តាម Reuters ក្រសួងការពារជាតិអ៊ីស្រាអែល បានប្រកាសឲ្យដឹងថា កម្លាំងការពារដែនអាកាសបានប្រើកាំជ្រួច Patriot របស់ខ្លួនបាញ់ទម្លាក់យន្តហោះគ្មានអ្នកបើកបរ (UAV) មួយរបស់ស៊ីរីនៅតំបន់ “ស” ចន្លោះព្រំដែនប្រទេសទាំង២ នៅខ្ទង់រាប Golan។ អ៊ីស្រាអែល ឲ្យដឹងទៀតថា នេះជាប្រភេទ UAV ផលិតដោយរុស្ស៊ី។
អ្នកនាំពាក្យកងទ័ពអ៊ីស្រាអែលនិយាយថា ៖ “នេះជាប្រភេទ UAV ស៊ើបការណ៍ពុំមានបំពាក់អាវុធ ហើយយើងខ្ញុំកំពុងស៊ើបអង្កេតថា វាមានទាក់ទិនជាមួយអង្គការភេរវកម្ម Hczbollah ដែលឬទេ”។ រដ្ឋមន្ត្រីក្រសួងការពារជាតិអ៊ីស្រាអែល Avigdor Lieberman បានហៅរឿងនេះថា ជាករណីដ៏ធ្ងន់ធ្ងរមួយ ហើយក្រុង Tel Aviv នឹងឆ្លើយតបចំពោះរាល់ទង្វើបង្កជម្លោះ។ លោកសង្កត់ធ្ងន់ថា ៖ “រដ្ឋាភិបាលស៊ីរីត្រូវទទួលខុសត្រូវ ប្រសិនបើមានរាល់ការបាញ់ផ្លោង ឬទង្វើបំពានបូរណភាពដែនដីណាមួយ។ យើងខ្ញុំសំណូមពរឲ្យពួកគេត្រូវស្វ័យរារាំងបណ្តាក្រុមបក្ខទាំងឡាយកំពុងធ្វើសកម្មភាពលើទឹកដីរបស់ខ្លួន។
កន្លងមកស៊ីរីចាត់ទុកថា បណ្តាក្រុមបះបោរប្រឆាំងរដ្ឋអំណាចជា “ភេរវករ” ហើយចោទប្រកាន់ថា អ៊ីស្រាអែលស្ថិតនៅពីក្រោយកងកម្លាំងទាំងអស់នេះ ខណៈពេលអ៊ីស្រាអែលលើកឡើងថា ការវាយប្រហារពីដែនអាកាសគឺសំដៅលើសកម្មភាពដឹកជញ្ជូនអាវុធរបស់ពួកឧទ្ទាម Hezbollah ដែលកំពុងគាំទ្ររដ្ឋស៊ីរីប្រឆាំងតបតជាមួយពួកឧទ្ទាម IS និងក្រុមបះបោរដទៃទៀតនៅប្រទេសនេះ។
រីឯកងទ័ពរុស្ស៊ីបានចាប់ផ្តើមយុទ្ធនាការអន្តរាគមន៍យោធាចូលក្នុងប្រទេសស៊ីរី Bashar al-Assad ប្រឆាំងតបពួក IS និងបណ្តាក្រុមបះបោរ។
ក្រុងមូស្គូ ក៏បានបញ្ជូនអាវុធយុទ្ធភ័ណ្ឌដល់ស៊ីរី ក្នុងនោះមានរថក្រោះទំនើបៗ និង UAV ផងដែរ៕ សូយន
“វត្ថុ” ដែលត្រូវបាញ់ធ្លាក់ពីលំហអាកាសត្រូវបានចាត់ទុកជា UAV របស់ស៊ីរី
