ជារឿងដែលធ្វើឲ្យមនុស្សទូទាំងពិភពលោករំជួលចិត្តយ៉ាងខ្លាំង ចាប់តាំងពីការចាប់ផ្តើមនៃសង្រ្គាម នៅពេលដែលនក្រុមហាម៉ាស់នៅប៉ាឡេស្ទីន បានបើកការឈ្លានពានអ៊ីស្រាអែល។ បន្ទាប់មក ឃ្លីបមួយត្រូវបានផ្សព្វផ្សាយតាមអ៊ីនធឺណិត បង្ហាញក្រុមហាម៉ាស់ បានដឹកសពនារីវ័យក្មេងម្នាក់នៅខាងក្រោយឡាន ស្ថិតក្នុងសភាពអាក្រាតកាយពាក់កណ្តាល ដែលគេអះអាងថាជាទាហានអ៊ីស្រាអែល ប៉ុន្តែក្រោយមក សមាជិកក្រុមគ្រួសាររបស់នារីរងគ្រោះបានចេញមុខមកបញ្ជាក់ថា សាកសពនារីដែលត្រូវបានឃើញក្នុងឃ្លីបនោះគឺ Shani Louk ជាវិចិត្រករជនជាតិអាល្លឺម៉ង់ និងជាអ្នកសាក់ ដែលបានធ្វើដំណើរទៅមហោស្រពតន្ត្រីដើម្បីសន្តិភាព ស្ថិតក្នុងចំណោមមនុស្សជាង ២៦០ នាក់ ត្រូវបានសម្លាប់។
ទោះជាយ៉ាងណា ថ្មីៗនេះ (ថ្ងៃទី១១ ខែតុលា ឆ្នាំ២០២៣) គេហទំព័រ news.com.au បានរាយការណ៍ថា អ្នកស្រី Ricarda ម្តាយរបស់ Shani បានចេញមកប្រាប់ប្រព័ន្ធផ្សព្វផ្សាយអាល្លឺម៉ង់ Bild ដោយជឿថា កូនស្រីរបស់គាត់នៅមានជីវិតនៅឡើយ។ នាងមិនត្រូវបានគេសម្លាប់ដូចការអះអាងមុននោះទេ បន្ទាប់ពីប្រភពអនាមិកមួយនៅប៉ាឡេស្ទីនបានប្រាប់គាត់ថា កូនស្រីរបស់គាត់កំពុងសម្រាកនៅមន្ទីរពេទ្យក្នុងតំបន់ហ្គាហ្សា ដោយនាងបានរបួសក្បាលធ្ងន់ធ្ងរ។
ម្តាយនារីរងគ្រោះក៏បានចង្អុលបង្ហាញថា “យើងមិនបានទទួលព័ត៌មានណាមួយពីមន្ត្រីនៅទីនេះទេ។ តែសកម្មជនសន្តិភាពប្រាប់យើងថា Shani នឹងទទួលបានជំនួយសង្គ្រោះ ពេលអាជ្ញាធរផ្លូវការអាល្លឺម៉ង់ ធ្វើអន្តរាគមន៍»។
គួររម្លឹកថា មុននេះ ក្រុមគ្រួសារបានកំណត់អត្តសញ្ញាណនារីរងគ្រោះ ពីវីដេអូដ៏ឃោរឃៅនោះ ដែលត្រូវបានគេចែករំលែកតាមអ៊ីនធឺណិត ក្នុងអំឡុងថ្ងៃដំបូងនៃការវាយប្រហាររបស់ក្រុមហាម៉ាស។ វីដេអូឃ្លីបបង្ហាញនារីរងគ្រោះត្រូវបានក្រុមហាម៉ាសដើរដឹកនៅខាងក្រោយរថយន្ត។ នៅពេលនោះ គ្រួសារបានកត់សម្គាល់ស្នាមសាក់ និង dreadlocks តែមួយគត់របស់នាង។
ពិតណាស់ នៅពេលនោះ ពួកគេបានជឿថា នារីរងគ្រោះប្រហែលជាត្រូវគេសម្លាប់រួចទៅហើយ។ ក្រោយមក គ្រួសារបានទទួលការជូនដំណឹងថា ពួកគេមានកាតឥណទានរបស់ Shani ។ វាត្រូវបានគេប្រើនៅហ្គាហ្សាស្ទ្រីប កាលពីថ្ងៃអាទិត្យ (៨ តុលា) ខណៈពេលដែលមិត្តភក្តិរបស់គ្រួសារ Shani បានប្រាប់ថា នារីនោះប្រហែលជានៅមន្ទីរពេទ្យក្នុងទីក្រុង Gaza Strip នៃ Beit Lahia ប៉ុន្តែពួកគេមិនអាចចូលបាន វាពិតជាអស្ចារ្យណាស់។
ចៃដន្យ មុនពេលអ្នកស្រី Ricarda ទទួលបានព័ត៌មានអំពីកូនស្រីរបស់គាត់ កំពុងនៅក្នុងមន្ទីរពេទ្យ គាត់បានប្រាប់ CNN ថា គាត់បាននិយាយចុងក្រោយជាមួយកូនស្រីរបស់គាត់នៅម៉ោង 6:00 ព្រឹកនៅថ្ងៃសៅរ៍ (ថ្ងៃទី៧ ខែតុលា) ភ្លាមៗមុនពេលសង្គ្រាមចាប់ផ្តើម។ ប៉ុន្តែបន្ទាប់មក គាត់មិនបានឮដំណឹងអ្វីទៀតពីកូនស្រីរបស់គាត់ទេ ដោយសារតែកូនស្រីរបស់ខ្ញុំមិនលើកទូរស័ព្ទ។
ប៉ុន្មានម៉ោងក្រោយមក គាត់បានទទួលឃ្លីបមួយផ្ញើដោយមិត្តភក្តិតាមរយៈបណ្តាញសង្គម រហូតដល់គេអាចកំណត់អត្តសញ្ញាណកូនស្រី ដែលកំពុងដង្ហែនៅខាងក្រោយរថយន្តរបស់ក្រុមហាម៉ាស។ ក្រុមគ្រួសារកំពុងព្យាយាមស្វែងរកព័ត៌មានបន្ថែមទៀត។ ប៉ុន្តែរកមិនឃើញ សូម្បីតែគេឃើញមាននរណាម្នាក់បានព្យាយាមប្រើកាតឥណទានរបស់កូនស្រីគាត់ នៅហ្គាហ្សាជាច្រើនដង។
ក្រោយមក ក៏មានសាក្សីដែលត្រូវបានគេជួយសង្គ្រោះ បានអះអាងថា បានឃើញ Shani រត់សំដៅរថយន្តរបស់នាងដើម្បីគេចខ្លួន។ ប៉ុន្តែទាហានដែលឈរនៅមុខរថយន្តបានបើកការបាញ់ប្រហារ ដើម្បីរារាំងមនុស្សមិនឱ្យយករថយន្តរបស់ខ្លួន និងរត់គេចខ្លួនឡើយ។ មុនពេល Shani ត្រូវបានចាប់ពង្រត់ មិត្តភក្តិជាច្រើនរបស់នាងនៅតែបាត់ខ្លួន ហើយទំនងជាត្រូវបានគេចាប់ពង្រត់ផងដែរ៕ រក្សាសិទ្ធិដោយ៖ លឹម ហុង
