ខេត្តបាត់ដំបង ៖ នៅល្ងាចថ្ងៃទី១៣ ខែកក្កដា ឆ្នាំ២០២៥ នៅភូមិរស្មីសង្ហារ ឃុំរស្មីសង្ហារ ស្រុករតនមណ្ឌល ខេត្តបាត់ដំបង មានករណីផ្ទុះគ្រាប់មីនតោនសំណល់សង្គ្រាម បណ្តាលឱ្យអ្នកបេីកបរត្រាក់ទ័រលោក ផុន សុភី ដាច់ជេីងម្ខាងនិងបានស្លាប់នៅមន្ទីរពេទ្យខេត្តបាត់ដំបង និងខូចខាតត្រាក់ទ័រភ្ជួរដីទាំងស្រុង។
គ្រោះថ្នាក់ផ្ទុះគ្រាប់មីនតោននេះកេីតឡេីង នៅពេលរូបលោក ផុន សុភី គាត់កំពុងតែភ្ជួរដីចម្ការរបស់គាត់ ។ លោកហេង រតនា អគ្គនាយកស៊ីម៉ាក់ បានថ្លែងសារយ៉ាងដូច្នេះថា “ខ្ញុំចូលរួមរំលែកទុក្ខដ៍ក្រៀមក្រំជាមួយគ្រួសារសព និងសូមវិញ្ញាណខន្តសពបានទៅកាន់ទីឋានបរមសុខកុំបីឃ្លៀងឃ្លាតឡេីយ! “៕ រក្សាសិទ្ធដោយ : សុទ្ធលី
