តាម AFP ចុះផ្សាយនៅថ្ងៃទី១០ ខែកក្កដានេះ ប្រធានាធិបតីអាមេរិកDonald Trump និយាយថា ជំនួបរបស់លោកជាមួយសមភាគីរុស្សី Vladimir Putin អាចងាយស្រួលជាងប្រៀបទៅនឹងសម្ព័ន្ធមិត្តអឺរ៉ុប។
ប្រធានាធិបតីTrump និងប្រធានាធិបតីរុស្សីលោកPutin
ការលើកឡើងខាងលើនេះ ត្រូវបានលោកTrump ថ្លែងឡើងមុនពេលដែលលោករៀបចំធ្វើដំណើរទៅកាន់ Brussels ដើម្បីចូលរួមសន្និសីទកំពូល NATO។
ឈរនៅពីមុខយន្ដហោះលេខ«១» លោកTrump បញ្ជាក់ថាៈ ក្នុងចំណោមទាំងអស់នោះ និយាយឱ្យត្រង់ទៅ លោកPutin អាចងាយស្រួលជាងគេ-លោកបានឆ្លើយបែបនេះពេលគេសួរពីជំនួបនៅថ្ងៃទី១៦កក្កដាជាមួយលោកPutin។
លោកTrump ក៏នូវបានសន្យាថានឹងមិនទុកឱ្យសហគមន៍អឺរ៉ុបឆ្លៀតឱកាសកេងប្រវ័ញ្ចក្នុងករណីធ្វើពាណិជ្ជកម្មមិនស្មើភាព ក៏ដូចជាពុំបានគាំទ្រហិរញ្ញវត្តុគ្រប់គ្រាន់សម្រាប់NATO ។
ខណៈពេលនោះបើតាមរ៉យទ័រ ប្រធានាធិបតីTrump ឱ្យដឹងថាៈ លោកពុំអាចអះអាងថាតើសមភាគីរុស្ស៊ីPutin ជាមិត្ត ឬជាសត្រូវ ប៉ុន្ដែចំពោះលោកនោះគឺជាដៃគូម្នាក់៕
សូយន