ខេត្តត្បូងឃ្មុំ: តាមបញ្ជារបស់លោកឧត្តមសេនីយ៍ស្នងការនគរបាលខេត្តក៏ដូចជាគណៈបញ្ជាការឯកភាពខេត្តក្នុងការពង្រឹងគោលនយោបាយភូមិ ឃុំ សង្កាត់ មានសុវត្ថិភាពក្នុងមូលដ្ឋាន។ កម្លាំងសមត្ថកិច្ចបានធ្វើការស្រាវជ្រាវបង្ក្រាបល្បែងស៊ីសងខុសច្បាប់មានយូគីនិងអាប៉ោង កំពុងតែបើកលេងលួចលាក់នៅចំណុចច្រកទ្វារត្រពាំងផ្លុង ឃុំត្រពាំងផ្លុង ស្រុកពញាក្រែក បានបន្តបន្ទាប់ចំនួនពីរលើកដោយក្រុមអ្នកញាណល្បែងបាននាំគ្នាសម្ងំលេងក្នុងការដ្ឋានសំណង់ មិនខ្លាចរអែងនឹងអ្នកណា ព្រោះថាល្បែងនាំឱ្យមានអំពើហិង្សាចោរកម្មនិងបទល្មើសផ្សេងៗ។
សមត្ថកិច្ចមូលដ្ឋានបានឲ្យដឹងនាព្រឹកថ្ងៃទី២៤មករាឆ្នាំ២០២៥ថា:ក្នុងការពង្រឹងសន្តិសុខនិងសណ្ដាប់ធ្នាប់តាមបន្ទាត់ព្រំដែនកម្ពុជា-វៀតណាម បានស៊ើបឃើញមានទីតាំងបើកលេងល្បែងខុសច្បាប់ហ្នឹងដោយមានការអនុញ្ញាតពីលោកព្រះរាជអាជ្ញាអមសាលាដំបូងខេត្ត។សមត្ថកិច្ចបានចុះបង្ក្រាបដោយធ្វើឡើងនៅថ្ងៃទី២៣ ខែមករា ឆ្នាំ២០២៥ វេលាម៉ោង ២១និង៥០នាទីយប់ បង្ក្រាបករណីលួច លេងល្បែងស៊ីសងខុសច្បាប់ នៅចំណុចការដ្ឋានកំពុងសាងសង់ ស្ថិតនៅភូមិត្រពាំងផ្លុងទី២ ឃុំត្រពាំងផ្លុង ស្រុកពញាក្រែក ឃាត់ខ្លួនមនុស្សចំនួន៤នាក់ ក្នុងនោះមានម្នាក់ជាជនបរទេសទៀតផង។
សមត្ថកិច្ចបានបន្តឲ្យដឹងទៀតថាជនដែលត្រូវឃាត់ខ្លួនក្នុងនោះរួមមាន:
១-ឈ្មោះ ឆាយ ចាន់ថុល ភេទស្រី អាយុ ៤៥ឆ្នាំ រស់នៅភូមិព្រៃបឹង ឃុំបែកចាន ស្រុកអង្គស្នួល ខេត្តកណ្តាល
២-ឈ្មោះហួន ហុង ភេទប្រុស អាយុ ៥៧ឆ្នាំ រស់នៅភូមិរលួស ឃុំអូរ ស្រុកភ្នំស្រួច ខេត្តកំពង់ស្ពឺ។
៣-ឈ្មោះណាល់ រឿន ភេទប្រុស អាយុ ៤៩ឆ្នាំ រស់នៅភូមិទស្សនៈ ឃុំចុងដូង ស្រុកបារាយណ៏ខេត្តកំពង់ធំ។
៤- ឈ្មោះអា ក្រាម (MD AKRAM) ភេទប្រុស អាយុ
២៨ឆ្នាំ ជនជាតិ បង់ក្លាដេស។
-ដកហូតវត្ថុតាង រួមមាន:
-ហាន់តោអាប៉ោងចំនួន៥
-ហាន់តោកូនសត្វចំនួន៣
-គម្របអាប៉ោងចំនួន២
-កាធុនចំនួន៦
-ចានអាប៉ោងចំនួន១
-គ្រាប់អាប៉ោងចំនួន២
-ប្រាក់រៀលចំនួន៦០,០០០៛(ប្រាំមួយម៉ឺនរៀល) បញ្ជូនមកកាន់អធិការដ្ឋាននគរបាលស្រុកពញាក្រែក ។
គួររំលឹកថា នៅថ្ងៃទី១៩ ខែមករា ឆ្នាំ២០២៥ វេលាម៉ោង២២:០៥នាទី បង្ក្រាបករណី លួចលេងល្បែងស៊ីសងខុសច្បាប់(កូនសត្វ)ដូចយូគី នៅចំណុចភូមិត្រពាំងផ្លុងទី២ ឃុំត្រពាំងផ្លុង ស្រុកពញាក្រែកនៅថ្ងៃទី១៩ ខែមករា ឆ្នាំ២០២៥ និងបានឃាត់ខ្លួនក្រុមអ្នកញៀនល្បែងចំនួន០៣នាក់
១-ឈ្មោះយ៉ា ឡុងឌី ភេទប្រុសអាយុ៣៧ឆ្នាំ ជាតិខ្មែរ រស់នៅភូមិបត់ទន្លា ឃុំកណ្ដោលជ្រុំ ស្រុកពញាក្រែក ជាអ្នក(ចាត់ចែងល្បែងស៊ីសងដោយខុសច្បាប់)។
២-ឈ្មោះ យាំ វីត ភេទប្រុស អាយុ៥៥ឆ្នាំ ជាតិខ្មែរ រស់នៅភូមិជ័យ ឃុំគោកគង់ ស្រុកកញ្ជៀច ខេត្តព្រៃវែង (អ្នកលេង)
៣-ឈ្មោះសាយ ចន្ទី ភេទស្រីអាយុ៣៨ឆ្នាំ ជាតិខ្មែរ រស់នៅភូមិដឹកដា ឃុំពាមរ ស្រុកពាមរ ខេត្តព្រៃវែង (អ្នកលេង)។
-ចំពោះវត្ថុតាងរួមមាន :
១-ហាន់តោកូនសត្វចំចំនួន០១
២-កាតុងកូនសត្វមួយចំនួន
៣-ប្រាក់រៀលចំនួន ២០១,៥០០៛ (ម្ភៃម៉ឺនមួយពាន់ប្រាំរយរៀល) ។
-ជនសង្ស័យខាងលើព្រមទាំងវត្ថុតាង សមត្ថកិច្ចបានបញ្ជូនមកកាន់ អធិការដ្ឋាននគរបាលស្រុកពញាក្រែក ។
សូមបញ្ជាក់ថាករណីបង្ក្រាបល្បែងស៊ីសងដោយខុសច្បាប់ទាំងពីរករណីនេះត្រូវបានបំពេញបែបបទតាមនីតិវិធីបញ្ជូនទៅកាន់សាលាដំបូងខេត្ត៕ រក្សាសិទ្ធដោយ៖ភ្នំប្រុសភ្នំស្រី
