ម៉ាកាវ នឹងបើកដំណើរការកាស៊ីណូរបស់ខ្លួនឡើងវិញនៅថ្ងៃសៅរ៍ ២៣ កក្កដា ខាងមុខនេះ។ នេះបើយោងតាមប្រភពដែលដឹងពីបញ្ហានេះ។ ប្រភពនិយាយថា ស្របពេលនោះដែរ អាជ្ញាធរក៏កំពុងស្វែងរកការបន្ធូរបន្ថយវិធានការតឹងរ៉ឹងមួយចំនួន ដែលបានបិទទីតាំងល្បែងស៊ីសងដ៏ធំបំផុតរបស់ពិភពលោករយៈពេល ១២ ថ្ងៃ ដើម្បីទប់ស្កាត់ការរីករាលដាលដ៏អាក្រក់បំផុតនៃមេរោគកូវីដ -១៩។
អាជីវកម្ម និងបរិវេណសំខាន់ៗមួយចំនួនអាចនឹងបើកឡើងវិញនៅថ្ងៃទី 23 ខែកក្កដា រដ្ឋាភិបាលបានប្រកាសនៅក្នុងសេចក្តីថ្លែងការណ៍មួយកាលពីថ្ងៃពុធ ដែលមិនបានផ្តល់ព័ត៌មានលម្អិតអំពីកាស៊ីណូជាពិសេសនោះទេ។
រដ្ឋាភិបាលចង់ឱ្យកាស៊ីណូបើកដំណើរការដើម្បីរក្សាការងារការពារជូនប្រជាជន និងជីវភាពរស់នៅ ដោយសារប្រជាជនភាគច្រើននៅក្នុងទឹកដីនៃទីក្រុងម៉ាកាវដែលគ្រប់គ្រងដោយប្រទេសចិនត្រូវបានផ្តល់ការងារនៅកន្លែងលេងល្បែងដោយផ្ទាល់ ឬដោយប្រយោល។
ការបើកដំណើរការឡើងវិញមួយផ្នែកនឹងប្រព្រឹត្តទៅក្នុងរយៈពេលជាងពីរសប្តាហ៍ ប៉ុន្តែរោងកុន កន្លែងហាត់ប្រាណ និងក្លឹបសុខភាព ព្រមទាំងហាងកែសម្ផស្សនៅបន្តបិទ។ អាជ្ញាធរក៏នឹងបន្តការធ្វើតេស្ដរកមេរោគកូវីដ១៩លើអ្នកស្រុកជាង ៦០ ម៉ឺននាក់ក្នុងទីក្រុងផងដែរ។
សេចក្តីថ្លែងការណ៍បាននិយាយថា ប្រជាជននៅតែតម្រូវឱ្យស្នាក់នៅផ្ទះដាច់ដោយឡែក ពីអ្នកដែលត្រូវចេញទៅក្រៅសម្រាប់ “ការងារ ការដើរទិញឥវ៉ាន់ ឬហេតុផលបន្ទាន់ផ្សេងទៀត”។ ការឆ្លងបានធ្លាក់ចុះក្នុងរយៈពេលមួយសប្តាហ៍កន្លងមក ដោយមានតែ 10 ករណីប៉ុណ្ណោះដែលត្រូវបានរាយការណ៍កាលពីថ្ងៃអង្គារ។ ម៉ាកាវបានបិទកាស៊ីណូទាំងអស់របស់ខ្លួនជាលើកដំបូងក្នុងរយៈពេលជាងពីរឆ្នាំគិតត្រឹមថ្ងៃទី 11 ខែកក្កដា៕ប្រភព៖ រ៉យទ័រ