ភ្នំពេញ ៖ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានអនុញ្ញាតឱ្យលោក Yoshihisa Kainuma អគ្គនាយកក្រុមហ៊ុន មីនេបៀមីត្សូមី(MinebeaMitsumi) និងសហការី ចូលជួបពិភាក្សាការងារ និងស្នើសុំអនុសាសន៍ណែនាំលើគម្រោងពង្រីកអាជីវកម្មរបស់ក្រុមហ៊ុនក្នុងខេត្តពោធិ៍សាត់ ប្រទេសកម្ពុជា នៅក្រុមប្រឹក្សាអភិវឌ្ឍន៍កម្ពុជា នារសៀលថ្ងៃអង្គារ ទី១៦ ខែកក្កដា ឆ្នាំ២០២៤។
លោក Yoshihisa Kainuma បានថ្លែងអំណរគុណជូនចំពោះឯកឧត្តមឧបនាយករដ្ឋមន្ត្រី និងក្រុមប្រឹក្សាអភិវឌ្ឍន៍កម្ពុជាដែលបានផ្ដល់កិច្ចសម្របសម្រួលលើគម្រោងពង្រីកវិនិយោគសាងសង់រោងចក្រថ្មីរបស់ក្រុមហ៊ុននៅប្រទេសកម្ពុជា និងបន្ថែមពីនេះ លោកក៏បានស្នើសុំការគាំទ្របន្ថែមទៀតលើដំណើរការអនុម័តលិខិតបទដ្ឋានគតិយុត្តពាក់ព័ន្ធដើម្បីសម្រួលឱ្យការងារវិនិយោគរបស់ក្រុមហ៊ុនកាន់តែមានភាពរលូន។
សូមជម្រាបជូនថា ក្រុមហ៊ុន មីនេបៀមីត្សូមី(MinebeaMitsumi) កំពុងវិនិយោគនៅកម្ពុជាលើអាជីវកម្ម ផលិតម៉ូទ័រខ្នាតតូច ម៉ូទ័រកង្ហារ គ្រាប់ទម្ររង្វិល គ្រឿងបំណែកដោយម៉ាស៊ីន ឧបករណ៍អុបទិចសម្រាប់ទូរសព្ទទំនើប ប៊ិកអេឡិចត្រូនិក ឧបករណ៍រំញ័រសម្រាប់ហ្គេមកុំព្យូទ័រ បង្គុំសៀគ្វីអេឡិចត្រូនិក ផ្ទាំងបញ្ចេញពន្លឺ LED ឧបករណ៍រង្វាស់ ឧបករណ៍វាស់ជាតិស្ករក្នុងឈាម និងប្រព័ន្ធអំពូលភ្លើងសាធារណៈឆ្លាតវៃជាដើម៕ រក្សាសិទ្ធដោយ ៖ សុទ្ធលី
![](https://cen.com.kh/wp-content/uploads/2024/07/61e2e8b976d5a27ea826427195a7f235-1024x683.jpg)
![](https://cen.com.kh/wp-content/uploads/2024/07/8120bc60a8e1ee5b7879fc63c8757d2d-1024x683.jpg)
![](https://cen.com.kh/wp-content/uploads/2024/07/82313e4125a26833027944afcf311aac-1024x649.jpg)
![](https://cen.com.kh/wp-content/uploads/2024/07/9eb7a7841b17c62e5d53470196629a04-1024x683.jpg)
![](https://cen.com.kh/wp-content/uploads/2024/07/753492872331c67d0e6a853a235c2101-1024x683.jpg)
![](https://cen.com.kh/wp-content/uploads/2024/07/ed8399d7f4892b6787268ae35a0a41b4-1024x721.jpg)
![](https://cen.com.kh/wp-content/uploads/2024/07/5a9369a3b98f1ea7a3f514f5af179351-1024x683.jpg)
![](https://cen.com.kh/wp-content/uploads/2024/07/07370ca462119bff42ba3e8428bb17a0-1024x683.jpg)
![](https://cen.com.kh/wp-content/uploads/2024/07/b5897762314885722115914b003c9837-1024x683.jpg)
![](https://cen.com.kh/wp-content/uploads/2024/07/52a1850d2e368e39bba1b0eebcd30bfc-1024x613.jpg)
![](https://cen.com.kh/wp-content/uploads/2024/07/e05cb3e0add904008ab0999aa77076f9-1024x682.jpg)