ភ្នំពេញ ៖ «ប្រទេសបារាំង ស្វាគមន៍ចំពោះវឌ្ឍនភាពដែលសម្រេចបានក្នុងកិច្ចប្រជុំគណៈកម្មាធិការព្រំដែនទូទៅកម្ពុជា-ថៃ ថ្ងៃទី១០ ខែកញ្ញា ឆ្នាំ២០២៥ ព្រមទាំងជំរុញឱ្យភាគីទាំងពីរបន្តកិច្ចសន្ទនា និងកិច្ចសហប្រតិបត្តិការ ក្នុងការគោរពបទឈប់បាញ់។
ប្រទេសបារាំង ស្វាគមន៍ជាពិសេសចំពោះការសម្រេចចិត្តរបស់ភាគីទាំងពីរក្នុងការធ្វើការរួមគ្នា ដើម្បីដោះមីននៅតាមបណ្តោយព្រំដែន។
ប្រទេសបារាំង បញ្ជាក់សាជាថ្មីនូវការគាំទ្រយ៉ាងពេញលេញ ចំពោះប្រទេសម៉ាឡេស៊ី ក្នុងនាមជាប្រធានអាស៊ាន ក្នុងកិច្ចខិតខំប្រឹងប្រែងនានាដើម្បីលើកកម្ពស់ស្ថិរភាពនៅក្នុងតំបន់។» នេះបើតាមសេចក្តីប្រកាសព័ត៌មានរបស់ក្រសួងអឺរ៉ុប និងការបរទេសនៃសាធារណរដ្ឋបារាំងថ្ងៃទី១៥ ខែកញ្ញា ឆ្នាំ២០២៥៕ រក្សាសិទ្ធដោយ៖សុទ្ធលី
