ភ្នំពេញ ៖ អធិការដ្ឋាននគរបាលខណ្ឌកំបូលបានឲ្យដឹងថា កាលពីថ្ងទី២២ ខែវិច្ឆិកា ឆ្នាំ២០២៤ កម្លាំងនគរបាលខណ្ឌ បានធ្វើការឃាត់ខ្លួនជនសង្ស័យចំនួន ០១នាក់ ករណីឆបោក (ប្រើល្បិចជួលរថយន្តយកទៅលក់) នៅវេលាម៉ោងប្រហែល ១៩ និង ៣០ នាទី នៅចំណុចភូមិអង្គបឹងចក សង្កាត់កំបូល ខណ្ឌកំបូល រាជធានីភ្នំពេញ។
ជនសង្ស័យចំនួន ០១នាក់ ឈ្មោះ អុល សំអាង (ហៅវណ្ណា) ភេទប្រុស អាយុ២៩ឆ្នាំ មុខរបរ ជាងផ្សារដែក មានទីលំនៅ ភូមិព្រែកតាព្រហ្ម ឃុំកំពង់អុស ស្រុកពញាឮ ខេត្តកណ្ដាល។
សម្ភារៈបន្សល់ទុក រថយន្តមួយគ្រឿង ម៉ាក Prius ពណ៌ប្រផេះ ពាក់ផ្លាកលេខ ភ្នំពេញ 2BA-1090 ឆ្នាំផលិត 2006
បច្ចុប្បន្នជនសង្ស័យខាងលើបានបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី៕ រក្សាសិទ្ធដោយ ៖ សុទ្ធលី
