សិង្ហបុរី៖ ឧបនាយករដ្ឋមន្ត្រី ឡឺរ៉េន វ៉ុង (Lawrence Wong) នឹងទៅបំពេញទស្សនកិច្ចនៅប្រទេសម៉ាឡេស៊ី ចាប់ពីថ្ងៃអាទិត្យ (ទី៤ ខែកញ្ញា)ម្សិលមិញនេះ ដល់ថ្ងៃពុធ នេះបើតាមខុទ្ទការល័យនាយករដ្ឋមន្ត្រីបានប្រកាសកាលពីថ្ងៃអាទិត្យ។ នេះជាដំណើរទស្សនកិច្ចផ្លូវការលើកដំបូងរបស់លោក Wong នៅប្រទេសម៉ាឡេស៊ី ក្នុងនាមជាឧបនាយករដ្ឋមន្ត្រី។ គាត់ត្រូវបានគេតែងតាំងឲ្យកាន់តួនាទីក្នុងខែមិថុនា។
លោក Wong ដែលជារដ្ឋមន្ត្រីហិរញ្ញវត្ថុផងនោះ នឹងចូលជួបពិភាក្សាជាមួយស្តេចម៉ាឡេស៊ី Sultan Abdullah Sultan Ahmad Shah និងជួបនាយករដ្ឋមន្ត្រី Ismail Sabri Yaakob។ គាត់ក៏នឹងជួបជាមួយទេសរដ្ឋមន្ត្រី និងជារដ្ឋមន្ត្រីការពារជាតិ Hishammuddin Hussein សមភាគីហិរញ្ញវត្ថុរបស់គាត់ Tengku Zafrul Aziz ប្រធានធនាគារកណ្តាល Nor Shamsiah Mohd Yunus ក៏ដូចជាអ្នកនយោបាយ និងបុគ្គលិកអាជីវកម្មផ្សេងទៀត។ លោក Wong នឹងត្រូវអមដំណើរដោយមន្ត្រីមកពីក្រសួងការបរទេស ក្រសួងហិរញ្ញវត្ថុ និងក្រសួងទំនាក់ទំនង និងព័ត៌មាន។ ប្រភព៖ CNA/ac
