នាវាកម្សាន្តមួយដឹកអ្នកដំណើរ ១០៥ នាក់ ក្នុងនោះរួមមានភ្ញៀវទេសចរ ៩៣ នាក់ និងសមាជិកនាវិក ២១ នាក់ បានលិចនៅជិត Phuket ប្រទេសថៃ កាលពីទី៥ ខែកក្កដា បន្ទាប់ពីវាត្រូវបានវាយប្រហារដោយរលកកម្ពស់ ៥ ម៉ែត្រ ។ លទ្ធផលនៃហេតុការណ៍ដ៏រន្ធត់នេះ អ្នកដំណើរជាង ៤០ នាក់ ត្រូវបានប្រកាសថាបានស្លាប់ ខណៈដែលមនុស្ស ១៥ នាក់ផ្សេងទៀត បាត់ខ្លួន ។ បើយោងតាមកាសែត The Guardian បានឱ្យដឹង នោះភ្ញៀវទេសចរភាគច្រើន គឺមកពីប្រទេសចិន ។
នៅពេលទូកកំពុងលិច បុរសម្នាក់ឈ្មោះ Zhang មកពីខេត្ត Henan (ចិន) បានគ្រប់គ្រងសង្គ្រោះមិត្តស្រីរបស់គាត់ និងសូម្បីវិលត្រឡប់ទៅសង្គ្រោះអ្នកដទៃទៀតផងដែរ ។ ភាពអស្ចារ្យរបស់គាត់ ត្រូវបានកោតសរសើរនៅលើបណ្តាញសង្គម និងសូម្បីទទួលការចាប់អារម្មណ៍នៅលើបណ្តាប្រព័ន្ធផ្សាយធំៗជាច្រើន ។
ក្នុងអំឡុងពេលនៃហេតុការណ៍នោះ Zhang និងមិត្តស្រីរបស់គាត់ កំពុងស្ថិតនៅលើទូកលិចនោះ ។ បុរសដែលមានការគិតដ៏រហ័សរហួននេះ បានគ្រប់គ្រងត្រកងមិត្តស្រីរបស់គាត់ ឡើងទូកសង្គ្រោះ និងសូម្បីហែលវិលត្រឡប់ទៅជួយសង្គ្រោះប្តីប្រពន្ធចំណាស់ទៀតផង ។
ជាអកុសល ដោយសារពុំមានកន្លែងទំនេរនៅលើទូកសង្គ្រោះ Zhang ត្រូវព្យួរបណ្តែតខ្លួនលើពោងអណ្តែត ដើម្បីកុំឲ្យខ្លួនគាត់លង់ទឹកសមុទ្រ ។ អ្វីៗទាំងអស់ដែលគាត់អាចធ្វើ គឺសម្លើមើលទៅកាន់មិត្តស្រីជាទីស្រលាញ់របស់គាត់នៅលើទូកសង្គ្រោះ ដែលបាត់ស្រមោលសន្សឹមពីក្រសែភ្នែករបស់គាត់ ។ ប៉ុន្តែ ទោះយ៉ាងណា គាត់សង្ឃឹមថានាងនឹងមានសុវត្ថិភាពហើយ! ។
ខណៈពេលដែលគាត់កំពុងបណ្តែតខ្លួននៅលើផ្ទៃទឹកតែម្នាក់ឯង គាត់បានឆ្លងកាត់បុរសបាត់បង់ស្មារតីម្នាក់ ដែលកំពុងប្រយុទ្ធប្រឆាំងនឹងការបន្តលិចលង់ ។ ឃើញដូច្នេះ Zhang ពុំគិតពីខ្លួនឯង និងសម្រេចចិត្តចែករំលែកពោងជាមួយគាត់ ហើយបន្តនិយាយជាមួយគាត់ ដើម្បីឲ្យគាត់មានស្មារតីឡើងវិញ ។ ពួកគេទាំងពីរគ្មានជម្រើសអ្វីក្រៅពីបណ្តែតខ្លួននៅលើផ្ទៃទឹកសមុត្រពេញមួយយប់ រហូតដល់ពួកគេត្រូវបានជួយសង្គ្រោះដោយអ្នកនេសាទនៅថ្ងៃបន្ទាប់ ។
ទោះយ៉ាងណា Zhang ត្រូវបានគេបញ្ជូនទៅសង្គ្រោះនៅមន្ទីរពេទ្យ ព្រោះគាត់បានរងទទួលអាការៈឈឺផ្សាដោយខ្ញែសមុទ្រ និងចាប់ផ្តើមរវើរវាយ ។
តាមរយៈសកម្មភាពពុំគិតខ្លួនឯងនេះរបស់គាត់ ដើម្បីសង្គ្រោះជីវិតមិត្តស្រី និងសូម្បីជនចម្លែកដទៃ មនុស្សជាច្រើនបានហៅគាត់ថាជាវីរៈបុរស, ជាបុរសពិតម្នាក់ និងសូម្បីផ្តល់ឈ្មោះឲ្យគាត់ថា Jack នៅក្នុងខ្សែភាពយន្ត Titanic ដែលរឿងនេះបង្ហាញសោកនាដកម្មស្រដៀងនឹងហេតុការណ៍នេះ! ។
អ្នកលេងអ៊ីនធើរណែតម្នាក់ សូម្បីទទួចដល់មិត្តស្រីរបស់ Zhang រៀបការនឹងគាត់ តាមរយៈការខមិនយ៉ាងដូច្នេះថា៖ «សូមនាងរៀបការនឹង Zhang ឲ្យហើយទៅណា ព្រោះគាត់គឺជាបុរសដែលមានភាពស័ក្ខិសម ហើយគាត់នឹងមើលថែនាងយ៉ាងល្អ អស់មួយជីវិតរបស់គាត់!!» ៕ ចន្ទី (ប្រភព៖ worldofbuzz)
