ភ្នំពេញ ៖ សេចក្តីប្រកាសព័ត៌មាន ស្ដីពីការលទ្ធផលនៃការធ្វើកោសល្យវិច័យ ការរប្រកាស លទ្ធផលថ្មី សម្រាប់ថ្នាក់វិទ្យាសាស្ត្រ នៅថ្ងៃស្អែក ទី១៤ ខែកញ្ញា ឆ្នាំ ២០១៨ តាមរយៈទំព័រហ្វេកប៊ុកផ្លូវការរបស់ក្រសួងអប់រំ យុវជន និងកីឡា និងថ្ងៃទី១៥ ខែកញ្ញា ឆ្នាំ២០១៨ នៅតាមមន្ទីរអប់រំ យុវជន និងកីឡា។
នារសៀលថ្ងៃទី១២ ខែកញ្ញា ឆ្នាំ២០១៨ គណៈកម្មការកោសល្យវិច័យក្រសួងអប់រំ យុវជន និងកីឡា បានកំពុងពិនិត្យ ករណីតវ៉ារបស់បេក្ខជនដែលមិនពេញចិត្តនឹងលទ្ធផលប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ២០ សីហា ២០១៨ ដោយស្មារតីទទួលខុសត្រូវខ្ពស់ ដើម្បីធានាបានថា ការប្រឡងដំណើរការទៅដោយគោរពតាមគោលការណ៍ច្បាប់ យុត្តិធម៌ តម្លាភាព និងលទ្ធផលអាចទទួលយកបាន។
គណៈគម្មការកោលវិសល្បវិច័យ បានរកឃើញថា ដំណើការបូកស្រង់ពិន្ទុតាមប្រព័ន្ធកុំព្យូទ័រ មានបញ្ហាបច្ចេក ទេសដែលបានប៉ះពាល់ដល់ពិន្ទុវិញ្ញាសាគណិតវិទ្យារបស់ថ្នាក់វិទ្យាសាស្ត្រ ក្នុងមណ្ឌលមួយចំនួន ដោយសារកម្មវិធីកុំព្យូទ័រ មិនបានបូកស្រង់ពិន្ទុមុខវិជ្ជាគណិតវិទ្យារបស់បេក្ខជនចំនួន ៧៤០ បន្ទប់។ បន្ទាប់ពីដោះស្រាយបញ្ហាបច្ចេកទេសរួច លទ្ធផលនៃការប្រឡងមានដូចតទៅ ៖ បេក្ខជនជាប់សរុប ៧៦.០៣៤នាក់ ត្រូវជា ៦៧,០៧ភាគរយ។ បេក្ខជនជាប់និទ្ទេស A មានចំនួន ៤០៨នាក់ និទ្ទេស B ចំនួន២.២២២នាក់ និទ្ទេស C ចំនួន ៦.០៥១នាក់ និទ្ទេស D ចំនួន ១៥.១៨០នាក់ និងនិទ្ទេសE ចំនួន៥២.១៨៣នាក់។ ក្រសួងអប់រំ នឹងចេញលទ្ធផលប្រឡងថ្មី សម្រាប់ថ្នាក់វិទ្យាសាស្ត្រ នៅថ្ងៃទី១៤ ខែកញ្ញា ឆ្នាំ២០១៨ លើទំព័រហ្វេសប៊ុកនៃក្រសួង និងនៅថ្ងៃទី១៥ ខែកញ្ញាឆ្នាំ២០១៨ នៅតាមមន្ទីរអប់រំយុវជននិងកីឡា៕ ដោយ ៖ កូឡាប
