ក្រុមកម្មករនៅរោងចក្រនេះបានប្រទះឃើញក្មេងប្រុសម្នាក់កាលពីថ្ងៃទី១៩សីហា ដោយវាបានដេកតោងលើសាក់ស៊ីខាងក្រោមរបស់រថយន្ដទើបដឹកទំនិញចូលក្នុងរោងចក្រ។ក្មេងប្រុសនេះប្រឡាក់ប្រឡូស ដោយប្រេងម៉ាស៊ីននិងធូលី និងដាច់ខាតពុំព្រមចេញមកក្រៅ ទាល់តែគេបង្ខំចិត្តចាប់ទាញចេញមក។ប៉ុន្ដែវានៅពុំព្រមនិយាយ ស្ដីទាំងអស់ រហូតដល់ពេលប៉ូលិសនាំវាទៅកាន់ប៉ុស្ដិ៍។ដល់ពេលនោះទើបវាប្រាប់ថាមានឈ្មោះXiaoneng អាយុ៩ឆ្នាំ រួចហើយប្រាប់លេខទូរស័ព្ទរបស់ឳពុកវា។
តាមកាសែតចិនឱ្យដឹងថា ឳពុកម្ដាយក្មេងនេះបានលែងលះគ្នា ហើយវារស់នៅជាមួយជីដូនខាងឳពុកនៅទីក្រុងChenzhou ខណៈពេលដែលឳពុកវាទៅធ្វើការនៅកន្លែងផ្សេង។
ក្មេងប្រុសនេះបានចាកចោលផ្ទះកាលពីថ្ងៃ១៨សីហា ក្រោយពេលវាបានធ្វើឱ្យទាមួយងាប់ ហើយខ្លាចជីដូនស្ដីបន្ទោស ក៏រត់ចូលពួនក្រោមរថយន្ដដឹកជញ្ជូនធ្វើដំណើរឆ្លងផុតចម្ងាយផ្លូវ១០០០គីឡូម៉ែត្រ។ក្មេងប្រុសនេះត្រូវបានប៉ូលិសបញ្ជូនទៅ ផ្ទះវិញកាលពីល្ងាចថ្ងៃទី២០សីហា។
តាមឪពុកក្មេងប្រុសនេះ៖ ប្រហែលវាខ្វះខាតការស្រឡាញ់ថ្នាក់ថ្នមរបស់ម្ដាយ ត្រូវរស់នៅឯកោតែឯង»។គាត់ឱ្យដឹងថា វាពុំមែនជាលើកទីមួយទេដែលវាបោះបង់ផ្ទះចាកចេញទៅ ហើយលើកនេះប្រហែលជាដោយសារលោកជេរស្ដីឱ្យវាពេលវាធ្វើ ឱ្យទាជីដូនងាប់មុនពេលកើតហេតុនាយប់នោះ៕
លីសា
