កំពង់ស្ពឺ៖ កាលពីថ្ងៃទី១៩ ខែកញ្ញា ឆ្នាំ២០២៤ វេលាម៉ោង១៦និង៣០នាទី មានក្រុមក្មេងទំនេីងចំនួន៣ នា ក់ ជិះម៉ូតូ២គ្រឿង ធ្វើសកម្មភាព ដុតផាវ ប្រភេទគ្រាប់បែក បោះនៅតាមទីផ្លូវសាធារណៈ នៅចំណុចផ្លូវក្រាលកៅស៊ូលេខ១៤៤០ ស្ថិតនៅភូមិអំពិលផ្អែម ឃុំក្រាំងចេក ស្រុកសាមគ្គីមុនីជ័យ ខេត្តកំពង់ស្ពឺ ។
ដោយទទួលបានព័ត៌មានពីប្រជាពលរដ្ឋសមត្ថកិច្ចបា នចេញល្បាតស្ទាក់ឃាត់បាន ចំនួន០២នាក់៖
(១)ឈ្មោះ យ៉េត សៀងហៃ ភេទប្រុស អាយុ១៨ឆ្នាំ រស់នៅភូមិក្រាំងតាសោម ឃុំជំពូព្រឹក្ស ស្រុកសាមគ្គីមុនីជ័យ មុខរបរ រោងចក្រ (២)ឈ្មោះ យឿន ឡា ភេទប្រុស អាយុ១៩ឆ្នាំ រស់នៅភូមិក្រាំងតាសោម ឃុំជំពូព្រឹក្ស ស្រុកសាមគ្គីមុនី័យ មុខរបររោងចក្រ ចំណែកម្នាក់ទៀត (គេចខ្លួន)។
សមត្ថកិច្ចដកហូតបាន ផាវប្រភេទគ្រាប់បែកមួយចំនួនដែលនៅសល់ពីពួកគេបានបោះទម្លាក់ចោលក្រោយសមត្ថកិច្ចប្រតិបតិ្ដការតាមឃាត់ ម៉ូតូមួយគ្រឿង ហុងដាសេ១២៥ ពណ៌ខ្មៅ ។
បច្ចុប្បន្នសមត្ថកិច្ចនគរបាលបានកសាងសំណុំរឿងបញ្ជូនទៅអយ្យការ និងត្រូវបានចៅក្រមសម្រេចឃុំខ្លួននៅពន្ធនាគារខេត្ដ។
ស្នងការដ្ឋាននគរបាលខេត្ដកំពង់ស្ពឺ បានសំណូមពរដល់បងប្អូនកូន-ក្មួយ មាតាបិតា អាណាព្យាបាល គួរគប្បីពិនិត្យមេីលកូនចៅក្មួយបង-ប្អូន ត្រូវណែនាំឲ្យបញ្ឍប់សកម្មភាពបែបនេះ ករណីខាងលេីអាចមានការឆេះផ្ទុះមកលេីខ្លួននិងបង្កជាមហន្ដរាយផ្សេងៗ ជាយថាហេតុ។
អនុវត្តតាមបទបញ្ជាលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ អធិការនគរបាលស្រុកសំរោងទង លោកវរសេនីយ៍ឯក ឃុត សុផល បានបញ្ជាក់ថា កំលាំងនគរបាលចុះស្រាវជ្រាវដកហូត ផាវផ្ទុះគ្រប់ប្រភេទ និងចម្ពាម កៅស៊ូសម្រាប់បាញ់បានមួយចំនួន និងបន្ដផ្សព្វផ្សាយណែនាំដល់ក្រុមអាជីវករដែលលក់ដូររំសេវគ្រឿងផ្ទុះ ( ផាវគ្រប់ប្រភេទ ) បញ្ឍប់ការទិញលក់ ករណី បន្ដលួចលក់ចែកចាយ សមត្ថកិច្ចនិងបន្ដអនុវត្ដវិធាននានា។
ជាក់ស្ដែងដកហូតបានផាវគ្រាប់បែក ១៦៦៩ គ្រាប់, ផាវកាំជ្រួច ២០ដើម, ផាវតូច ៤៣ ប្រអប់ ១០គ្រាប់, ផាវកែច្នៃ២គ្រាប់,ចំពាមកៅស៊ូ ៧, ដែកកេះ ៣០៕រក្សាសិទ្ធដោយ ៖ សុទ្ធលី
