Friday, April 19, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

CSX៖ ចំនួនគណនីជួញដូរបានកើនឡើងគួរឱ្យកត់សម្គាល់ដល់ជិត ៤ម៉ឺនគណនី នៅដើមឆ្នាំ២០២៣

spot_img

ភ្នំពេញ៖ ឯកឧត្តម ហុង សុខហួរ នាយកប្រតិបត្តិផ្សារមូលបត្រកម្ពុជា CSX បានឲ្យដឹងថា ចំនួនគណនីជួញដូរបានកើនឡើងគួរឱ្យកត់សម្គាល់ដល់ ៣៨,០០០គណនី នៅដើមឆ្នាំ២០២៣”។

ឯកឧត្តម ហុង សុខហួរ បានមានប្រសាសន៍ថា ទំហំពាណិជ្ជកម្មជាមធ្យមប្រចាំថ្ងៃបានផ្លាស់ប្តូរពី ១០,០០០ដុល្លារ ក្នុងឆ្នាំ២០១៧ ទៅ ៥០០,០០០ដុល្លារ ក្នុងឆ្នាំ២០២២។

ឯកឧត្តម បានចង្អុលបង្ហាញថា CSX មានគោលដៅពង្រីកទំហំពាណិជ្ជកម្មប្រចាំថ្ងៃចំនួន ១០០លានដុល្លារ នៅពេលដែលកម្ពុជា ក្លាយជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០។​

សេចក្តីថ្លែងការណ៍របស់នាយកប្រតិបត្តិ CSX បានឲ្យដឹងថា ក្នុងឆ្នាំ០៣នេះ ក្រុមហ៊ុនចំនួនបួនទៀត រំពឹងថា នឹងមកចុះបញ្ជី ក្នុងផ្សារមូលបត្រកម្ពុជា។ សេចក្តីថ្លែងការណ៍នេះ ធ្វើឡើងបន្ទាប់ពីក្រុមហ៊ុនទូរគមនាគមន៍ Cellcard ប្រកាសពីការការបើកដំណើរការការបោះផ្សាយលក់មូលបត្រកម្មសិទ្ធជាសាធារណៈ (IPO) គ្រោងចុះបញ្ជីនៅថ្ងៃទី២០ ខែមិថុនា ឆ្នាំ២០២៣ ដែលផ្តល់ជូនជាសាធារណៈដំបូងចំនួន ៣០លានដុល្លារ។​

សែលកាត បានប្រកាសពីការការបើកដំណើរការការបោះផ្សាយលក់មូលបត្រកម្មសិទ្ធជាសាធារណៈ (IPO) នៃភាគហ៊ុនរួមថ្នាក់ A ។ ទំហំពិតប្រាកដនៃការបោះផ្សាយលក់មូលបត្រកម្មសិទ្ធជាសាធារណៈគឺអាស្រ័យលើតម្រូវការជាក់ស្ដែង។

ការបោះផ្សាយមូលបត្រកម្មសិទ្ធជាសាធារណៈរបស់ក្រុមហ៊ុន សែលកាត នឹងមានតម្លៃ ២២៧០ រៀល/ហ៊ុន ឬស្មើនឹង ០.៥៧ ដុល្លារ/ហ៊ុន។ តម្លៃត្រូវបានកំណត់និងយល់ព្រមរវាង ក្រុមហ៊ុន ខេម ជ្ជីអេសអេម និងអេសប៊ីអាយ ស៊ីឃ្យួរឹធី ដោយផ្អែកលើស្ថានភាពទីផ្សារជាក់ស្ដែង ក្រោយពេលពិចារណាលើកត្តាមួយចំនួនដូចជា ប្រវត្តិប្រតិបត្តិការ និងហរិញ្ញវត្ថុដ៏រឹងមាំរបស់ក្រុមហ៊ុន និងភាពរីកចម្រើនរបស់ក្រុមហ៊ុន ដែលបានព្យាករណ៍ទុកសម្រាប់ពេលអនាគត។​

ផ្សារមូលបត្រកម្ពុជា ជាសហគ្រាសសាធារណៈដែលមានភាគហ៊ុនរបស់រដ្ឋាភិបាលចំនួន ៥៥ភាគរយ ហើយភាគហ៊ុនដែលនៅសល់កាន់កាប់ដោយ Korea Exchange ត្រូវបានបង្កើតឡើងក្នុងឆ្នាំ២០១១។ CSX បង្កើត និងដំណើរការទីផ្សារមូលបត្រ មជ្ឈមណ្ឌលទូទាត់ និងបង់ប្រាក់ និងកន្លែងដាក់ប្រាក់បញ្ញើ ស្របតាមច្បាប់ស្តីពីការចេញ និងការជួញដូរមូលបត្រមិនមែនរដ្ឋាភិបាល និងបទប្បញ្ញត្តិជាបន្តបន្ទាប់របស់ខ្លួន៕

spot_img
×