ខេត្តព្រះសីហនុ ៖ នាវាជប៉ុនបានចូលមកដែនទឹកកម្ពុជា ក្នុងមូលដ្ឋានកងទ័ពជើងទឹករាមនៃខេត្តព្រះសីហនុ នៅថ្ងៃសៅរ៍ទី១៩ខែមេសាឆ្នាំ២០២៥នេះ ដើម្បីបំពេញទស្សនកិច្ច រយៈពេល៤ថ្ងៃ ចាប់ពីថ្ងៃទី១៩ ដល់ថ្ងៃទី២២ ខែមេសា ឆ្នាំ២០២៥។
នាវាកងកម្លាំងស្វ័យការពារដែនសមុទ្រជប៉ុន (JMSDF) ចំនួនពីរគ្រឿងឈ្មោះ Bungo និង Etazima បានចូលចតនៅកំពង់ផែកងទ័ពជើងទឹករាម។ នាវាទាំងពីរគឺជានាវាដំបូងគេដែលចូលចតនៅកំពង់ផែនេះបន្ទាប់ពីត្រូវបានធ្វើទំនើបកម្មក្រោមជំនួយរបស់ចិន។
នាវារបស់ជប៉ុននេះ នឹងស្ថិតនៅក្នុងប្រទេសកម្ពុជារយៈពេល ៤ថ្ងៃ ចាប់ពីថ្ងៃទី១៩ ដល់ថ្ងៃទី២២ ខែមេសា ឆ្នាំ២០២៥។
នាវារបស់ជប៉ុននេះ គឺជានាវាបរទេសទី១ហើយដែលត្រូវបានអនុញ្ញាតឳ្យចូលចតនៅមូលដ្ឋានសមុទ្ររាម បន្ទាប់ពីមូលដ្ឋាននេះ ត្រូវបានធ្វើទំនើបកម្ម និងត្រូវបានសម្ពោធដាក់ឳ្យប្រើប្រាស់ជាផ្លូវការកាលពីដើមខែមេសា ឆ្នាំ២០២៥នេះ។
ស្ថានទូតជប៉ុន ចាត់ទុកថាជាព្រឹត្តិការណ៍ដ៏សំខាន់ជាប្រវត្តិសាស្ត្រ សម្រាប់ទំនាក់ទំនងជប៉ុន-កម្ពុជា
កងកម្លាំងស្វ័យការពារដែនសមុទ្រជប៉ុន (JMSDF) បានបញ្ជូននាវាចំនួនពីរ៖
“Bungo” និង “Etazima” ដើម្បីបំពេញបេសកកម្មទៅទស្សនកិច្ចប្រទេសចំនួន ១១ រាប់ចាប់ពីទ្វីបអាហ្រ្វិក មជ្ឈិមបូព៌ា រហូតដល់អាស៊ីខាងត្បូង និងអាស៊ីអាគ្នេយ៍ក្នុងខែមករា ឆ្នាំ ២០២៥។
ឥឡូវនេះការហៅតាមកំពង់ផែរបស់ពួកគេត្រូវបានធ្វើឡើងនៅមូលដ្ឋានទ័ពជើងទឹករាមរបស់កម្ពុជា ដែលយើងក្នុងនាមជាស្ថានទូតជប៉ុន ចាត់ទុកថាជាព្រឹត្តិការណ៍ដ៏សំខាន់ជាប្រវត្តិសាស្ត្រ សម្រាប់ទំនាក់ទំនងជប៉ុន-កម្ពុជា។
សូមរំលឹកថា សម្តេចនាយករដ្ឋមន្រ្តី ហ៊ុន ម៉ាណែត បានប្រកាសស្វាគមន៍នូវបណ្តាប្រទេសជាមិត្តទាំងអស់ចូលចតមូលដ្ឋានរាម ដើម្បីហ្វឹកហ្វឺនរួមគ្នា៕ រក្សាសិទ្ធដោយ៖សុទ្ធលី
