Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

សភាពាណិជ្ជកម្ម​អាមេរិក​បញ្ជាក់​ពី​ការវិវត្តន៍​រីកចម្រើន របស់​ប្រទេស​កម្ពុជា​

spot_img

ភ្នំពេញ​៖ សភាពាណិជ្ជកម្ម​អាមេរិក ប្រចាំ​ប្រទេស​កម្ពុជា បាន​បញ្ជាក់​ពី​ការវិវត្តន៍​រីកចម្រើន របស់​ប្រទេស​កម្ពុជា ដែល​រាជរដ្ឋាភិបាល​កម្ពុជា បាន​ដាក់ចេញ​នូវ គោលនយោបាយ ប្រកបដោយ​ប្រសិទ្ធភាព និង​សេដ្ឋកិច្ច របស់​កម្ពុជា មាន​ការវិវត្តន៍​រីកចម្រើន​គួរឱ្យកត់សម្គាល់​។​

​លោក អ៊ិត សំហេង រដ្ឋមន្ត្រីក្រសួង​ការងារ និង​បណ្តុះបណ្តាល​វិជ្ជាជីវៈ និង​ជា​ប្រធាន​គណៈកម្មាធិការ​ជាតិ​បណ្តុះបណ្តាល បានអនុញ្ញាត​ឱ្យ លោក Charles Esterhoy ប្រធានសភា​ពាណិជ្ជកម្ម​អាមេរិក​ប្រចាំ​ប្រទេស​កម្ពុជា (AmCham) ដឹកនាំ​គណៈប្រតិភូ​ចូលជួប​សម្តែង​ការគួរសម និង​ពិភាក្សា​ការងារ​នា​រសៀល​ថ្ងៃ​ទី​១៥ ខែវិច្ឆិកា ឆ្នាំ​០១៧​នៅ​ទីស្តីការក្រសួង​។​

​លោក Charles Esterhoy បាន​ថ្លែងថា គោលបំណង​នៃ​ជំនួប​នេះ គឺ​ដើម្បី​បង្កើន​កិច្ចសហប្រតិបត្តិការ​កា​ន់​តែ​ជិតស្និទ្ធ​ថែម​ទៀត រវាង​សភាពាណិជ្ជកម្ម​អាមេរិក​ប្រចាំ​ប្រទេស​កម្ពុជា និង​ក្រសួង​ការងារ និង​បណ្តុះបណ្តាល​វិជ្ជាជីវៈ​។ លោក​បាន​សំដែង​នូវ​ចំណាប់អារម្មណ៍ ចំពោះ​ការវិវត្តន៍​រីកចម្រើន​របស់​ប្រទេស​កម្ពុជា ដែល​រាជរដ្ឋាភិបាល​កម្ពុជា​បាន​ដាក់ចេញ​នូវ​គោល​នយោបាយ​ប្រកបដោយ​ប្រសិទ្ធភាព និង​សេដ្ឋកិច្ច​របស់​កម្ពុជា​មាន​ការវិវត្តន៍​រីកចំរើន​គួរឱ្យកត់សំគាល់​។ លោក Charles Esterhoy ប្រធានសភា​ពាណិជ្ជកម្ម​អាមេរិក​ប្រចាំ​ប្រទេស​កម្ពុជា ក៏បាន​លើកឡើង​ផងដែរ​ថា ទីភ្នាក់ងារ​ជាតិ​មុខរបរ និង​ការងារ (NEA) ដែល​បាន​បំពេញ​តួនាទី​ភារកិច្ច យ៉ាង​ល្អ ក្នុង​ការផ្តល់​សេវា​ការងារ និង​ព័ត៌មាន​ទីផ្សារការងារ ប្រកបដោយ​គុណភាព និង​ប្រសិទ្ធភាព​ខ្ពស់ ជូន​ដល់​អ្នកសែ្វងរក​ការងារ និយោជក អ្នក​ផ្តល់​ការអប់រំ​បណ្តុះបណ្តាល អ្នករៀបចំ​គោលនយោបាយ​និង​ផែនការ និង​សាធារណជន​ទូទៅ​។

​នៅក្នុង​ប្រទេស​កម្ពុជា AmCham តែងតែ​រក្សា​ទំនាក់ទំនង​យ៉ាង​ជិតស្និទ្ធ ជាមួយ​សភាពាណិជ្ជកម្ម​បរទេស​ដទៃទៀត​។ សមាជិកភាព​របស់ AmCham រួមបញ្ចូល​នូវ​ក្រុមហ៊ុនចម្រុះ​ជាតិ​សាសន៍​តូចធំ និង​ក្រុមហ៊ុន​ឯក​កម្មសិទ្ធិ​។ កន្លងមក ដោយ​យល់ឃើញ​ពី​កង្វះខាត​ជំនាញ និង​បទពិសោធន៍​របស់​អ្នក​ស្វែងរក​ការងារ​ធ្វើ ក្នុង​ការបំពេញ​តាម​លក្ខខណ្ឌ និង​តម្រូវការ​ជ្រើសរើស​បុគ្គលិក​ពី​សំណាក់​សមាជិករប​ស់​ខ្លួន AmCham បាន​សហការ​ជាមួយ NEA ក្នុង​ការត្រៀម​លក្ខណៈ​ចូល​ទីផ្សារ​ការងារ​របស់​យុវជន តាមរយៈ​ការអនុវត្ត​កម្មវិធី​កម្មសិក្សា ការងារ​ជាមួយ​ក្រុមហ៊ុន ដែល​ជា​សមាជិក​របស់​ខ្លួន​។ ដើម្បីឱ្យ​កិច្ចសហប្រតិបត្តិការ​នេះ ឆ្លើយតប​ទៅនឹង​គោលនយោបាយ របស់​រាជរដ្ឋាភិបាល ក្នុង​ការលើកកម្ពស់​កា​រ​អភិវឌ្ឍ​ជំនាញ និង​ការងារ​របស់​យុវជន​រួមមាន​៖ គោលនយោបាយ​ស្តីពីមុខ​របរ និង​ការងារ​ឆ្នាំ​២០១៥-២០២៥ (NEP), គោលនយោបាយ​អភិវឌ្ឍ​ន៍​វិស័យ​ឧស្សាហកម្ម​កម្ពុជា​ឆ្នាំ​២០១៥-២០២៥ (IDP), គោលនយោបាយ​ជាតិ​ស្តីពី​ការអប់រំ​បណ្តុះបណ្តាល​បច្ចេកទេស និង​វិជ្ជាជីវៈ​ឆ្នាំ​២០១៧-២០២៥ (TVET-Policy) និង​ផែនការ​យុទ្ធសាស្ត្រ​អភិវឌ្ឍន៍​វិស័យ​ការងារ​។​

​បន្ទាប់​ពី​ជំនួប​លោក​រដ្ឋមន្ត្រី​បាន​អញ្ជើញ​ជា​អធិបតីភាព និង​សាក្សី​ក្នុង​ពិធី​ចុះហត្ថលេខា​លើ​អនុស្សរណៈ​នៃ​ការយោគយល់​គ្នា​រវាង ស្តីពី “​កម្មវិធី​កម្មសិក្សា​ការងារ​” រវាង​ទីភ្នាក់ងារ​ជាតិ​មុខរបរ និង​ការងារ និង​សភាពាណិជ្ជកម្ម​អាមេរិក​ប្រចាំ​ប្រទេស​កម្ពុជា (AmCham) ។ គោលបំណង​នៃ​កិច្ចសហប្រតិបត្តិការ​៖ ដើម្បី​អនុវត្ត​សាកល្បង​នូវ “​កម្មវិធី​កម្មសិក្សា​ការងារ​” សំដៅ​លើកកម្ពស់​ជំនាញ បទពិសោធន៍ ការទទួលបាន​ឱកាស​ការងារ និង​ចូល​ទីផ្សារ​ការងារ​កាន់តែ​ងាយស្រួល​របស់​យុវជន ព្រមទាំង​ឆ្លើយតប​តាម​តម្រូវការ​របស់​និយោជក​៕​ ដោយ​៖​បញ្ញា​ស័ក្តិ​ 

 

spot_img
×