Friday, July 19, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ត្រាក់ទ័រភ្ជួរដីជាន់មីនបណ្តាលឲ្យផ្ទុះ ខូចខាតទាំងស្រុង និងរងរបួសធ្ងន់អ្នកបើកបរ

spot_img

ខេត្តព្រះវិហារ ៖ ព្រឹកថ្ងៃទី២៥ ខែមិថុនាឆ្នាំ២០២៤ នេះ មានករណីត្រាក់ទ័រភ្ជួរដីជាន់មីនបណ្តាលឲ្យផ្ទុះនៅចំណុចខាងលិចទួល៤២ ស្ថិតក្នុងភូមិត្រពាំងសង្កែខាងលិច ឃុំកន្ទួតស្រុកជាំក្សាន្ត ខេត្តព្រះវិហារ បណ្តាលឱ្យខូចខាតត្រាក់ទ័រទាំងស្រុង និងរងរបួសធ្ងន់(បែកក្បាលជង្គង់ និងរបួសតាមដងខ្លួន)។

ជនរងគ្រោះថ្នាក់មានឈ្មោះ អុល ស៉ីម ភេទប្រុស ​អាយុ៤២ ឆ្នាំ ជាអ្នករស់នៅក្នុងភូមិស្ពានគ្រង ឃុំចំណាក្រោម ស្រុកស្ទោង ខេត្តកំពង់ធំ ប៉ុន្តែបច្ចុប្បន្នបានមករស់នៅក្នុងភូមិឃុំកើតហេតុខាងលើ។ ក្រោយកើតហេតុអ្នករបួសត្រូវបានដឹកយកមកសម្រាកព្យាបាលបឋមនៅមន្ទីរពេទ្យសម្តេចជាស៉ីមស្រអែម (ពេទ្យអគ្គ) ក្រោយមកត្រូវបានបញ្ជូនបន្តទៅព្យាបាលនៅមន្ទីរពេទ្យបង្អែក១៦មករាខេត្តព្រះវិហារ។

អាជ្ញាធរមីន សូមអំពាវនាវដល់បងប្អូនប្រជាពលរដ្ឋទាំងអស់​ សូមកុំចូលទៅតំបន់ណាដែលមិនដឹងប្រវត្តិច្បាស់​លាស់​ និងត្រូវសាកសួរអាជ្ញាធរមូលដ្ឋានមុនចូលតំបន់នោះ និងសូមកុំប៉ះពាល់នៅពេលឃើញមីន និងគ្រាប់មិនទាន់ផ្ទុះ ហើយត្រូវរាយការណ៍ជាបន្ទាន់ដល់អាជ្ញាធរមានសមត្ថកិច្ច និងប្រតិបត្តិករបោសសម្អាតមីនដែលនៅជិតទីនោះដើម្បីយកគ្រាប់ទាំងនោះទៅកំទេចចោល។ រក្សាសិទ្ធដោយ ៖ សុទ្ធលី

spot_img
×