ដំណើរទស្សនកិច្ចរបស់ប្រធានសភាអាមេរិក លោកស្រី Nancy Pelosi បានជំរុញឱ្យប្រទេសចិន ចាប់ផ្តើមសមយុទ្ធយោធានៅច្រកសមុទ្រតៃវ៉ាន់ ដែលត្រូវបានថ្កោលទោសយ៉ាងទូលំទូលាយ។
នាយករដ្ឋមន្ត្រីតៃវ៉ាន់បានថ្កោលទោសចិនថាជា “អ្នកជិតខាងអាក្រក់” បន្ទាប់ពីយោធារបស់ខ្លួនបានចាប់ផ្តើមសមយុទ្ធបាញ់គ្រាប់ពិតជុំវិញកោះនេះ។
លោក Su Tseng-chang បានប្រាប់អ្នកសារព័ត៌មានក្នុងរដ្ឋធានីតៃប៉ិថា លោកជឿថា ប្រទេសចិនកំពុងបំផ្លាញច្រកសមុទ្រតៃវ៉ាន់ តាមអំពើចិត្ត ដែលជាផ្លូវទឹកប្រើប្រាស់ញឹកញាប់បំផុតរបស់ពិភពលោក ជាមួយនឹងសមយុទ្ធយោធារបស់ខ្លួន ហើយសកម្មភាពរបស់ចិន ត្រូវបានថ្កោលទោសដោយប្រទេសជិតខាង និងពិភពលោកដ៏ទៃទៀត។
ទីក្រុងប៉េកាំងបានទទួលស្គាល់ថា មានការបាញ់គ្រាប់ពិត ប៉ុន្តែថា វាគឺជា “ការវាយប្រហារដោយកាំជ្រួច” ដែលជាផ្នែកមួយនៃសមយុទ្ធដោយកងទ័ពជើងទឹក កម្លាំងទ័ពអាកាស និងនាយកដ្ឋានផ្សេងទៀតនៅក្នុងតំបន់ចំនួនប្រាំមួយ ជុំវិញកោះនេះប៉ុណ្ណោះ។
ជប៉ុននិយាយថា ខ្លួនត្រូវបង្ខំចិត្តតវ៉ាចំពោះចិនបន្ទាប់ពីកាំជ្រួចចំនួន ៥ គ្រាប់បានធ្លាក់ចូលក្នុងតំបន់សេដ្ឋកិច្ចផ្តាច់មុខរបស់ខ្លួន។
ទន្ទឹមនេះផងដែរ តៃវ៉ាន់ក៏បានដាក់កម្លាំងយោធារបស់ខ្លួនឱ្យប្រុងប្រយ័ត្ន និងបានធ្វើសមយុទ្ធការពារស៊ីវិល ខណៈអាមេរិកមានទ្រព្យសម្បត្តិកងទ័ពជើងទឹកជាច្រើននៅក្នុងតំបន់នោះ។
ក្រសួងការពារជាតិតៃប៉ិ បាននិយាយនៅក្នុងសេចក្តីថ្លែងការណ៍មួយថា “គិតត្រឹមម៉ោង ១១ ព្រឹក យន្តហោះចម្បាំង និងនាវាចម្បាំងរបស់ចិនជាច្រើនគ្រឿង បានធ្វើសមយុទ្ធនៅជុំវិញច្រកសមុទ្រតៃវ៉ាន់ ហើយបានឆ្លងកាត់ខ្សែបន្ទាត់មធ្យមនៃច្រកសមុទ្រ”៕ រក្សាសិទ្ធិដោយ៖ លឹម ហុង
