ឆ្នាំជូត ៖ ការងារ ល្អបំផុត នាំមកឲ្យអ្នកឆ្នាំជូតនូវប្រភពចំណូលស្ថិរភាព ។ លុយកាក់ មានបន្ថែមខ្ទង់ចំណូលច្រើន តែក៏មានថែមខ្ទង់ត្រូវចំណាយ ។ មនោសញ្ចេតនា គួរលៃទុកពេលវេលាឲ្យបានច្រើនសម្រាប់គូជីវិតរបស់អ្នក ។
ឆ្នាំឆ្លូវ ៖ ការងារ ជួបសម្ពាធច្រើនក្នុងការងារ ។ លុយកាក់ ត្រូវប្រយ័ត្នប្រយែងពេលបញ្ចេញប្រាក់វិនិយោគ ។ មនោសញ្ចេតនា ជនទី៣ ចង់បំផ្លាញរឿងមនោសញ្ចេតនារបស់អ្នក ។
ឆ្នាំខាល ៖ ការងារ សម្រេចបានស្នាដៃឆ្នើម ត្រូវបានថ្នាក់លើវាយតម្លៃខ្ពស់ ។ លុយកាក់ ជាថ្ងៃអំណោយផលល្អសម្រាប់ការធ្វើជំនួញជួញដូរ ។ មនោសញ្ចេតនា គួរថែរក្សាចំណងស្នេហ៍កុំឲ្យមានភាពប្រេះឆា ។
ឆ្នាំថោះ ៖ ការងារ គួរមានការពិគ្រោះពិភាក្សាជាមួយអ្នករួមការងារ ដើម្បីសម្រេចកិច្ចការបានល្អ ។ លុយកាក់ លេចឱកាសរកលាភរកចំណេញច្រើន ។ មនោសញ្ចេតនា ប្រយ័ត្នពាក្យសម្តីក្រែងកើតជាទំនាស់ធំដុំ ។
ឆ្នាំរោង ៖ ការងារ ត្រូវសង្វាតរៀនសូត្របន្ថែមចំណេះដឹងទើបមានឱកាសឈានឡើងខ្ពស់ក្នុងការងារ ។ លុយកាក់ ទុកដាក់កាបូបប្រាក់ឲ្យមធ្យ័តបញ្ចៀសត្រូវបាត់បង់ដោយចោរលួច ។ មនោសញ្ចេតនា គួរមានការផ្លាស់ប្តូរយោបល់គ្នាត្រង់ៗ ក្នុងមនោសញ្ចេតនា ។
ឆ្នាំម្សាញ់ ៖ ការងារ ត្រូវធ្វើឲ្យបានល្អក្នុងការងារបច្ចុប្បន្នរបស់ខ្លួនកុំធ្វេសប្រហែល ព្រោះមានអ្នកចាំជាន់ពន្លិចអ្នក ។ លុយកាក់ ទាល់តែប្រឹងប្រែងជាងមុន ទើបប្រភពចំណូលកើនឡើង ។ មនោសញ្ចេតនា ល្អប្រសើរ ។
ឆ្នាំមមី ៖ ការងារ គួរបង្កើតទំនាក់ទំនងល្អជាមួយអ្នករួមការងារ ។ លុយកាក់ ត្រូវនឹងនរពេលដោះស្រាយបញ្ហាពាក់ព័ន្ធដល់លុយកាក់ ។ មនោសញ្ចេតនា កើតមានទំនាស់ ឈ្លោះប្រកែកគ្នា ។
ឆ្នាំមមែ ៖ ការងារ មានអ្នកជួយយកអាសាក្នុងការងារ ហេតុនេះគ្រប់យ៉ាងរីកចម្រើនយ៉ាងលឿន ។ លុយកាក់ មិត្តភក្តិនាំមកឲ្យនូវឱកាសរកចំណូលច្រើន ។ មនោសញ្ចេតនា ជាថ្ងៃដ៏ប្រសើរសម្រាប់ការសារភាពស្នេហ៍ ។
ឆ្នាំវក ៖ ការងារ ត្រូវបានថ្នាក់លើពេញចិត្ត និងជួយជ្រោមជ្រែង ។ លុយកាក់ អាចបញ្ចេញទុនវិនិយោគ នឹងទទួលជោគជ័យធំ ។ មនោសញ្ចេតនា គួរនិយាយស្តីទន់ភ្លន់ ផ្អែមល្ហែមចំពោះគូស្នេហ៍ទោះបីមានរឿងមិនសប្បាយចិត្តនឹងគ្នាក៏ដោយ ។
ឆ្នាំរកា ៖ ការងារ អំណោយផលល្អ គ្រប់យ៉ាងដំណើរការដោយរលូន ។ លុយកាក់ រីកចម្រើនខ្ទង់វិនិយោគតូចនាំមកនូវប្រាក់ចំណេញធំ ។ មនោសញ្ចេតនា កុំដោយសារជឿជាក់លើខ្លួនឯងជ្រុលបណ្តាលឲ្យបាត់ឱកាសក្នុងរឿងមនោសញ្ចេតនា ។
ឆ្នាំចរ ៖ ការងារ មានឱកាសរកបានដៃគូរកស៊ី ពង្រីកវិស័យជំនួញ ។ លុយកាក់ ល្អប្រសើរ មានអ្នកជួយក្នុងការគ្រប់គ្រងហិរញ្ញវត្ថុ ។ មនោសញ្ចេតនា គួរផ្តល់ឲ្យគូស្នេហ៍នូវភាពរីករាយស្មានពុំដល់ ឬក៏កាដូដ៏ពេញចិត្ត ។
ឆ្នាំកុរ ៖ ការងារ ចំណាយកម្លាំងកាយច្រើន តែលទ្ធផលទទួលបានបែរជាតិចតួច ។ លុយកាក់ ជួបសំណាងល្អបន្តិចអំពីលុយកាក់ ។ មនោសញ្ចេតនា ផ្អែមល្ហែម សុភមង្គល ៕