ក្រោយពេលព័ត៌មានអំពីកិច្ចព្រមព្រៀងជួលដីត្រូវបានទម្លាយចេញដោយចំហ ស្ថានកុងស៊ុលអាមេរិកប្រចាំហុងកុងឱ្យដឹងថា ពួកគេពុំមានបំណងប្ដូរទីស្នកាក់ការឡើយ ហើយកិច្ចសន្យាជួលនៅមានសុពលភាពប្រមាណ៩៣១ឆ្នាំទៀត។
កាលពីថ្ងៃទី៦ ខែសីហា អ្នកជំនាញការវិភាគទីផ្សារសញ្ជាតិអង់គ្លេស David Webb បានបង្ហោះផ្សាយលើគេហទំព័ររបស់ខ្លួន នូវចំណងជើងអត្ថបទថា៖«ការរកឃើញ៖ អាមេរិកបានជួលដីរយៈពេលវែងបំផុតលើបូរណភាពដែនដីចិន»។
លោកក៏បានបង្ហោះផ្សាយអមជាមួយឯកសារចុះបញ្ជីបង្ហាញឱ្យឃើញថា កាលពីឆ្នាំ១៩៩៩ រដ្ឋការហុងកុង(ចិន) បានអូសបន្លាយកិច្ចសន្យាជួលដីចំពោះស្ថានកុងស៊ុលអាមេរិកនៅអាសយដ្ឋាន26 Garden Road ឡើងដល់៩៩៩ឆ្នាំ ដែលមានតម្លៃជួល៤៤លាន០០០០០០HKD(ប្រមាណ៥,៦លានដុល្លារអាមេរិក)។
កិច្ចសន្យាដំបូងមានរយៈពេល៧៥ឆ្នាំ គិតចាប់ពីថ្ងៃទី១៩ ខែមេសា ឆ្នាំ១៩៥០ ហើយអាចពន្យារពេលបន្ថែម៧៥ឆ្នាំទៀត ដែលថ្លៃជួលគឺ2.092 HKD និងមានបន្ថែមមាត្រាដែលអនុញ្ញាតឱ្យភាគីជួលអាចទិញដីនេះយកតែម្ដង។
តាមSCMP អគារស្នាក់ការស្ថានកុងស៊ុលអាមេរិកបច្ចុប្បន្នមានតម្លៃទីផ្សារប្រមាណ7,7 ពាន់លាន HKD គឺអាចច្រើនជាងនេះ។
ប៉ុន្ដែអ្នកនាំពាក្យស្ថានទូតអាមេរិក អ្នកស្រី Darragh Paradiso ឱ្យដឹងថា ពូកគេពុំមានផែនការប្ដូរទីកន្លែងឡើយ ហើយឆ្នាំ២០១៨ក៏គូសបញ្ជាក់វត្តមានស្ថានកុងស៊ុលនេះលើទឹកដីហុងកុងរយៈពេល១៧៥ឆ្នាំមកហើយ៕
សូយន