អតីតប្រធានាធិបតីអ៊ុយរ៉ាហ្កាយ Jose Mujica ដែលធ្លាប់ជាប្រធានាធិបតី ត្រូវបានផ្តល់រហស្សនាមថា “ក្រីក្របំផុតពិភពលោក” ទើបបញ្ជាក់ទៀតថា លោកមិនចង់ទទួលខ្ទង់ប្រាក់សោធននិវត្ត នៃអំឡុងពេលធ្វើជាសមាជិកព្រឹទ្ធសភាឡើយ ។
អតីតប្រធានាធិបតីអ៊ុយរ៉ាហ្គាយ Jose Mujica ។
តាម BBC អតីតប្រធានាធិបតីអ៊ុយរ៉ាហ្គាយ Jose Mujica នៅថ្ងៃទី ១៤ ខែសីហានេះ បានឈប់ធ្វើជាសមាជិកព្រឹទ្ធសភាជាផ្លូវការហើយ ហើយនេះជាមុខតំណែង ដែលលោកបានធ្វើពីឆ្នាំ ២០១៥ បនញទាប់ពីបញ្ចប់អណត្តិប្រធានាធិបតី ៥ឆ្នាំ ។ លោកមានអាយុ ៨៣ឆ្នាំហើយ ហើយលោកប្រាប់ថា លោកនឹងពុំអាចរ៉ាប់រងភារកិច្ច នៅព្រឹទ្ធសភាដល់ឆ្នាំ ២០២០ បានទេ ។
លោកបានធ្វើលិខិតផ្ញើជូនប្រធានព្រឹទ្ធសភា Lucia Topolansky និងជាអនុប្រធានាធិបតី ហើយក៏ជា…ភរិយារបស់លោកផងដែរ ។ លោកលើកមូលហេតុសុំលាចេញពីមុខតំណែង ព្រោះមូលហេតុឯកជន “ហត់នឿយ ក្រោយពីដើរផ្លូវ១ឆ្ងាយ” ។ យ៉ាងនេះក្តីក៏លោកនៅបន្តជួយគ្រាខួរក្បាលនៅភ្លឺស្វាង ដោយពុំសុំមិនទទួលប្រាក់សោធននិវត្តន៍ទេ ។
លោកបដិសេធន៍មិនរស់នៅក្នុង”វិមានប្រធានាធិបតី” ហើយជ្រើសយក…កសិដ្ឋានជាកន្លែងស្នាក់ទៅវិញ ។
ពេលធ្វើជាប្រធានាធិបតីលោកបានបរិច្ចាគប្រាក់ខែស្ទើទាំងអស់ដល់មូលនិធិសប្បុរសធម៌ ។ ទ្រព្យសម្បត្តិតែ១គត់ របស់លោកគឺរថយន្ត Volkswagan Beetle ផលិតនៅឆ្នាំ ១៩៨៧ ។
ឆ្នាំ ២០១៤ មានគេតថ្លៃទិញរថយន្តនេះ តម្លៃ១លានដុល្លារ តែលោកបដិសេធដោយថា ទុកគ្រាន់បើកដើរកម្សាន្ត និងឆ្កែរបស់លោក ។ ព្រោះជ្រើសយកជីវភាពសាមញ្ញបែបនេះ លោកក្លាយជានិមិត្តរូប នៃពលរដ្ឋអ៊ុយរ៉ាហ្គាយ ៕ ចន្ទ្រា