ខ្ទើយម្នាក់ត្រូវបាននាំខ្លួនទៅកាន់ប៉ុស្តិ៍ប៉ូលីស Patong បន្ទាប់ពីត្រូវបានចាប់ខ្លួនដោយក្រុមអ្នករត់ម៉ូតូកង់បី និងតាក់ស៊ី ក្នុងករណីចោទប្រកាន់លួចកាបូបលុយរបស់ភ្ញៀវទេសចរ នៅផ្លូវ Bangla កាលពីព្រឹកថ្ងៃចន្ទ (២០ សីហា) ។
នៅវេលាម៉ោងប្រហែល ៥ ទៀបភ្លឺ ពួកអ្នករត់តាក់ស៊ី និងទុកទុក បាននាំគ្នាជួយដេញចាប់ខ្ទើយម្នាក់ ដែលពួកគេបាននិយាយថា បានកំពុងប្លន់ពួកភ្ញៀវទេសចរក្រិចយកកាបូប ខណៈពួកគេកំពុងដើរ ។
ប៉ូលីស Patong និងប៉ូលីសទេសចរណ៍ ត្រូវបានហៅមកកាន់កន្លែងកើតហេតុ ។
សាក្សីជាច្រើននិយាយថា ខ្ទើយនោះស្ថិតក្នុងស្ថានភាពញាំញីដោយជាតិស្រវឹង ហើយនៅព្រលឹមស្រាងៗនោះ មានអ្នករ៉ែរ៉១ក្រុម ស្ថិតនៅជាមួយភ្ញៀវទេសចរនោះ ដោយបានព្យាយាមពង្រត់ជាច្រើនលើក ។
ពួកគេនិយាយថា ពួកគេបានព្រមានខ្ទើយរូបនេះជាច្រើនលើក ប៉ុន្តែ នាងនៅតែបន្តធ្វើរឿងមិនល្អនេះដដែល ។
សាក្សីម្នាក់បានអះអាងថា មានខ្ទើយមួយក្រុម ដែលបានបញ្ចប់ការងាររបស់ពួកគេ នៅឯកន្លែងកម្សាន្ត ហើយបន្ទាប់មក ក៏បានព្យាយាមដេញចាប់ភ្ញៀវទេសចរស្រវឹងៗ ។
សាក្សីម្នាក់ទៀតនិយាយថា៖ «ជូនកាល ពួកខ្ទើយទាំងនោះបាននាំអ្នកទេសចរប្រុសៗ ដែលស្រវឹង ទៅកាន់បន្ទប់របស់ពួកគេ ហើយលួចយកទ្រព្យសម្បត្តិរបស់ពួកគេ ។ ឥរិយាបទនេះបានធ្វើឲ្យប៉ះពាល់ដល់វិស័យទេសចរណ៍ Patong យ៉ាងច្រើន» ៕ ឧត្តម (TheNation)
