កាលពីថ្ងៃព្រហស្បតិ៍ ក្រុមអ្នកមុជទឹកចំនួន៤នាក់ បានទៅដល់រូងភ្នំមួយដែលត្រូវបានតភ្ជាប់ទៅនឹងអ្វីដែលគេហៅថា “ឆ្នេរខ្សាច់ Pattaya” ដែលជាទីកន្លែងដែលកីឡាករបាល់ទាត់វ័យជំទង់ៗចំនួន ១២ នាក់ ដែលបាត់ខ្លួន និងគ្រូបង្វឹករបស់ពួកគេ ក៏ត្រូវបានគេជឿថាកំពុងជាជាប់គាំងនៅក្នុងនោះ ។
ហ្វេសប៊ុកមួយឈ្មោះ Thai Navy Seal បានបង្ហោះបណ្តារូបភាពជាច្រើន បង្ហាញឲ្យឃើញអ្នកមុជទឹក២នាក់ កំពុងស្ថិតនៅក្នុងទឹកក្នុងរូងភ្នំនោះ ដោយបានកាន់ជាមួយខ្សែ ។
អ្នកប្រើប្រាស់ហ្វេសប៊ុកនេះក៏បាននិយាយថា អ្នកមុជទឹក៤នាក់ បានឈានដល់ផ្នែកធំទី៣ នៃរូបភ្នំនោះហើយ ដោយពួកគេបានតភ្ជាប់ខ្សែទូរស័ព្ទ និងចាប់ផ្តើមបូបទឹកចេញ ។
ផ្នែកធំនោះ គឺស្ថិតនៅជិតទីកន្លែងដែលក្រុមក្មេងៗ និងគ្រូបង្វឹករបស់ពួកគេ ដែលត្រូវបានសន្មត់ថាកំពុងជ្រកនៅទីនោះ បន្ទាប់ពីគេចចេញពីទឹកជំនន់កើនឡើងយ៉ាងគំហក់ភ្លាមៗនាពេលនោះ កាលពីថ្ងៃសៅរ៍ ។
ទន្ទឹមនេះផងដែរ នៅលើបណ្តាញសង្គម បានចែករំលែករូបភាពដ៏មានក្តីសង្ឃឹមមួយ ដែលបានបង្ហាញឲ្យឃើញបណ្តារូបភាព Zoom in ស្ថិតនៅជ្រុងៗនៃរូងថ្មនោះ ដោយមនុស្សម្នាក់ៗត្រូវបានឃើញនៅលើតាមជញ្ជាំងរូង ដែលក្នុងនោះរូបភាពមួយចំនួនបង្ហាញជាក្មេង ។ នេះជារឿងរ៉ាវកើតឡើងគួរឲ្យខ្លាច ខណៈដែលអាជ្ញាធរកំពុងព្យាយាមទៅសង្គ្រោះជីវិតមនុស្ស ១៣ នាក់ ដែលកំពុងជាប់គាំងនៅក្នុងរូងថ្មនោះ ដែលគិតមកទល់ពេលនេះមានរយៈពេល ៨ ថ្ងៃហើយ ៕ ឧត្តម
ក្មេងៗកីឡាករបាត់ខ្លួន ដែលបានចូលក្នុងរូងភ្នំនេះ កាលពី២ឆ្នាំមុន
