ជាងចម្លាក់ម្នាក់នៅប្រទេសវៀតណាមឈ្មោះTrần Quốc Việt រស់នៅទីក្រុងកឹងថឺ បានបែកគំនិតចម្លាក់រូបព្រះ អ្នកតាម្ចាស់ទ្រព្យ ឆ្លាក់នៅលើដើមឈើដែលមានជីវិត។
លោក Việt បានរំលឹកប្រាប់ថា មុននេះលោកបានសាកល្បងចម្លាក់លើដើមឈើដែលបានងាប់ តែវាពុំស្អាតសោះ ។ម្ដងនោះអ្នកជិតខាងមានបំណងកាប់ដើមស្ពឺមួយដើមចោល គាត់ក៏សុំយកមកដាំ។ ផ្ដើមពីនោះមកគាត់មានគំនិតធ្វើការចម្លាក់សាកល្បងលើដើមឈើរស់។
តាមរយៈទេពកោសល្យប៉ិនប្រសប់និងហ្មត់ចត់ លោកបានឆ្លាក់រូបព្រះ ទេវតាទ្រព្យលើដើមឈើមានជីវិត ហើយសង្កេតឃើញវាពិតជារស់រវើក
គាត់បង្ហើបប្រាប់ថា ដើម្បីបានផលិផលចម្លាក់ដែលរស់រវើកទាំងនេះ គឺត្រូវជ្រើសរើសរុក្ខជាតិចំណាស់លើសពី១០ឆ្នាំ ។ បន្ទាប់ពីយកដើមឈើនេះមកត្រៀមចម្លាក់ ត្រូវថែទាំឱ្យមានសុខភាពមាំមួន រួចទើបដំណើរការឆ្លាក់បន្ដិចម្តងៗ ។ពេលឆ្លាក់រួចត្រូវប្រើគីមីដើម្បីសម្លាប់សរសៃរុក្ខជាតិត្រង់កន្លែងរូបចម្លាក់ទាំងនោះដើម្បីកុំឱ្យវាប្រែប្រួលតាមការលូតលាស់របស់រុក្ខជាតិនោះ ហើយនេះគឺជាដំណាក់កាលដ៏សំខាន់ត្រូវធ្វើយ៉ាងប្រយ័ត្នប្រយែង ព្រោះវាកំណត់លើគុណភាពលើផលិតផល។
ក្រោយពេលឆ្លាក់រួច រូបចម្លាក់នឹងត្រូវបានបាញ់គ្របដោយកាវ រួចប្រើថ្នាំពណ៌ពិសេសធ្វើឱ្យស្រទាប់ឈើផ្សារភ្ជិតគ្នា។ក្នុងដំណើការនោះរុក្ខជាតិមានការលូតលាស់ធម្មតា រូបចម្លាក់របស់លោកបច្ចុប្បន្នលក់បានតម្លៃខ្ទង់រយដុល្លារ ដល់ខ្ទង់ពាន់ដុល្លារឯណោះ។
នេះគ្រាន់តែជារបរមួយប្លែករកចំណូលបានច្រើនចែករំលែកព័ត៌មានជូនដល់ប្រិយមិត្តដែលចាប់អារម្មណ៍៕
លីសា