ភ្នំពេញ ៖ ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យ បន្ថយឋានន្តរស័ក្តិ ពី ឧត្តមសេនីយ៍ត្រី កែវ សារ៉ាវុធ នាយនគរបាលថ្នាក់ ឧត្ដមសេនីយ៍ ឱ្យមកនៅត្រឹមថ្នាក់ វរសេនីយ៍ឯក ។
យោងតាមព្រះរាជក្រឹត្យ ត្រាស់បង្គាប់៖ បន្ថយឋានន្តរស័ក្តិ ពី ឧត្តមសេនីយ៍ត្រី កែវ សារ៉ាវុធ អត្តលេខ៩៥៩៩៥ នាយនគរបាលថ្នាក់ ឧត្ដមសេនីយ៍ ឱ្យមកនៅត្រឹមថ្នាក់ វរសេនីយ៍ឯក ក្របខ័ណ្ឌមន្ត្រីនគរបាលជាតិកម្ពុជា នៃក្រសួងមហាផ្ទៃ។
ការបន្ថយឋានន្តរស័ក្តិ ពី ឧត្តមសេនីយ៍ត្រី កែវ សារ៉ាវុធ បានទ្រង់យល់សេចក្តីក្រាបបង្គំទូលថ្វាយរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា៕ រក្សាសិទ្ធដោយ ៖ សុទ្ធលី
![](https://cen.com.kh/wp-content/uploads/2024/07/40ef8fafec217e05613ef7740d03c4a2-721x1024.jpg)
![](https://cen.com.kh/wp-content/uploads/2024/07/6387f6d8847d24afbe82fbe5c14758e5.jpg)