ខេត្តកណ្តាល៖ ថ្លែងនៅក្នុងកិច្ចប្រជុំបូកសរុបគម្រោងសកម្មភាពអាទិភាព សម្រាប់រៀបចំកម្មវិធីវិនិយោគបីឆ្នាំរំកិលខេត្ត ឆ្នាំ២០២៤-២០២៦ នៅព្រឹកថ្ងៃទី៦ ខែមិថុនា ឆ្នាំ២០២៣នេះ ឯកឧត្ដម ប្រាក់ សារ៉ាត អភិបាលរងខេត្តកណ្ដាល បានជំរុញដល់អាជ្ញាធរក្រុង-ស្រុក មន្ទីរ-អង្គភាពជុំវិញខេត្ត ត្រូវបន្តកៀរគរថវិកាពីប្រភពនានាជួយគាំទ្រគម្រោងរបស់រដ្ឋបាលខេត្ត ក្រុង-ស្រុក និង ឃុំ-សង្កាត់ដែលបានស្នើឡើង ក្នុងគោលដៅអភិវឌ្ឍន៍មូលដ្ឋានឱ្យកាន់តែមានភាពរីកចំរើនបន្ថែមទៀត ឆ្លើយតបទៅនឹងសេចក្តីត្រូវការរបស់ប្រជាពលរដ្ឋ និងជួយពន្លឿនកិច្ចអភិវឌ្ឍន៍ខេត្តកណ្តាល ស្របតាមគោលនយោបាយរបស់រាជរដ្ឋាភិបាល ក្នុងការកាត់បន្ថយភាពក្រីក្រជូនប្រជាពលរដ្ឋ។
![](https://cen.com.kh/wp-content/uploads/2023/06/photo_2023-06-06_16-12-59-1024x682.jpg)
ឯកឧត្ដម បានស្នើដល់សមាជិកក្នុងអង្គប្រជុំ ត្រូវចូលរួមពិនិត្យនិងផ្តល់យោបល់បន្ថែមទាំងខ្លឹមសារ និងទិន្ន័យឱ្យកាន់តែមានភាពត្រឹមត្រូវច្បាស់លាស់គ្រប់ជ្រុងជ្រោយ ដើម្បីជាប្រយោជន៍ក្នុងការប្រើប្រាស់លើកិច្ចអភិវឌ្ឍន៍របស់ខេត្តឱ្យចំគោលដៅ អាចសម្រេចគោលបំណងនិងចក្ខុវិស័យរបស់ខេត្ត ស្របទៅតាមតម្រូវការជាមូលដ្ឋានអាទិភាពជាក់ស្តែងរបស់ ប្រជាជនទូទាំងខេត្តសំដៅរួមចំណែកកាត់បន្ថយភាពក្រីក្រ លើកកម្ពស់ជីវភាពរស់នៅ និងសុខុមាលភាពរបស់ប្រជាពលរដ្ឋក្នុងខេត្តឱ្យកាន់តែប្រសើរឡើង។
![](https://cen.com.kh/wp-content/uploads/2023/06/photo_2023-06-06_16-12-59-2-1024x682.jpg)
ជាមួយគ្នានេះ ដើម្បីធ្វើឱ្យដំណើរការនៃការរៀបចំកសាងកម្មវិធីវិនិយោគបីឆ្នាំរំកិលខេត្ត ទទួលបានជោគជ័យ ឯកឧត្តមបានណែនាំដល់អង្គភាពពាក់ព័ន្ធទាំងអស់ ត្រូវកំណត់បញ្ហាស្នូលហើយត្រូវដំណោះស្រាយឱ្យបានល្អ ត្រូវចាត់អតិភាពគម្រោង ដើម្បីអនុវត្តស្របទៅតាមតម្រូវការជាក់ស្ដែងរបស់មូលដ្ឋានខ្លួន។ ជាពិសេសត្រូវខិតខំឱ្យអស់ពីលទ្ធភាព ក្នុងការរៀបចំកសាងកម្មវិធីវិនិយោគបីឆ្នាំរំកិល និងផែនការអភិវឌ្ឍន៍នានាបានទាន់ពេលវេលា តាមការកំណត់ផងដែរ៕ រក្សាសិទ្ធដោយ ៖ ឈុនហ៊ាត
![](https://cen.com.kh/wp-content/uploads/2023/06/photo_2023-06-06_16-13-11-2-1024x682.jpg)
![](https://cen.com.kh/wp-content/uploads/2023/06/photo_2023-06-06_16-13-11-3-1024x682.jpg)
![](https://cen.com.kh/wp-content/uploads/2023/06/photo_2023-06-06_16-13-11-4-1024x682.jpg)
![](https://cen.com.kh/wp-content/uploads/2023/06/photo_2023-06-06_16-13-11-1024x682.jpg)
![](https://cen.com.kh/wp-content/uploads/2023/06/photo_2023-06-06_16-13-12-2-1024x682.jpg)
![](https://cen.com.kh/wp-content/uploads/2023/06/photo_2023-06-06_16-13-12-1024x682.jpg)