Tuesday, April 16, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ពិធី​អភិសេកព្រះ​នាង​ល​ក្ម្សី​នៅ​សម័យ​នគរ​ភ្នំ​

spot_img

​ជាការ​ពិត យើង​បាន​ស្គាល់​ពី​ភាព​តំណាង​នៃ​ការរៀប​អភិសេកព្រះ​នាង​ល​ក្ម្សី ឬ​ល​ក្ម្សី​ភិ​សេក តាម​រូបចម្លាក់​មួយចំនួន ហើយ​យើង​ក៏​អាច​មើល​ចម្លាក់​នេះ ដែល​គេ​បាន​ឆ្លាក់​នៅលើ​ប្រាសាទបន្ទាយស្រី​នា ស​.​វ​ទី​១០ ដែរ ដោយសារតែ​ចម្លាក់​នេះ​ត្រូវបាន​ខ្មែរ​ចាត់ទុកថា ជា​ប្រផ្នូល​នៃ​សិរី​មង្គល ។​

ដី​ដុត​អង្គរបុរី​តំណាង​ពិធី​អភិសេក​របស់​ព្រះ​នាង​ល​ក្ម្សី សារមន្ទីរ​ជាតិពន្ធុវិទ្យា​ទួលគោក​- ចម្លាក់​បន្ទាយស្រី ស​.​វ​ទី​១០ និង​គំនូរ​ឥណ្ឌា​សម័យ​ទំនើប (​ថត​ឆ្នាំ​២០០០)

ប៉ុន្តែ​គ្មានអ្វី​បញ្ជាក់ថា ខ្មែរ​បាន​ស្គាល់​រឿងនេះ​នា​សម័យមុនៗ​សោះ ពោលគឺ​សម័យ​បុ​រេ​អង្គរ ព្រោះ​យើង​ពុំ​បានឃើញ​ចម្លាក់ ឬ សិលាចារឹក ពិពណ៌នា​ឡើយ ។ អាច​ថា​រហូតដល់​សព្វថ្ងៃនេះ ពុំទាន់​មាន​កំណាយ​សំខាន់ៗ​ណាមួយ នៅតាម​ស្ថានីយ៍​ដើម្បី​ស្វែងយល់​អំពី វប្បធម៌​បុ​រេ​អង្គរ ទើប​យើង​ពុំ​អាច​អះអាង​បាន​។ ចំណុច​អវិជ្ជមាន​នេះ​ធ្វើ​ឲ្យ​យើង​ស្ថិតក្នុង​ស្ថានភាព​មួយ​មិន​ប្រាកដប្រជា ដោយ​គ្មាន​ទិន្នន័យ​ច្បាស់លាស់ ។​

​តែ​យោងតាម​ការរកឃើញ​នៅ​អង្គរបុរី យើង​យល់ថា ដូនតា​ខ្មែរ​បាន​ស្គាល់​រឿង​ល​ក្ម្សី​អភិសេក តាំងពីដើម​សម័យ ប្រវត្តិសាស្ត្រ​ម្ល៉េះ ដែល​រឿងនេះ​បាន​ហូរ​ចូល​ពី​ឥណ្ឌា ។ យើង​ជឿជាក់ថា ប្រវត្តិ​នៃ​ពិធី​អភិសេកព្រះ​នាង​ល​ក្ម្សី ត្រូវបាន​ជនជាតិខ្មែរ​ស្គាល់​រួចស្រេច​ទៅហើយ តាំងតែ​ពី​សម័យ​នគរ​ភ្នំ​មក ថ្វីត្បិតតែ​គ្មាន​ការចុះ​កាលបរិច្ឆេទ​ច្បាស់លាស់​ក្តី ហើយ​ថែមទាំង​បាន​ឆ្លាក់​រំលេច​ជា​ក្បាច់​នៅលើ​ហោជាងប្រាសាទ ឬ​វត្ត​អារាម ដើម្បី​ទុកជា​ទី​សក្ការ​:​បូជា​ទៀតផង ៕ (​ម​.​ត្រា​ណេ​)​

spot_img
×