Toyota Prius គឺជាប្រភទរថយន្ដលក់ដាច់បំផុតពិភពលោកនាពេលបច្ចុប្បន្ននេះ។ថ្វីត្បិតមានគូប្រជែងជាច្រើនក្ដី ប៉ុន្តែពុំទាន់មានក្រុមហ៊ុនណាមួយទទួលបានជោគជ័យទេ។
តាម Automotive News, Toyota ពិតជាកំពុងក្តោបក្ដាប់នូវបច្ចេកវិជ្ជាជាច្រើនទាក់ទងដល់បច្ចេកវិជ្ជា hybrid ហើយពេលនេះពួកគេអាចផ្ទេរបច្ចេកវិជ្ជានោះដល់ក្រុមហ៊ុនចិន ដើម្បីប្តូរយកចំណែកទីផ្សារនៅប្រទេសនេះ។
ប្រភពច្បាស់ការណ៍មួយចំនួនប្រាប់ Bloombergថា មន្ត្រីចិនបានសំណូមពរឱ្យToyotaចែករំលែកបច្ចេកវិជ្ជាhybrid ដល់ក្រុមហ៊ុនរថយន្តប្រទេសនេះដើម្បីពួកគេអាចឆ្លើយតបបានអំពីស្តង់ដារដ៏តឹងតែងអំពីកាកសំណល់ឧស្ម័ន។
Toyota បានសម្លឹងឃើញថាជាឱកាសល្អមួយរបស់ខ្លួនសម្រាប់បើកទូលាយឥទ្ធិពលនៅទីផ្សារចិន ហេតុនេះពួកគេកំពុងចរចា នឹងអាចប្រគល់អាជ្ញាប័ណ្ណបច្ចេកវិជ្ជាទៅក្រុមហ៊ុន Geely។
បញ្ហាឧស្ម័នពុលគឺជាចំណោទដ៏ធំចំពោះរដ្ឋាភិបាលចិន។ជាយុទ្ធសាស្ត្រ ពួកគេចង់ប្តូរទៅប្រើប្រាស់រថយន្តអគ្គិសនី ប៉ុន្ដែវាជាគោលដៅមួយទាមទារពេលវេលាវែង ហេតុនេះជាយុទ្ធវិធីចំពោះមុខ ប្រទេសចិនអាទិភាពអភិវឌ្ឍន៍បច្ចេកវិជ្ជា hybrid ។
ក្រុមហ៊ុនToyota បច្ចុប្បន្នលក់រយន្តបាន១លាន៣សែនគ្រឿងនៅចិន ក្នុងនោះប្រមាណ១០ភាគរយជារថយន្តhybrid ។ក្រុមហ៊ុនToyota ចង់បង្កើនសមាមាត្រនេះឱ្យបាន៣០ភាគរយនៅឆ្នាំ២០២០។
ក្រៅពីក្រុមហ៊ុនGeely, Toyota នូវបានទំនាក់ទំនងជាមួយក្រុមហ៊ុនចិនផ្សេងទៀត។អ្នកជំនាញការសេដ្ឋកិច្ចលើកឡើងថា ការចែករំលែកបច្ចេកវិជ្ជា hybrid ជាមួយចិន វាជាកាំបិតមុខពីរ៖ ហានិភ័យសម្រាប់ក្រុមហ៊ុនToyotaក្នុងរយៈពេលវែង តែចំពោះមុខក្រុមហ៊ុននេះអាចទទួលបានប្រយោជន៍កប់ក្តោងក្នុងរយៈពេលមួយខ្លី៕
សូយន
