តាកែវ៖ ថ្លែងប្រាប់អ្នកសារពត័មានក្រោយបញ្ចប់ការបើសិក្ខាសាលស្តីពីរការបញ្ចប់គម្រោងអភិវឌ្ឍន៏កសិកម្ម និងជំរុញកំណើនសេដ្ឋកិច្ចខេត្តតាកែវ ហៅកាត់ថា (PADEE) នៅសាលមហោស្រពខេត្តតាកែវ នាព្រឹកថ្ងៃទី ២៤ ឧសភា ២០១៨ នេះលោក ញិប ស្រ៊ន ប្រធានមន្ទីរកសិកម្ម រុក្ខាប្រមាញ់និងនេសាទ បានអោយដឹងថា អស់រយៈពេល ៦ឆ្នាំកន្លងមកនេះ គម្រោង PADEE បានចំណាយដើមទុន ៤០លានដុល្លារ សម្រាប់ជាប្រាប់កម្ចីដល់ប្រជាកសិករ នៅខេត្តគោលដៅចំនួន ៥ ក្នុងនោះគឺមានខេត្តតាកែវរបស់យើងមួយដែរ ដែលគម្រោងនេះមានគោលដៅ ចង់លើកកំពស់ជីវភាពរស់នៅរបស់កសិករក្រីក្រ និងចង់បង្កើនផលិតភាពកសិកម្ម ប្រាក់ចំណូលរបស់គ្រួសារកសិករនៅតាមទីជនបទ ។
លោក ញិប ស្រ៊ន បានបន្តថា សម្រាប់ខេត្តតាកែវយើងនេះ គឺយើងបានរៀបចំបង្កើតជាក្រុម ក្នុងដំណើរការរបស់គម្រោង PADEEនេះ ដោយយើងមានក្រុមចំនួន ២៣២ក្រុម ហើយក្នុងមួយក្រុមគឺយើងមាន ៥០គ្រួសារ ដោយក្រុមនីមួយៗគម្រោង បានទំលាក់ទន់អោយ ៤៨លានរៀល សម្រាប់ការបង្ករបង្កើនផលនៃផ្នែកកសិកម្ម តែរហូតមកដល់ពេលបច្ចុប្បន្ននេះ ក្នុងរយៈពេល ៦ឆ្នាំនេះ យើងឃើញថានៅតាមក្រុមនិមួយៗគឺ មានប្រាក់ចំណូលកើនឡើង លើដើមទុន ពី ៤៨លានរៀល មក៦០ ទៅ៦៥លានរៀលហើយ នៅក្នុងមួយក្រុម ហើយក្នុងក្រុមទាំងអស់នោះ គឺធ្លាប់ទទួលបានការបណ្តុះបណ្តាល ពីបច្ចេកទេសកសិកម្មនេះ តាំងពីការងារដាំដុះស្រូវ ដំណាំផ្សេង ការចិញ្ចឹមមាន់ ចិញ្ចឹមត្រី ដើម្បីធ្វើយ៉ាងណាអោយប្រជាសកិករទាំងនោះបង្កើននៅប្រាក់ចំណូលរបស់ពួកគាត់នៅតាមមូលដ្ឋាន ។ ទន្ទឹមនិងនោះផងដែរ ប្រជាកសិករទាំងនោះ ក៏ធ្លាប់ទទួលបាននៅការបណ្តុះបណ្តាលបច្ចេកទេសលើកការគ្រប់គ្រងថវិការ ផងដែរ ដើម្បីអោយមាននីរន្តរភាពទៅមុខ ដែលគម្រោងមានគោលបំណងសំខាន់ចង់ អោយក្រុមរបស់គម្រោង PADEE នេះទាំងអស់នេះ បានក្លាយទៅជាសហគមន៏កសិកម្ម ទៅថ្ងៃខាងមុខផងដែរ ៕ តាកែវ
