នៅតំបន់ភាគខាងលិចខេត្ដថាញ់វ៉ា មានល្អាងត្រីមួយចំនួនពុំមានអ្នកណាហ៊ានប៉ះពាល់
ជ្រលងអូរខាងក្រៅដែលពោរពេញដោយត្រីនេះមានទឹកបង្ហូរចូលមកជានិច្ចពីក្នុងភ្នំ។ថ្វីត្បិតមានភ្ញៀវទេសចរមកទស្សនាច្រើនក្ដី តែត្រីទាំងនោះនៅតែហែលលេងធម្មតា ពុំមានការភ្ញាក់ផ្អើលអ្វីឡើយ
រៀងរាល់ថ្ងៃនៅទីនោះមានភ្ញៀវទេសចរយ៉ាងច្រើនកុះករមកទស្សនា បំណងស្វែងយល់ពីរឿងអាថ៌កំបាំងជុំវិញជ្រលងអូរសម្បូរដោយត្រីនេះ
នៅទីនេះត្រូវបានមនុស្សជំនាន់ដើមចាត់ទុកថាជាជ្រោះត្រីអ្នកតា ព្រោះតែវាមានត្រីពពាក់ពពូនគ្នា ដែលសូម្បីតែចង់ដួសទឹកក៏ត្រូវវែកត្រីចេញសិន។ ជ្រោះនេះមិនជាធំប៉ុន្មាន តែមានត្រីតូចធំរាប់ម៉ឺនក្បាលប្រជ្រៀតគ្នា។យ៉ាងនេះក្ដី រឿងដែលចម្លែកនោះ គឺទឹកនៅទីនេះមានភាពថ្លាឈ្វេង ហើយមិនឆ្អាបឡើយ
ជ្រោះត្រីនេះទើបត្រូវបានផ្សាយឱ្យដឹងជាសាធារណៈកាលពីប្រមាណ២០ឆ្នាំមុន ។ទន្ទឹមនោះរឿងត្រីតំណាលតមាត់គ្នាដែល គួរឱ្យខ្លាចអំពីអាថ៌កំបាំងនៃបណ្ដាសាប្រសិនបើហ៊ានបំពានដល់ហ្វូងត្រីទាំងនោះ
រឿងតំណាលថា៖ ពីយូរយារណាស់មកហើយ គេតែងឃើញហ្វូងត្រីទាំងនេះពុំមានការប្រែប្រួលតាំងពីពេលគេរកឃើញវា ពួកវាក៏ពុំដែលឃើញថមថយឬបាត់ស្រមោលសោះឡើយ
រូប
គេនិយាយថា មានយុវជនវ័យក្មេង២នាក់មកពីទីក្រុងបានមកដល់ទីនេះ ហើយបានមានចេតនាសម្លាប់ត្រីនៅក្នុងជ្រោះនេះ។ ពេលវិលត្រឡប់ទៅវិញពួកគេក៏រងគ្រោះថ្នាក់ដល់ស្លាប់
ច្វីបើពុំមានការបញ្ជាក់ឱ្យបានច្បាស់លាស់ពីរឿងបណ្ដាសានេះក្ដី អ្នកផងតែងក្រើនរំលឹកគ្នាឱ្យការពារភាពសុខសាន្ដដល់ហ្វូងត្រីនេះ ព្រោះពួកវាបាននាំសេចក្ដីសុខនិងរកស៊ីមានបានដល់ពួកគេ៕
លីសា