ភាពកក់ក្តៅ ពីឪពុកម្តាយរបស់ស្វាមី។
ដំបូងឡើយ នាងបានស្គាល់ស្វាមី ថាច់ មិញ អាយុ ២១ ឆ្នាំ ជាកូនប្រុសរបស់អ្នកស្រី សាវ គឺដោយសារមិត្តភក្តិផ្គូរផ្គង។ ហើយនៅពេលដឹងថា កូនប្រុសស្គាល់មិត្តស្រីអាយុបងជាង ៩ ឆ្នាំ អ្នកស្រី សាវ និងប្តី ក៏បានទូរស័ព្ទសួរនាំ និងទៅជួបអនាគតកូនស្រីផ្ទាល់តែម្តង។
នាង ធី បានឲ្យដឹងថា ផ្ទុយពីអ្វីដែលនាងគិត ម្តាយក្មេករបស់នាងបានសរសើរនាងថា «ស្អាតណាស់» ពេញៗមាត់ និងសូម្បីនិយាយថា អាយុច្រើនមិនសំខាន់ អ្វីដែលសំខាន់ចាស់គំនិត។
បន្ទាប់ពីបានស៊ើបសួរដឹងថា ធីធី ជាកូនស្រីដ៏ល្អ ចេះស្តាប់បង្គាប់ឪពុកម្តាយ និងមានភាពចាស់ទំ អ្នកស្រី សាវ បានស្រលាញ់នាងកាន់តែខ្លាំង។ អ្នកស្រី សាវ បាននិយាយថា៖ «ខ្ញុំតែងប្រាប់កូនថា ពេលរៀបការត្រូវរកអ្នកចាស់ជាងកូន បើកូននៅក្មេង កូននឹងរងទុក្ខ មើលគំរូម្តាយស្រាប់ ចាស់ជាងឪពុក ៤ឆ្នាំ គឺប្រពន្ធចាស់ចេះរកស៊ី»។
ដូច្នេះ អ្នកស្រី សាវ និងស្វាមី ក៏អន្ទះសារគិតគូររៀបការឲ្យកូនប្រុសមិនបង្អង់យូរ។ នៅពេលក្លាយជាកូនប្រសារជាផ្លូវការ ធី ត្រូវបានឪពុកម្តាយក្មេកស្រលាញ់កាន់តែខ្លាំង។ ជាក់ស្តែង ជាធម្មតា មនុស្សត្រូវក្រោកពីម៉ោង ៤ ព្រឹក ប៉ុន្តែ ធីធី អាចគេងលក់ស្រួលរហូតដល់ម៉ោង ៦ ព្រឹក។
បីថ្ងៃដំបូងក្រោយរៀបការ ម្ដាយក្មេក និងយាយក្មេកមិនបានសូម្បីតែឲ្យធីធ្វើការងារអ្វីទាំងអស់ ព្រោះពួកគេគិតថា កូនក្រមុំដែលធ្វើរឿងច្រើនមុខនឹងរងទុក្ខទៅថ្ងៃមុខ ហេតុនេះ នាងមិនចាំបាច់ប៉ះការងារនោះទេ។
ធី បាននិយាយទាំងមោទនភាពថា៖ «វាយឺតពេលហើយ ក្នុងការគេងនៅជនបទរហូតទល់ម៉ោង ៦ ព្រឹក ព្រោះជាធម្មតា មនុស្សគ្រប់គ្នាក្រោកពីម៉ោង ៤ ព្រឹក ដើម្បីសម្រួលការងារ។ ខ្ញុំនៅផ្ទះឪពុកម្តាយរបស់ខ្ញុំពីថ្ងៃច័ន្ទដល់ថ្ងៃសុក្រ ហើយត្រលប់ទៅផ្ទះប្តីរបស់ខ្ញុំនៅចុងសប្តាហ៍។ ខ្ញុំរវល់ការងារ៣អាទិត្យ អត់មានពេលទៅផ្ទះទេ ទើបខ្ញុំទូរស័ព្ទ និងប្រាប់ថា ម៉ាក់ កូនប្រសានឹកខ្លាំងណាស់! ប្រហែល ១០-២០នាទី ក្រោយមក ពួកគាត់នឹងមកយកខ្ញុំទៅផ្ទះហើយ»។
មិនត្រឹមតែទទួលបានក្តីស្រលាញ់ពីឪពុកម្តាយរបស់ស្វាមីទេ ធី ក៏ត្រូវបានស្វាមីស្រលាញ់យ៉ាងខ្លាំងផងដែរ៕ រក្សាសិទ្ធិដោយ៖ លឹម ហុង
