ភ្នំពេញ ៖ នារីជនបទេសម្នាក់បានរងរបួសធ្ងន់ ខណៈពេលបើករថយន្តម៉ាកMini Copperមួយគ្រឿង ក្នុងល្បឿនលឿនបានរេចង្កូតជ្រុលទៅបុ.ករនាំងថ្មពុះចែកទ្រូងផ្លូវ ចំពាក់កណ្តាលពេញទំហឹង បណ្តាលឲ្យរថយន្តខូចខាតផ្នែកខាងមុខទាំងស្រុង។
ហេតុការណ៍ភ្ញាក់ផ្អើលនេះដែរ បានកើតឡើងនៅវេលម៉ោង ១រំលងអធ្រាត្រឈានចូលថ្ងៃទី១៥ ខែវិច្ឆិកា ឆ្នាំ២០២២ ស្ថិតនៅតាមបណ្តោយផ្លូវព្រះនរោត្តម ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ប្រភពពីកន្លែងកើតហេតុបានប្រាប់ឲ្យដឹងថា មុនកើតហេតុគេឃើញនារីជនបរទេសម្នាក់ បានបើករថយន្តម៉ាកMiniCopper មួយគ្រឿងពណ៌សពាក់ផ្លាកលេខភ្នំពេញ 2BD-0520 បើកបរតាមបណ្ដោយផ្លូវព្រះនរោត្តម ក្នុងទិសដៅពីត្បូងទៅជើងក្នុងល្បឿនយ៉ាងលឿន ខណៈមកដល់ចំណុចកើតហេតុនៅស្តុបចំការមន ក៏បានរេចង្កូតមកខាងឆ្វេងដៃជ្រុលទៅបុ.កនឹងរនាំងថ្មពុះចែកទ្រូងផ្លូវ ចំពាក់កណ្ដាលយ៉ាងពេញទំហឹង បណ្ដាលឲ្យរថយន្តរងការខូចខាតមួយកំណាត់មុខទាំងស្រុង ចំណែកឯអ្នកបើកបរជានារីជនបរទេសវិញ បានរងរបួសធ្ងន់ត្រូវបានរថយន្តសាមុយឯកជនមួយកន្លែង ដឹកយកទៅសង្គ្រោះបន្ទាន់ភ្លាមៗ៕ រក្សាសិទ្ធិដោយ ៖ សា មេត
