តាម Daily Mail រណ្តៅមច្ចុរាជដ៏ធំសម្បើមមានវត្តមានពីពេលណាមកពុំមានអ្នកណាដឹង ស្ថិតនៅជិតភូមិ Neledino តំបន់ Nizhny Novogorod ។ ថ្វីត្បិតពុំមានអ្នកណារងរបួស តែពលរដ្ឋក្នុងភូមិពិតជាតក់ស្លុត ពេលគិតថា ប្រសិនបើវា “លេបត្របាក់” ផ្ទះពួកគេទាំងយប់នោះ ។
រណ្តៅមច្ចុរាជបង្ហាញវត្តមាននៅជិតភូមិមួយរបស់រុស្ស៊ី ។
អ្នកជំនាញការនិយាយថា នេះជាបាតុភូតធម្មជាតិ ព្រោះតំបន់នេះគ្រឹះខាងក្រោមជាថ្ម ចម្រុះដូចជា ថ្មកំបោរ ម្នាងសិលា…។
ប្រជាពលរដ្ឋតំបន់នេះបានដឹងពេលពួកគេទៅរកផ្សិត ដែលជាទម្លាប់ប្រពៃណី ប្រព្រឹត្តទៅរៀងរាល់ឆ្នាំ នៅវេលាមួយជាកំណត់ ។
យ៉ាងណាគេនៅពុំទាន់មានគំនិតរើលំនៅទៅរស់នៅកន្លែងផ្សេង ទោះបីជាគេបារម្ភហើយគិតថា វាកើតមាននៅទីនេះពុំអាចមើលរំលងថា វាពុំអាចកើតមានរណ្តៅមច្ចុរាជថ្មីឡើយ ។ ហើយសុខចិត្តទ្រាំរង់ចាំយោបល់របស់ក្រសួងគ្រាមានអាសន្នរុស្ស៊ីអង្កេត និងមានយោបល់ ព្រោះបច្ចុប្បន្នគេបានហ៊ុំព័ទ្ធទីនោះហើយ ៕ ចន្ទ្រា