ភ្នំពេញ៖ ដោយទទួលបានការចាត់តាំងដ៏ខ្ពង់ខ្ពស់ពីថ្នាក់ដឹកនាំ ឯកឧត្ដម សួន សុផល អគ្គលេខាធិការរងគណៈកម្មាធិការវិនិយោគកម្ពុជា បានដឹកនាំក្រុមការងារ ទទួលជួបពិភាក្សាការងារជាមួយគណៈប្រតិភូវិនិយោគិនដែលដឹកនាំដោយលោក ZHONG ZHENGBING អនុប្រធានសមាគមវឌ្ឍនភាពកម្ពុជា-ចិន ក្នុងគោលបំណងពិភាក្សាពង្រឹងនិងពង្រីកកិច្ចសហប្រតិបត្តិការលើការអភិវឌ្ឍក្នុងវិស័យហេដ្ឋារចនាសម្ព័ន្ធ ក៏ដូចជាសិក្សាស្វែងយល់ពីកាលានុវត្តភាពនិងច្បាប់ និងបទបញ្ញត្តិស្ដីពីវិនិយោគនៅកម្ពុជាទីស្ដីការក្រុមប្រឹក្សាអភិវឌ្ឍន៍កម្ពុជា៖ នារសៀលថ្ងៃទី២៥ ខែកក្កដា ឆ្នាំ២០២៤។
ក្នុងជំនួបសម្ដែងការគួរសមនាឱកាសនេះ លោកអនុប្រធានសមាគម បានថ្លែងអំណរគុណដ៏ជ្រាលជ្រៅជូនចំពោះឯកឧត្ដម និងសហការី ដែលបានអនុញ្ញាតឱ្យគណៈប្រតិភូចូលជួបសម្ដែងការគួរសមនាឱកាសនេះ។ ទន្ទឹមនឹងនេះ គណៈប្រតិភូបានបង្ហាញពីចេតនាក្នុងការចូលរួមចំណែកវិនិយោគលើវិស័យសក្ដានុពលលទ្ធភាពនានាក៏ដូចជាចូលរួមជាមួយរាជរដ្ឋាភិបាលការអភិវឌ្ឍហេដ្ឋារចនាសម្ព័ន្ធរូបវន្ត ឆ្ពោះទៅរកការអភិវឌ្ឍប្រព័ន្ធដឹកជញ្ជូនអន្តរមធ្យោបាយ មានការតភ្ជាប់ខ្ពស់ និងភាពប្រទាក់ក្រឡា ទាំងផ្ទៃក្នុងប្រទេស និងជាមួយតំបន់ ដែលនឹងបន្តរួមចំណែកជំរុញ និងទ្រទ្រង់កំណើនសេដ្ឋកិច្ចជាតិ ព្រមទាំងបំពេញសេចក្តីត្រូវការសង្គម-សេដ្ឋកិច្ចប្រកបដោយចីរភាព និងបរិយាប័ន្ន។
ជាការឆ្លើយតប ឯកឧត្ដម បានជម្រាបជូនអំពីគំនិតផ្ដួចផ្ដើមកិច្ចសហប្រតិបត្តិការរៀបចំបង្កើតរបៀងឧស្សាហកម្ម និងច្រករបៀងមច្ឆានិងអង្ករ ដែលនឹងក្លាយទៅជាកម្លាំងចលកររុញច្រានកំណើនសេដ្ឋកិច្ចកម្ពុជាឈានខ្ពស់សម្រេចបាននូវចក្ខុវិស័យកម្ពុជា ឆ្នាំ២០៥០។
បន្ថែមពីនេះ ឯកឧត្តម បានជម្រាបជូនគណៈប្រតិភូអំពីការផ្ដល់កិច្ចសម្រួលវិនិយោគ, កញ្ចប់លើកទឹកចិត្តវិនិយោគ, និងសេវាថែទាំវិនិយោគដែលជ្រកក្រោមច្បាប់ស្ដីពីវិនិយោគនៃព្រះរាជាណាចក្រកម្ពុជា និងបានលើកទឹកចិត្តឱ្យគណៈប្រតិភូធ្វើការសិក្សាជាមួយក្រសួង ស្ថាប័នពាក់ព័ន្ធ ជាពិសេសក្រសួងសាធារណការ និងដឹកជញ្ជូន ក្នុងការផ្ដល់កិច្ចសហការបន្ថែមចំពោះគម្រោងខាងលើ៕ រក្សាសិទ្ធដោយ ៖ សុទ្ធលី
![](https://cen.com.kh/wp-content/uploads/2024/07/d9f41b8df9d7d5c0d7c83bb836620f8c-1024x683.jpg)
![](https://cen.com.kh/wp-content/uploads/2024/07/6a2697aa7977faf84ce207883aa2cd94-1024x683.jpg)
![](https://cen.com.kh/wp-content/uploads/2024/07/3bf9612714b02496cafc5923a128d9b0-1024x683.jpg)
![](https://cen.com.kh/wp-content/uploads/2024/07/08d9e4fd39248e4e08f810e1f0355d84-1024x683.jpg)
![](https://cen.com.kh/wp-content/uploads/2024/07/bf8c748c517ae7c7f0c606371cc13d8e-1024x683.jpg)
![](https://cen.com.kh/wp-content/uploads/2024/07/4c12a50901f906d769b1dd8f85dcbfb3-1024x683.jpg)
![](https://cen.com.kh/wp-content/uploads/2024/07/ac9a9b1d1629d47c3016b9b8b93586f8-1024x683.jpg)
![](https://cen.com.kh/wp-content/uploads/2024/07/25cc081f084668025a512f34feb0d529-1024x683.jpg)
![](https://cen.com.kh/wp-content/uploads/2024/07/f21f60cadacefe4300f422c82ce6647a-1024x683.jpg)
![](https://cen.com.kh/wp-content/uploads/2024/07/a9b322d6c061eb41e86ccacbfcc6c6e1-1024x682.jpg)
![](https://cen.com.kh/wp-content/uploads/2024/07/01c8a560a6d54cea06ac5a5ceead23da-1024x683.jpg)
![](https://cen.com.kh/wp-content/uploads/2024/07/ebf3e680b7ca1745c50c6a366bd75d52-1024x683.jpg)