ករណីរញ្ជួយដីកម្រិត 6,4 Richter បានកើតឡើងនៅកោះ Lombok ដែលជាតំបន់ទេសចរណ៍ល្បីល្បាញ ចម្ងាយពីកោះបាលីប្រមាណ៤០គីឡូម៉ែត្រនៅវេលាម៉ោង៧ព្រឹក(ម៉ោងតំបន់) នៅព្រឹកថ្ងៃទី២៩ ខែកក្កដាម្សិលមិញនេះ។
ផ្ទះជាច្រើនត្រូវបាក់រលំដោយរញ្ជួយដី
សមត្ថកិច្ចឥណ្ឌូណេស៊ីឱ្យដឹងថា មានផ្ទះជាច្រើនរងការខូចខាតនិងមនុស្សយ៉ាងតិចណាស់១០នាក់ស្លាប់ ហើយរាប់សិបនាក់ទៀតរងរបួស។
តាមស្ថាប័នកាត់បន្ថយគ្រោះមហន្ដរាយប្រទេសនេះ ឱ្យដឹងថា ក្រៅពីអគារច្រើនជាន់ជាច្រើនរងការខូចខាត វាក៏នាំមកនូវភាពអន្ដរាយដល់ Mount Rinjani។
ស្ថាប័នដដែលលើកឡើងថា៖ តួលេខទាំងនេះអាចបន្ដកើនឡើង ព្រោះយើងខ្ញុំពុំទាន់ប្រមូលអស់ទិន្នន័យ។ពេលនេះយើងខ្ញុំកំពុងប្រមូលផ្ដុំដល់ការជម្លៀសនិងសង្គ្រោះ។
គួររម្លឹកថា មុននោះគ្រោះរញ្ជួយដីកម្រិត ៦,៦Richter នៅឯតំបន់សមុទ្រភាគឦសានកោះស៊ូម៉ាត្រា នាឆ្នាំ២០១៦ បានសម្លាប់ មនុស្សរាប់សិបនាក់ ហើយមនុស្ស៤០០០០នាក់ត្រូវជម្លៀសចេញ៕
សូយន