មុននេះ CEN.COM.KH បានចុះផ្សាយអត្ថបទរឿងបរិភោគទុរេន តម្លៃ១គីឡូក្រាមពី ៣០.០០០-៤០.០០០ដុង (ជិត ២ដុល្លារ/1kg) ប៉ុន្តែត្រូវបន្សល់ទុកគ្រាប់ឲ្យអ្នកលក់ នៅចម្ការទុរេន នាតំបន់វាលរាប ភាគខាងតបូងវៀតណាម ។
ឥឡូវរឿងដដែល តម្លៃទុរេនដដែលបានមកដល់ក្រុងហូជីមីញហើយ ខណៈពេលមនុស្សម្នានាំគ្នាតម្រង់ជួររង់ចាំ… “បរិភោគ ប្រគល់គ្រាប់” នៅសង្កាត់លេខ ១០ ទីក្រុងនេះ ។
មនុស្សតម្រៀបជួរគ្នា ទាំងថ្ងៃត្រង់ដើម្បីទិញទុរេន សងគ្រាប់ ក្នុងតម្លៃថោក ។
ដើម្បីសម្រួលឲ្យលឿនគេថ្លឹងផ្លែទុរេន ចែកជាប្រភេទ ពីកន្លះគីឡូ-ជិត ២គីឡូក្រាម 30.000 ដុង/kg ប្រភេទធំៗ លើសពីនេះតម្លៃ ៤០.០០០ដុង (ជិត ២ដុល្លារ)/kg ។ អ្នកទិញត្រូវកក់ប្រាក់ពី ៣០.០០០ដុង-៥០.០០០ដុង ផ្អែកតាមចំនួនចង់ទិញ តែកុំភ្លេចត្រូវយកគ្រាប់ប្រគល់ឲ្យអ្នកលក់ដើម្បីទទួលយកប្រាក់កក់វិញ ។
យ៉ាងនេះក្តីម្ចាស់ហាងទុរ៉េន និយាយថា ត្រឹមទុរេន ៥០០-៦០០kg លក់មិនបាន ២ម៉ោងទេ គឺ… រួចរាល់ហើយ ។
មនុស្សប្រជ្រៀតគ្នាទិញ
ខ្លះបរិភោគនៅកន្លែង ខ្លះយកសាច់ទុរេនទៅផ្ទះ
អ្នកលក់ប្រាប់ថាទុរេនគ្មានសារធាតុការពារ ហេតុនេះយកមក១ថ្ងៃសម្រាប់លក់១ថ្ងៃប៉ុណ្ណោះ ។
ហេតុអ្វីនៅស្រុកយើងសម្បូរទុរេនដែរ តែគ្មាន…ដូច្នេះហ្ន៎!?
តើអ្វីជាអាទិ៍កំបាំងស្ថិតនៅពីក្រោយផ្លែទុរេន? ដើម្បីដាំ? ហាក់ដូចជាមិនស្របសោះ ។ បូព៌ា