អង្គការអភិរក្សបរិស្ថាននៅលីបង់ ចង់បង្កើតបរិស្ថានសម្រាប់សត្វសមុទ្ររស់នៅ ហើយក៏ជាឋានសួគ៌នៃសេវាកម្មមុជទឹកក្នុងសមុទ្រ។
រថក្រោះចាស់ៗត្រូវបានទម្លាក់ចុះសមុទ្រ ដើម្បីកសាងបរិស្ថានសមុទ្ររស់នៅ
តាម BBC នៅថ្ងៃទី២៩កក្កដា អង្គការការពារបរិស្ថានFCSនៅលីបង់ទើបទម្លាក់រថក្រោះនិងរថពាសដែកចាស់ៗ១០គ្រឿងចុះក្នុងសមុទ្រមេឌីទែរ៉ាណេ បំណងកសាងបរិស្ថានរស់នៅដល់សត្វសមុទ្រ។
FCS ឱ្យដឹងថា គោលគំនិតនេះគឺសំដៅកសាង«ឧទ្យានជាតិក្រោមទឹក»ហើយក៏ទទួលបានការផ្ដល់រថក្រោះចាស់ៗពីសំណាក់កងទ័ពលីបង់។តំណាងអង្គការ FCS លោកKamel Kozbar និយាយថា៖ មិនយូរប៉ុន្មានសារាយសមុទ្រនឹងគ្របដណ្ដប់រថក្រោះទាំងនោះ។វានឹងក្លាយជាឋានសួគ៌សម្រាប់សត្វសមុទ្រគ្រប់ប្រភេទហើយវាក៏ជាទីពេញនិយមសម្រាប់អ្នកមុជទឹកក្រោមបាតសមុទ្រ។
តាមលោកKozbar រថក្រោះទាំងនោះត្រូវបានទម្លាក់ចុះបាតសមុទ្រ ដោយចុងកាំភ្លើងធំបែរទៅរកអ៊ីស្រាអែល ក្នុងបំណងបង្ហាញសាមគ្គីភាពជាមួយពលរដ្ឋប៉ាឡេស្ទីន។
ខាងក្រោមជារូបភាពដែលរថក្រោះត្រូវបានទម្លាក់ចុះសមុទ្រ៕
សូយន
