តាំងពីឆ្នាំ ១៩០២ បន្ទាប់កើតឡើងករណីឃាតកម្មលើប្រធានាធិបតីអាមេរិក William McKinley កងអង្គរក្សអាមេរិក ត្រូវបានសំណូមពរឲ្យការពារមេដឹកនាំសេតវិមាននឹងក្រុមគ្រួសារដោយពុំគិតអំពីពេលវេលា។ នៅពេលប្រធានាធិបតីត្រូវទស្សនកិច្ចនៅបរទេស កងអង្គរក្សមានភារៈកិច្ចការពារហើយតម្រូវឲ្យរៀបចំផែនការទុកជាមុនរាប់ខែ។
តាមទស្សនាវដ្តី Inverse ផ្សាយឆ្នាំ ២០១៦ នោះលោក Trump ជាបេក្ខភាពប្រធានាធិបតីដំបូងគេ ដែលប្រើប្រាស់អាវក្រោះរៀងរាល់ពេលថ្លែងសុន្ទរកថា។ មានតែធ្វើបែបនេះទើបលោកអាចស្ងប់ចិត្ត ធ្វើការឃោសនាបាន។
កាសែត Salon របស់អាមេរិកឲ្យដឹងថា លោក Trump ច្រើនមាន “អារម្មណ៍នឿយហត់” ព្រោះពាក់អាវក្រោះដ៏ធ្ងន់ តែលោកទ្រាំព្រោះវាធ្វើឲ្យស្ងប់ចិត្តពុំខ្លាច “គ្រាប់ផ្លាត”ចំ។ តាមកាសែតដដែលអាវក្រោះពេលនោះមានទម្ងន់ដល់ទៅ 9kg ឯណោះធ្វើឲ្យចលនារបស់លោកពុំរហ័សរហួន។
ប៉ុន្តែឥឡូវនេះចំពោះលោក Trump ពេលក្លាយជាប្រធានាធិបតីលោកមានការការពាររឹងមាំមធ្យ័ត ហើយថែមទាំងទទួលបានអាវក្រោះជំនាន់ថ្មីផលិតដោយ Miguel Caballero។
ប្រភេទអាវក្រោះនេះស្រាលជាងមុនច្រើន ហើយអាចប្រឆាំងគ្រាប់ដល់ទៅធុន 9mm ឬ 7,62m តាមស្តង់ដា NATO ។ តម្លៃអាវនីមួយៗគឺ ៦០០០ដុល្លារ។
ដោយសារអាវនេះធ្វើពីសរសៃសូត្រ Kelvar មានកម្រិតស្វិតមាំជាងដែកថែប៥ដង តែស្រាលជាងច្រើន ទើបពេលខ្លះពិបាកដឹងថា ប្រធានាធិបតីអាមេរិក មានពាក់អាវក្រោះដែរឬអត់៕ សូយន