ថ្ងៃមួយក្នុងខែកញ្ញា ឆ្នាំ ២០២៨ អ្នកស្រី Ma Huc និងប្តីរបស់គាត់អាយុ ៩០ ឆ្នាំ បានទៅធនាគារមួយនៅទីក្រុង Wuhan ខេត្ត Hubei ប្រទេសចិនដើម្បីផ្ទេរប្រាក់។ ដោយសារតែចំនួនទឹកប្រាក់ប្រតិបត្តិការឈានដល់រាប់លានយន់ បុគ្គលិកធនាគារសង្ស័យថាពួកគេមានការបោកប្រាស់បន្លំ ដូច្នេះពួកគេបានរាយការណ៍ដោយស្ងាត់ស្ងៀមទៅប៉ូលីស។
ក្រោយពីធ្វើការស៊ើបអង្កេតរួច ប៉ូលិសបានរកឃើញថា ប្តីប្រពន្ធវ័យចំណាស់ទាំងពីរនាក់ជាអតីតយុទ្ធជន។ នៅពេលដែលប្រទេសមានសុខសន្តិភាព ពួកគេបានសម្រេចចិត្តបរិច្ចាគប្រាក់ផ្គត់ផ្គង់ជីវិតរស់នៅរបស់ពួកគេចំនួន ១០ លានយន់ (ជាង ១៤ ម៉ឺនដុល្លារ) ដល់ប្រទេសកំណើតរបស់ពួកគេ ដើម្បីរួមចំណែកដល់ការអភិវឌ្ឍវិស័យអប់រំ។
យោងតាមទីភ្នាក់ងារសារព័ត៌មាន Xinhua លោកស្រី Ma Huc កើតនៅស្រុក Moclan ក្រុង Harbin ខេត្ត Heilongjiang ក្នុងឆ្នាំ ១៩៣៣ ។ នៅអាយុ ១៤ ឆ្នាំ គាត់បានចូលបម្រើកងទ័ព និងចូលរួមក្នុងបុព្វហេតុរំដោះប្រទេសចិន។ ដោយនឹកឃើញពីការតស៊ូដ៏លំបាកជាច្រើនឆ្នាំមកនេះ អ្នកស្រី Ma បានរំឭកថា៖ «បើមិនធ្វើដើម្បីឪពុកម្ដាយ និងជនរួមជាតិទេ នោះខ្ញុំនឹងអត់ឃ្លានរហូតដល់ស្លាប់។ ថវិកាទាំងនេះ គឺដើម្បីចូលរួមចំណែកបន្តិចបន្តួចដើម្បីជួយអភិវឌ្ឍមាតុភូមិខ្ញុំ»។
បំណងប្រាថ្នារបស់លោកស្រី Ma ត្រូវបានស្វាមីលោក Nhan Hoc Dung គាំទ្រ។ ពួកគេរស់នៅដោយសន្សំសំចៃ ញ៉ាំអាហារសាមញ្ញបំផុត ហើយតែងតែប្រើឯកសណ្ឋានយោធាចាស់ដើម្បីពាក់ជំនួសឱ្យការទិញសម្លៀកបំពាក់ថ្មី។ អ្នកស្រី Ma បាននិយាយថា ស្បែកជើងមួយគូដែលថ្លៃបំផុតរបស់គាត់ត្រូវបានទិញក្នុងតម្លៃ ១៥ យន់ (ប្រហែល២ដុល្លារ) ប៉ុណ្ណោះ។ ហើយទោះបីជាប្រើប្រាស់ដាច់រហែកក៏ដោយ ក៏ពួកគេនៅតែអាចពាក់បាន បន្ទាប់ពីត្រូវបានបិទភ្ជាប់ម្តងទៀត។
ក្រៅពីនេះ ថ្វីត្បិតតែជាមនុស្សដែលរួមចំណែកក្នុងបដិវត្តន៍ក៏ដោយ ក៏លោកស្រី Ma និងស្វាមីនៅតែមិនព្រមទទួលយកអត្ថប្រយោជន៍បន្ថែមពីអតីតយុទ្ធជន ហើយជ្រើសរើសរស់នៅក្នុងផ្ទះឈើដ៏ក្រៀមក្រំមួយនៅជាយក្រុង Wuhan ដោយទាញយកផលប្រយោជន៍ពីអតីតយុទ្ធជន និងប្រើប្រាស់ប្រដាប់ប្រដាចាស់សម្រាប់ជីវិតប្រចាំថ្ងៃ។
មិនត្រឹមតែប៉ុណ្ណោះ ទោះបីជាឈានដល់អាយុចូលនិវត្តន៍ក៏ដោយ ក៏អ្នកស្រី Ma និងស្វាមី នៅតែមិនសម្រាក ដោយនៅតែបន្តលះបង់ខ្លួនក្នុងការស្រាវជ្រាវវិទ្យាសាស្ត្រ និងបង្កើតឧបករណ៍មានប្រយោជន៍ក្នុងវិស័យយោធា។
ទោះមានវ័យចំណាស់ក៏លោកយាយ Ma និងស្វាមី នៅតែលះបង់ដើម្បីស្រុកកំណើត ដោយបានសម្រេចចិត្តបរិច្ចាគប្រាក់ចំនួន ១០ លានយន់ នៃប្រាក់ឧបត្ថម្ភដល់ជីវិតរស់នៅប្រចាំថ្ងៃរបស់ពួកគេ ទៅកាន់ទឹកដីដែលពួកគេធ្លាប់ “រស់នៅ” ដែលនេះគឺជាការសម្រេចចិត្តដ៏ធំបំផុតនៃជីវិតរបស់ប្តីប្រពន្ធវ័យចំណាស់ដែលមានទឹកចិត្តដ៏សប្បុរសធម៌នេះ។
លោកយាយ Ma បានឲ្យដឹងថា៖ «ស្រុកកំណើតខ្ញុំ Moc Lan ធ្លាប់ជាស្រុកក្រីក្រ ខ្ញុំចង់បរិច្ចាគថវិកាទាំងអស់ដែលខ្ញុំបានសន្សំទុកសម្រាប់ការអប់រំនៅស្រុកកំណើតរបស់ខ្ញុំ ដើម្បីអោយកូនចៅបានរួចផុតពីភាពក្រីក្រ ទទួលបានការអប់រំ និងរួមចំណែកបន្ថែមក្នុងការកសាងមាតុភូមិ»។
ការសម្រេចចិត្តរបស់គូស្នេហ៍មួយគូនេះក៏បានធ្វើឱ្យអ្នកជុំវិញខ្លួនភ្ញាក់ផ្អើលផងដែរ។ អតីតមិត្តរួមក្រុមរបស់លោកយាយ Ma បាននិយាយថា៖ «អ្នកស្រី Ma និងស្វាមីមានប្រាក់សោធននិវត្តន៍ ប៉ុន្តែមិនដែលគិតថានឹងប្រើវាដើម្បីលើកកម្ពស់ជីវិតរបស់គាត់ទេ ពេលនោះខ្ញុំពិបាកយល់ ប៉ុន្តែពេលដឹងថាធ្វើព្រោះចង់ក្នុងការបរិច្ចាគថវិកាជួយដល់ការអភិវឌ្ឍប្រទេសកំណើតរបស់ពួកគេ ខ្ញុំមានការចាប់អារម្មណ៍ខ្លាំងណាស់»។
ឆ្លើយតបនឹងការសរសើរពីគ្រប់ៗគ្នា លោកយាយ Ma បានមានប្រសាសន៍ថា៖ សមត្ថភាពរបស់មនុស្សម្នាក់ៗគឺខុសគ្នា ខ្ញុំមានតែសមត្ថភាពប៉ុណ្ណឹងទេ ខ្ញុំអាចចូលរួមចំណែកតាមដែលអាចធ្វើបាន បើធៀបនឹងសមមិត្តរបស់ខ្ញុំដែលបានស្លាប់ក្នុងសមរភូមិនាពេលកន្លងមក ខ្ញុំពិតជាខ្លាំង សំណាងដែលនៅមានជីវិត ដូច្នេះខ្ញុំត្រូវលះបង់អស់មួយជីវិតដើម្បីប្រទេស»។
ការងាររបស់លោកស្រី Ma និងស្វាមីមិនត្រឹមតែប្រជាជននៅស្រុក Mulan កោតសរសើរប៉ុណ្ណោះទេ តែនេះគឺជាទង្វើដ៏គំរូមួយដែលបានបំផុសគំនិតដល់មនុស្សរាប់រយលាននាក់នៅទូទាំងប្រទេសចិនផងដែរ។ បន្ទាប់ពីរឿងរ៉ាវរបស់លោកស្រី Ma ត្រូវបានរីករាលដាល មនុស្សកាន់តែច្រើនឡើងៗបានចូលរួមក្នុងកម្មវិធីសប្បុរសធម៌ និងបរិច្ចាគដល់តំបន់ដែលនៅតែមានភាពក្រីក្រនៅក្នុងប្រទេសដែលមានប្រជាជនរាប់ពាន់លាននាក់៕ រក្សាសិទ្ធិដោយ៖ លឹម ហុង
