បន្ទាប់ពី ៥០ឆ្នាំ នៃការរំដោះភាគខាងត្បូង និងបង្រួបបង្រួមប្រទេស វៀតណាមបានរីកចម្រើនក្លាយទៅជាប្រទេសមួយដែលមានការអភិវឌ្ឍន៍សេដ្ឋកិច្ចឈានមុខគេនៅក្នុងតំបន់។ ក្នុងដំណើរការអភិវឌ្ឍន៍នោះ ជនជាតិខ្មែរណាមបូនៅភាគខាងត្បូង ក៏ទទួលបានការយកចិត្តទុកដាក់ ពិសេសអនុវត្តគោលនយោបាយវិនិយោគ ផ្តល់អាទិភាពលើការបែងចែកធនធាន ដើម្បីបម្រើដល់ការអភិវឌ្ឍន៍សេដ្ឋកិច្ចសង្គម លើកកម្ពស់ជីវភាព សម្ភារៈ និងស្មារតីរបស់ប្រជាជន។ មកទល់នឹងពេលនេះ តំបន់ជនជាតិខ្មែរនៅភាគខាងត្បូងមានការផ្លាស់ប្តូរយ៉ាងខ្លាំងដោយប្រកាន់យកនូវរូបរាងថ្មី រស់រវើក និងអភិវឌ្ឍយ៉ាងទូលំទូលាយ។
ក្នុងចំណោមខេត្តដែលមានប្រជាជនខ្មែរច្រើន គឺត្រាវិញ មានចំនួនប្រជាជនខ្មែរ ច្រើនជាងគេ ក្នុងប្រទេសវៀតណាម គឺមានប្រជាជនខ្មែរជិត ៣២% ក្នុងចំណោមប្រជាជនខ្មែរនៅតាមបណ្ដាខេត្តមួយចំនួនទៀតក្នុងប្រទេសវៀតណាម។ កាលពីមុនត្រាវិញ ត្រូវបានចាត់ទុកថាជាខេត្តក្រីក្របំផុតមួយនៅតំបន់ដីសណ្តទន្លេមេគង្គ ដែលមានហេដ្ឋារចនាសម្ព័ន្ធក្រីក្រ និងហួសសម័យ ខ្វះផ្លូវតភ្ជាប់រវាងភូមិ និងភូមិ និងមានការលំបាកជាច្រើនក្នុងជីវភាពរស់នៅរបស់ប្រជាជន។ ទោះបីជាយ៉ាងណា ដោយការប្តេជ្ញាចិត្ត និងការខិតខំប្រឹងប្រែងរបស់អាជ្ញាធរ និងប្រជាជនគ្រប់លំដាប់ថ្នាក់ គោលនយោបាយជាតិជាច្រើន ត្រូវបានអនុវត្តស្របគ្នា និងជិតស្និទ្ធនឹងការពិត រូបរាងជនបទបានផ្លាស់ប្តូរ ហើយជីវភាពរស់នៅខាងសម្ភារៈ និងស្មារតីរបស់ប្រជាពលរដ្ឋខ្មែរណាមបូកាន់តែមានភាពប្រសើរឡើង។ គ្រួសារខ្មែរណាមបូក្រីក្ររាប់ម៉ឺនគ្រួសារ បានទទួលជំនួយដីលំនៅឋាន ផ្ទះ ដីផលិតកម្ម កម្ចីអនុគ្រោះ ដើម្បីអភិវឌ្ឍផលិតកម្ម និងបណ្តុះបណ្តាលវិជ្ជាជីវៈ ពីកម្មវិធីគោលដៅជាតិ ស្តីពីការកសាងជនបទថ្មី (កម្មវិធី ១៣៤, ១៣៥) ការកាត់បន្ថយភាពក្រីក្រប្រកបដោយចីរភាព ដែលការអភិវឌ្ឍន៍សេដ្ឋកិច្ចសង្គមនៃតំបន់ជនជាតិខ្មែរណាមបូមានការអភិវឌ្ឍន៍ជាបន្តបន្ទាប់។
អនុវត្តកម្មវិធីគោលដៅជាតិស្តីពីការអភិវឌ្ឍន៍សេដ្ឋកិច្ចសង្គមនៅតំបន់ជនជាតិភាគតិច និងតំបន់ភ្នំសម្រាប់ឆ្នាំ២០២១-២០២៥ ដល់ដំណាច់ឆ្នាំ២០២៤ ត្រាវិញបានកសាងការងារចរាចរណ៍ជនបទជាង ២០០ ដើម្បីបម្រើដល់ផលិតកម្មអាជីវកម្ម និងជីវភាពរស់នៅរបស់ប្រជាជននៅទីនោះ។ គ្រួសារជនជាតិភាគតិចជាង ១.១០០គ្រួសារ ដែលលំបាកខ្លាំង បានទទួលការគាំទ្រផ្ដល់លំនៅឋាន និងដីធ្លីបង្កបង្កើនផល, ហើយគ្រួសារជិត ១.៧០០ទៀត បានទទួលការគាំទ្រសម្រាប់ការបំប្លែងការងារ និងការបណ្តុះបណ្តាលជំនាញកសិកម្ម។
ប្រព័ន្ធចរាចរណ៍ ពីភូមិមួយទៅភូមិមួយ និងពីឃុំមួយទៅឃុំមួយ ត្រូវបានចាក់ផ្លូវបេតុង សម្រាប់ប្រជាពលរដ្ឋធ្វើ ដំណើរ និងការជួញដូរ… ប្រជាជនខ្មែរណាមបូនៅមានលក្ខខណ្ឌប្រសើរជាងមុន សូម្បីតែកូនៗរបស់ពួកគេទៅរៀន ក៏មានផ្លូវធ្វើដំណើរល្អ មានសម្ភារៈយានយន្តជិះ។
ប្រធានគណៈកម្មាធិការប្រជាជនខេត្ត Tra Vinh លោក Le Van Han បានអះអាងថា ប្រជាពលរដ្ឋខ្មែរណាមបូគឺជាមុខសញ្ញាសកម្មក្នុងបុព្វហេតុកសាងមាតុភូមិ, ជាពិសេសក្នុងកម្មវិធីកសាងជនបទថ្មី ប្រជាពលរដ្ឋខ្មែរណាមបូតែងតែគោរពតាមគោលនយោបាយរបស់បក្ស និងច្បាប់របស់រដ្ឋ រួមដៃជាមួយរដ្ឋាភិបាលកសាងជនបទថ្មី កសាងឯកភាពជាតិដ៏អស្ចារ្យ អភិវឌ្ឍន៍សេដ្ឋកិច្ច និងកាត់បន្ថយបានពីភាពក្រីក្រ។
ក្នុងការសាងសង់ជនបទថ្មី ប្រជាជនក្នុងខេត្តទាំងមូល បានរួមវិភាគទានជាង ៧,៦ពាន់លានដុងបរិច្ចាគដីដំណាំជាង ១៦៧.០០០ម៉ែត្រការ៉េ ដើម្បីកសាងការងារចរាចរណ៍ជនបទ សាលារៀន និងមជ្ឈមណ្ឌលសហគមន៍។ សាងសង់ផ្លូវប្រវែងជាង ៤,៨ គីឡូម៉ែត្រ និងស្ពានជនបទចំនួន ២០ ដោយចំណាយថវិកាសរុបជាង ១,៧ពាន់លានដុង , បានដំឡើងអំពូលភ្លើងតាមដងផ្លូវចំនួន ៥៤៩ , បានសាងសង់គំរូសេដ្ឋកិច្ចប្រកបដោយនិរន្តរភាពចំនួន ១២៩ ដែលមានគ្រួសារចូលរួមជាង ១៥០០គ្រួសារ។ ការរួមវិភាគទានដ៏ធំធេងរបស់ប្រជាជនក្នុងខេត្ត បានរួមចំណែកយ៉ាងសំខាន់ក្នុងការជួយខេត្តត្រាវិញបញ្ចប់ភារកិច្ចកសាងជនបទថ្មីដំបូងគេនៅតំបន់ដីសណ្ដទន្លេមេគង្គ។
ចំណែក ខេត្ត Soc Trang មានជនជាតិខ្មែរណាមបូជាង ៣៦ម៉ឺននាក់ រស់នៅទីនោះ (ស្មើនឹងជាង ៣១% នៃចំនួនប្រជាជនក្នុងខេត្ត)។
ដោយសារការយកចិត្តទុកដាក់ និងគោលនយោបាយគាំទ្រពិសេសរបស់បក្ស រដ្ឋ ក្រសួង ស្ថាប័ន និងមូលដ្ឋានជីវភាពរស់នៅរបស់ប្រជាជនខ្មែរក្នុងខេត្ត ក៏បានផ្លាស់ប្តូរយ៉ាងឆាប់រហ័ស កែលម្អឥតឈប់ឈរទាំងសម្ភារៈ និងស្មារតី ធ្វើឱ្យមានការផ្លាស់ប្ដូរជីវភាពរស់នៅកាន់តែប្រសើរ។
ជាធម្មតា ឃុំ Vinh Quoi ទីក្រុង Nga Nam នៃខេត្ត Soc Trang មានការរីកចម្រើនគួរឲ្យកត់សម្គាល់ ការលេចឡើងនៃបដិវត្តន៍ជនបទមានការផ្លាស់ប្តូរជាវិជ្ជមានច្រើន។ នៅឆ្នាំ២០២៥ អត្រាកម្មករ-និយោជិត ដែលមានការងារទៀងទាត់ក្នុងឃុំ នឹងកើនដល់ជាង ៩៨% ទៅ ជាង 99.8% នៃគ្រួសារមានទឹកស្អាតប្រើប្រាស់។ ដោយសារការគាំទ្ររបស់រដ្ឋសម្រាប់លំនៅឋាន និងលទ្ធភាពទទួលបានប្រាក់កម្ចីសេដ្ឋកិច្ចរបស់ប្រជាជនមានភាពប្រសើរឡើង ហើយឃុំបានបញ្ចប់ការកសាងជនបទថ្មីកម្រិតខ្ពស់។
មិនត្រឹមតែនៅទីក្រុង Vinh Quoi ប៉ុណ្ណោះទេ ថែមទាំងនៅតំបន់ជនជាតិខ្មែរជាច្រើនទៀត នៅខេត្ត Soc Trang ដោយសារការវិនិយោគពីកម្មវិធីគោលនយោបាយប្រជាជន និងកម្មវិធីកាត់បន្ថយភាពក្រីក្រ ផ្លូវភក់ និងសាលារៀនដំបូលប្រក់ស្បូវកាលពីអតីតកាល ត្រូវបានជំនួសដោយផ្លូវកៅស៊ូ សាលារៀន ផ្ទះធំទូលាយ និងស្ថានីយ៍ពេទ្យបំពាក់សម្ភារៈសង្គ្រោះយ៉ាងពេញលេញ។ ជាពិសេស កម្មវិធីគោលដៅជាតិ ស្តីពីការអភិវឌ្ឍន៍សេដ្ឋកិច្ចសង្គម សម្រាប់តំបន់ជនជាតិភាគតិច ដំណាក់កាល ២០២១-២០២៥ បានជួយគ្រួសារក្រីក្រជាច្រើន ផ្លាស់ប្តូរជីវភាពរស់នៅ នាំមកនូវក្តីរំភើបរីករាយដល់ប្រជាជនខ្មែរនៅណាមបូ។
យោងតាមលោក Lam Hoang Mau ប្រធានមន្ទីរជនជាតិភាគតិច និងសាសនាខេត្ត Soc Trang បានឲ្យដឹងថា ក្នុងឆ្នាំ ២០២០ – ២០២៥ ខេត្តបានផ្តោតការយកចិត្តទុកដាក់លើការវិនិយោគហេដ្ឋារចនាសម្ព័ន្ធសេដ្ឋកិច្ចសង្គមនៅតំបន់ជនជាតិខ្មែរណាមបូកសាងហេដ្ឋារចនាសម្ព័ន្ធជាង ៤០០កន្លែង ដោយមានទុនសរុបជាង ៣២៧ពាន់លានដុង, ហើយដោយមានការយកចិត្តទុកដាក់ និងគាំទ្ររបស់រដ្ឋបាលខេត្ត Soc Trang សម្រេចបាននូវការផ្លាស់ប្តូរជាវិជ្ជមាន នៃជីវភាពសេដ្ឋកិច្ច និងសង្គមរបស់ប្រជាជនខ្មែរណាមបូមានការអភិវឌ្ឍន៍កាន់តែខ្លាំង ចំនួនគ្រួសារខ្មែរក្រីក្រមានការថយចុះ ហើយហេដ្ឋារចនាសម្ព័ន្ធកំពុងត្រូវបានវិនិយោគ និងបញ្ចប់។
ថ្នាក់ដឹកនាំខេត្ត Soc Trang ក៏បានអះអាងដែរថា ខេត្តនឹងបន្តយកចិត្តទុកដាក់ជាពិសេសក្នុងការអភិវឌ្ឍន៍ហេដ្ឋារចនាសម្ព័ន្ធ និងស្ថាប័នវប្បធម៌ នៅតំបន់ជនជាតិភាគតិច ផ្តោតលើការអភិវឌ្ឍន៍សេដ្ឋកិច្ចសង្គម និងចម្លងគំរូកាត់បន្ថយភាពក្រីក្រប្រកបដោយប្រសិទ្ធភាព, ដល់ដំណាច់ខែមិថុនា ឆ្នាំ២០២៥ ខេត្តខិតខំបញ្ចប់ការលុបផ្ទះបណ្តោះអាសន្ន និងផ្ទះខូចគុណភាព ដែលក្នុងនោះជាង ៥០% ជាគ្រួសារខ្មែរណាមបូ។
ខេត្ត Bac Lieu ក៏មានគ្រួសារខ្មែរណាមបូជាង ១៧,០០០ (ស្មើនឹង 7.6% នៃចំនួនប្រជាជននៅក្នុងខេត្តនេះ)។
ដោយមានគោលនយោបាយអភិវឌ្ឍន៍សេដ្ឋកិច្ចសង្គមសម្រាប់ជនជាតិភាគតិច ប្រជាជនខ្មែរក្នុងខេត្ត ដែលពោរពេញដោយទំនុកចិត្តលើអនាគតដ៏រុងរឿង បន្តរួបរួមជាមួយជនជាតិដទៃ ដើម្បីកសាងមាតុភូមិឱ្យកាន់តែរីកចម្រើនទៅមុខ។
ប្រធានគណៈកម្មាធិការប្រជាជនខេត្ត Bac Lieu លោក Pham Van Thieu បានឲ្យដឹងថា ស្ថានភាពសេដ្ឋកិច្ចសង្គមរបស់ខេត្តនិយាយរួម និងតំបន់ជនជាតិភាគតិច មានការអភិវឌ្ឍន៍ជាក់លាក់។ ការអនុវត្តគោលនយោបាយជនជាតិ និងចលនាត្រាប់តាមដែលជាប់ទាក់ទងជាមួយការអភិវឌ្ឍន៍សេដ្ឋកិច្ចសង្គមនៅតំបន់ជនជាតិភាគតិចប្រកបដោយប្រសិទ្ធភាព ជីវភាពខាងសម្ភារៈ និងស្មារតីរបស់ប្រជាជន កាន់តែមានភាពប្រសើរឡើង រូបរាងភូមិ និងភូមិ ជាពិសេសនៅតំបន់ដាច់ស្រយាល កំពុងផ្លាស់ប្តូរជាវិជ្ជមាន។
ជារៀងរាល់ឆ្នាំ ខេត្ត Bac Lieu ផ្តល់អាទិភាពដល់ធនធានវិនិយោគ ដើម្បីអភិវឌ្ឍមធ្យោបាយធ្វើដំណើរ ហេដ្ឋារចនាសម្ព័ន្ធ កាត់បន្ថយភាពក្រីក្រ ដោះស្រាយសន្តិសុខសង្គម អភិរក្ស និងលើកតម្កើងអត្តសញ្ញាណវប្បធម៌ ប្រពៃណី របស់ប្រជាជនខ្មែរណាមបូ។ ក្នុងដំណាក់កាល ២០២១ – ២០២៤ ខេត្តបានបែងចែកថវិកាចំនួន ១៦០ពាន់លានដុង ដើម្បីអនុវត្តកម្មវិធីគោលដៅជាតិ ស្តីពី ការកាត់បន្ថយភាពក្រីក្រប្រកបដោយនិរន្តរភាព ជួយអោយប្រាក់ចំណូលជាមធ្យមក្នុងមនុស្សម្នាក់របស់គ្រួសារខ្មែរធ្វើស្រែកើនឡើង ២០% បើធៀបនឹងឆ្នាំ២០២១ ។ រហូតមកដល់បច្ចុប្បន្ន ឃុំចំនួន ១៣/១៤ នៅតំបន់ជនជាតិភាគតិច បានបញ្ចប់លក្ខណៈវិនិច្ឆ័យ និងត្រូវបានទទួលស្គាល់ថា បំពេញតាមស្តង់ដារជនបទថ្មី រួមជាមួយនឹងសង្កាត់ និងទីប្រជុំជនដែលបំពេញតាមស្តង់ដារអរិយធម៌ទីក្រុង។ គ្រួសារខ្មែរណាមបូជាច្រើនបានបរិច្ចាគដីសាងសង់ផ្លូវធំទូលាយ បង្កើតលក្ខខណ្ឌអំណោយផលសម្រាប់ការធ្វើដំណើរ ការអប់រំ និងពាណិជ្ជកម្ម។
ទន្ទឹមនឹងសមិទ្ធិផលដ៏អស្ចារ្យដែលវៀតណាមសម្រេចបានបន្ទាប់ពី ៥០ឆ្នាំនៃការបង្រួបបង្រួមជាតិឡើងវិញនេះ តំបន់ដែលមានប្រជាជនខ្មែរ រស់នៅភាគខាងត្បូង ក៏មានការអភិវឌ្ឍន៍គួរឲ្យកត់សម្គាល់ និងទូលំទូលាយផងដែរ, ជីវភាព ខាងសម្ភារៈ និងស្មារតី របស់ប្រជាពលរដ្ឋខ្មែរណាមបូកាន់តែប្រសើរឡើង ហើយ ភូមិ និង ភូមិ ដែលពីមុនក្រីក្រ បានផ្លាស់ប្តូរ រូបរាងថ្មី មានការអភិវឌ្ឍន៍ទាំងហេដ្ឋារចនាសម្ព័ន្ធ និងសេដ្ឋកិច្ចគ្រួសារ។ ការផ្លាស់ប្តូរជាវិជ្ជមានទាំងនេះ គឺជាភស្តុតាងយ៉ាងច្បាស់លាស់ក្នុងការអនុវត្តគោលនយោបាយ និងគោលការណ៍ណែនាំជនជាតិរបស់បក្ស និងរដ្ឋវៀតណាម ជួយលើកកម្ពស់ស្មារតីសាមគ្គីភាព ភាពជឿជាក់លើខ្លួនឯង និងការកែលម្អខ្លួនឯងរបស់ប្រជាជនខ្មែរណាមបូរួមចំណែកនាំវៀតណាមទៅកាន់យុគសម័យអភិវឌ្ឍន៍ថ្មី យុគសម័យទ្រព្យសម្បត្តិ និងវិបុលភាព៕