ភ្នំពេញ ៖ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានអនុញ្ញាតឱ្យ ឯកឧត្តម វ៉ាង វិនពីន (Wang Wenbin) ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា ដែលទើបទទួលបានការតែងតាំងថ្មី និងសហការី ចូលជួបសម្តែងការគួរសម និងពិភាក្សាការងារ ទីស្តីការក្រុមប្រឹក្សាអភិវឌ្ឍន៍កម្ពុជា នារសៀលថ្ងៃពុធ ទី២៤ ខែកក្កដា ឆ្នាំ២០២៤។
ជំនួបនារសៀលនេះ បានប្រព្រឹត្តទៅក្រោមបរិយាកាសរីករាយស្និទ្ធស្នាល ក្នុងគោលបំណងរឹតបន្តឹងចំណងមិត្តភាពការទូតរវាងប្រទេសទាំងពីរ កម្ពុជា-ចិន ឱ្យកាន់តែមានភាពរឹងមាំល្អប្រសើរ ប្រកបដោយផ្លែផ្កា ព្រមទាំងពិភាក្សាផ្លាស់ប្តូរយោបល់ អំពីការបន្តពង្រឹង និងពង្រីកកិច្ចសហប្រតិបត្តិការ ជាពិសេសលើការងារទាក់ទាញការវិនិយោគ និងការអភិវឌ្ឍហេដ្ឋារចនាសម្ព័ន្ធរូបវ័ន្តនានា នៅកម្ពុជា ឱ្យកាន់មានភាពរីកចម្រើនបន្ថែមទៀត។
ក្នុងឱកាសនៃជំនួបនេះដែរ ឯកឧត្តមឧបនាយករដ្ឋមន្ត្រី បានសម្តែងនូវការស្វាគមន៍យ៉ាងកក់ក្តៅ និងអបអរសាទរជូនចំពោះ ឯកឧត្តមឯកអគ្គរដ្ឋទូត ដែលទើបទទួលបានការតែងតាំងឱ្យមកបំពេញបេសកកម្មការទូតនៅកម្ពុជា និងបានធ្វើការវាយតម្លៃខ្ពស់ ចំពោះការជួយជ្រោមជ្រែងពីសំណាក់រដ្ឋាភិបាល និងប្រជាជនចិន ស្របតាមយុគសម័យថ្មី នៃក្របខ័ណ្ឌកិច្ចសហប្រតិបត្តិការត្បូងពេជ្រ៕ រក្សាសិទ្ធដោយ ៖ សុទ្ធលី
![](https://cen.com.kh/wp-content/uploads/2024/07/aa3d349de88836b1baf42284bfb6f60a-1024x916.jpg)
![](https://cen.com.kh/wp-content/uploads/2024/07/6a61119d02e59c837ac872e445fe5a0f-1024x822.jpg)
![](https://cen.com.kh/wp-content/uploads/2024/07/99b8a29ff8352a74b49219c8652438f3-1024x683.jpg)
![](https://cen.com.kh/wp-content/uploads/2024/07/61e2f5b9882a6d959c30525cbe719e9a-1024x683.jpg)
![](https://cen.com.kh/wp-content/uploads/2024/07/0e2c3499aa202f053e9a99c751ef25f3-1024x683.jpg)
![](https://cen.com.kh/wp-content/uploads/2024/07/1a86ed916dd6b66838016a9053317799-1024x683.jpg)
![](https://cen.com.kh/wp-content/uploads/2024/07/c63b64f5acc773a64911d227c403f917-1024x683.jpg)
![](https://cen.com.kh/wp-content/uploads/2024/07/b3ded7b1e3ec087dd9d5f0be4ed6fea6-1024x683.jpg)
![](https://cen.com.kh/wp-content/uploads/2024/07/2ec84b6567dde9cefe0ccccfce408c16-1024x683.jpg)
![](https://cen.com.kh/wp-content/uploads/2024/07/eb0a37d532d1d0b88f3907f2b1441cbf-1024x683.jpg)
![](https://cen.com.kh/wp-content/uploads/2024/07/21cedcebae2e408b1c9a50caf79260db-1024x683.jpg)
![](https://cen.com.kh/wp-content/uploads/2024/07/d2c71ffa4ec751a46cb644f550807991-1024x762.jpg)