ជប៉ុន ៖ ស្ថានឯកអគ្គរាជទូតកម្ពុជា ប្រចាំប្រទេសជប៉ុន នៅថ្ងៃទី២ខែមករាឆ្នាំ២០២៤ បានចេញសេចក្ដីជូនដំណឹង ស្ដីពីស្ថានភាពនៃគ្រោះរញ្ជួយដី នៅតាមតំបន់ជាប់មាត់សមុទ្រនៃខេត្ត Ishikawa និងបណ្តាខេត្តក្បែរខាងដូចជា Niigata, Toyama, Yamagata, Fukui និង Hyogo ដោយគិតត្រឹមម៉ោង ១៣:០០ ថ្ងៃទី០២ ខែមករា ឆ្នាំ២០២៣ ដោយបានបញ្ជាក់ថា ចំនួនអ្នកស្លាប់យ៉ាងហោចណាស់ចំនួន ២៤នាក់ (មិនទាន់បញ្ជាក់អត្តសញ្ញាណ) នៅខេត្ត Ishikawa និងអ្នករបួសជាង៦០នាក់ទៀត ក្នុងខេត្ត Ishikawa, Nigata, Fukui, Toyama និង Gifu អគារជាង ១០០ខ្នង នៅខេត្តIshikawa ត្រូវបានរងគ្រោះដោយអគ្គីភ័យ និងអគារជាច្រើនទៀត បានដួលរលំរហូតមកដល់ពេលនេះ មានប្រជាជនជាង ៤៥,០០០គ្រួសារ បានជម្លៀសទៅកាន់ទីសុវត្ថិភាព។
បើតាមការចេញផ្សាយរបស់ទូរទស្សន៍ NHK បានឲ្យដឹងថា ការខូចខាតនៅក្នុងខេត្ត Ishikawa របស់ប្រទេសជប៉ុន បន្ទាប់ពីគ្រោះរញ្ជួយដីក្នុងថ្ងៃចូលឆ្នាំសកល បានបំផ្លាញផ្លូវថ្នល់ អគារដួលរលំ និងដាច់ចរន្តអគ្គិសនី ចំពេលមានសីតុណ្ហភាពត្រជាក់។
ប្រទេសជប៉ុនប្រឈមមុខនឹង “ការប្រយុទ្ធនឹងពេលវេលា” ដើម្បីជួយសង្គ្រោះអ្នករស់រានមានជីវិតពីគ្រោះរញ្ជួយដីនៅថ្ងៃចូលឆ្នាំសកល
ប្រទេសជប៉ុនប្រឈមមុខនឹង “ការប្រយុទ្ធនឹងពេលវេលា” ដើម្បីជួយសង្គ្រោះអ្នករស់រានមានជីវិតពីគ្រោះរញ្ជួយដីនៅថ្ងៃចូលឆ្នាំសកល
អគារមួយដែលបានបាក់បណ្ដាលមកពីការរញ្ជួយដីត្រូវបានគេឃើញនៅក្នុងក្រុង Wajima ខេត្ត Ishikawa ប្រទេសជប៉ុន កាលពីថ្ងៃទី២ ខែមករា ឆ្នាំ២០២៤ ក្នុងរូបថតដែលចេញផ្សាយដោយ Kyodo។
ប្រទេសជប៉ុន នៅថ្ងៃអង្គារ ទី០២ ខែមករា បានព្យាយាមវាយតម្លៃពីទំហំនៃការខូចខាតទាំងស្រុង ពីគ្រោះរញ្ជួយដី ដែលបានវាយប្រហារឆ្នេរសមុទ្រភាគខាងលិចរបស់ខ្លួន ដោយបានសម្លាប់មនុស្ស បំផ្លាញអគារ និងផ្លូវថ្នល់ និងដាច់ចរន្តអគ្គិសនី បំផ្លាញផ្ទះសម្បែងក្នុងសីតុណ្ហភាពត្រជាក់។
ការរញ្ជួយដីកម្រិតបឋមកម្រិត ៧.៦ រិចទ័របានវាយប្រហារនៅពាក់កណ្តាលរសៀលកាលពីថ្ងៃចន្ទ ដោយបានជំរុញឱ្យប្រជាជននៅតំបន់ឆ្នេរមួយចំនួនត្រូវភៀសខ្លួន ទៅកាន់ទីទួលខ្ពស់ ខណៈដែលរលកយក្សស៊ូណាមិមានកម្ពស់ប្រហែល ១ ម៉ែត្របានវាយប្រហារឆ្នេរសមុទ្រភាគខាងលិចរបស់ប្រទេសជប៉ុន។
បុគ្គលិកយោធា អ្នកពន្លត់អគ្គីភ័យ និងប៉ូលីសរាប់ពាន់នាក់មកពីទូទាំងប្រទេសត្រូវបានបញ្ជូនទៅកាន់តំបន់ដែលរងគ្រោះខ្លាំងបំផុត។
ស្ថានឯកអគ្គរាជទូតកម្ពុជាប្រចាំប្រទេសជប៉ុន សូមជម្រាបជូនបងប្អូនប្រជាពលរដ្ឋខ្មែរទាំងអស់ ដែលកំពុងរស់នៅ ធ្វើការ និងសិក្សានៅប្រទេសជប៉ុន អំពីស្ថានភាពនៃគ្រោះរញ្ជួយដី (កម្រិត ៧.៦) កាលពី ថ្ងៃទី១ ខែមករា ឆ្នាំ២០២៤ នេះ ដែលអាចបង្កឱ្យមានហានិភ័យ នៃគ្រោះមហន្តរាយដោយរលកយក្សស៊ូណាមិ នៅតាមតំបន់ជាប់មាត់សមុទ្រនៃខេត្ត Ishikawa ដែលរងផលប៉ះពាល់ច្រើនជាងគេ និងបណ្ដាខេត្តក្បែរខាង ដូចជា Niigata, Toyama, Yamagata, Fukui និង Hyogo ដោយគិតត្រឹមម៉ោង ១៣:០០ ថ្ងៃទី០២ ខែមករា ឆ្នាំ២០២៤ តាមប្រភពព័ត៌មានក្នុងស្រុក ដូចខាងក្រោម៖
- ចំនួនអ្នកស្លាប់យ៉ាងហោចណាស់ចំនួន ២៤នាក់ (មិនទាន់បញ្ជាក់អត្តសញ្ញាណ) នៅខេត្ត Ishikawa និងអ្នករបួសជាង៦០នាក់ទៀត ក្នុងខេត្ត Ishikawa, Nigata, Fukui, Toyama និង Gifu
- អគារជាង ១០០ខ្នង នៅខេត្តIshikawa ត្រូវបានរងគ្រោះដោយអគ្គីភ័យ និងអគារជាច្រើនទៀត បានដួលរលំ
រហូតមកដល់ពេលនេះ មានប្រជាជនជាង ៤៥,០០០គ្រួសារ បានជម្លៀសទៅកាន់ទីសុវត្ថិភាព (ក្នុង ចំណោម ៤៥,០០០គ្រួសារនេះ នៅតំបន់ខ្លះ មិនមានថាមពលអគ្គិសនីសម្រាប់ប្រើប្រាស់ទេ) - មានការដាច់ចរន្តអគ្គីសនីចំនួន ៣៣,០០០ខ្នង
- រដ្ឋាភិបាលជប៉ុន កំពុងដឹកស្បៀងអាហារទៅតំបន់រងគ្រោះ និងបញ្ចូនកងកម្លាំងប្រមាណជាង ១,០០០នាក់ (បានទៅដល់កន្លែងរងគ្រោះមួយចំនួន) ដើម្បីទៅជួយសង្គ្រោះ និង ៨,៥០០នាក់ ផ្សេងទៀតត្រៀមនឹងបញ្ជូនបន្ថែម ក្នុងករណីចាំបាច់
បើទោះជា ទីភ្នាក់ងារឧតុនិយមជប៉ុន បានដកការព្រមានអំពីរលកយក្សស៊ូណាមិ នៅតាមបណ្ដាខេត្ត ដែលរងគ្រោះដោយគ្រោះមហន្តរាយនៃការរញ្ជួយដីខាងលើក៏ដោយ ក៏នៅបន្តឱ្យប្រជាពលរដ្ឋប្រុងប្រយ័ត្ន នូវហានិភ័យនៃគ្រោះរញ្ជួយដីនៅអំឡុង២-៣ថ្ងៃ ខាងមុខទៀត។
គួររំលឹកដែរថា តាមទិន្នន័យគិតត្រឹមឆ្នាំ២០២២ របស់ក្រសួងយុត្តិធម៌ជប៉ុន ពលរដ្ឋខ្មែរដែលរស់នៅ ក្នុងតំបន់រងគ្រោះខាងលើ មានចំនួន៖ ៨២នាក់ (ខេត្ត Ishikawa) ២៧៩នាក់ (ខេត្ត Fukui) ២០៨នាក់ (ខេត្ត Nagano) ៧៩១នាក់ (ខេត្ត Gifu) ១៥២នាក់ (ខេត្ត Toyama) និង ១១៧នាក់ (ខេត្ត Niigata)។
សូមបងប្អូនប្រជាពលរដ្ឋខ្មែរ ដែលកំពុងរស់នៅក្នុងតំបន់រងគ្រោះខាងលើ មានការប្រុងប្រយ័ត្នខ្ពស់ និងបន្តអនុវត្តតាមការណែនាំរបស់អាជ្ញាធរជប៉ុន។ ក្នុងករណី បងប្អូនបានទទួលព័ត៌មានអំពីប្រជាពលរដ្ឋ ខ្មែរយើង ដែលរងផលប៉ះពាល់ សូមមេត្តាជូនដំណឹងមកស្ថានទូតជាបន្ទាន់តាមរយៈហ្វេសប៊ុកស្ថានទូត Royal Embassy of Cambodia in Japan ឬទូរស័ព្ទលេខ ០៨០ ៤៦៨៩ ៩៣៧៤។ សូមជូនពរបងប្អូនប្រជាពលរដ្ឋទាំងអស់ ជួបសុខសុវត្ថិភាព រួចផុតពីគ្រោះធម្មជាតិនេះ៕ រក្សាសិទ្ធដោយ ៖ សុទ្ធលី
