ការប្រកួតហូបម្ទេស ត្រូវបានគេប្រារព្ធធ្វើឡើងជារឿងរាលឆ្នាំនៅក្នុងប្រទេសអង់គ្លេស។ ការប្រកួតនោះ ត្រូវបានរៀបចំឡើងដោយ Clifton Chilli Club ដែលជាក្លឹបម្ទេសធំជាងគេបំផុត នៅក្នុងប្រទេសអង់គ្លេស។
ក្នុងការប្រកួតនោះ តម្រូវឲ្យបេក្ខជនទាំងអស់ហូបម្ទេសតាមដំណាក់កាល ដោយនៅជុំដំបូងៗ បេក្ខជនហូបម្ទេសដែលមានកម្រិតជាតិហឹរទាប ហើយកម្រិតហឹររបស់វានៅចេះតែកើនឡើងខ្ពស់ទៅៗទៅតាមជុំបន្ទាប់។
បើតាមវីដេអូ យើងឃើញថា មានបេក្ខនារីម្នាក់បានធ្វើការបោះបង់ចោលការប្រកួតនៅជុំទី ៦ ដោយសារតែមិនអាចទ្រាំបាននឹងកម្រិតហឹររបស់ម្ទេស ហើយនៅជុំបន្ទាប់ៗទៀត ក៏ចេះតែមានបេក្ខជន និងបេក្ខនារី បោះបង់ចោលការប្រកួតជាបន្តបន្ទាប់ទៀត។
នៅជុំទី ១៥ យើងឃើញអ្នកមាននៅសល់តែបេក្ខនារីចំនួន ២នាក់ប៉ុណ្ណោះដែលអាចទ្រាំបាននឹងកម្រិតកម្តៅរបស់ម្ទេស ហើយទីបំផុតនៅជុំទី ១៦ ស្ត្រីម្នាក់ក៏បានបោះបង់ចោលការប្រកួតទៀត ហើយអ្នកឈ្នះក្នុងការប្រកួតនោះគឺជាស្ត្រីម្នាក់ដែលមានវ័យប្រហែល ៣០ឆ្នាំ។
ចំពោះការប្រកួតនេះ ដែលត្រូវបានបង្ហោះនៅក្នុងបណ្តាញសង្គម អ្នកមានប្រើប្រាស់អ៊ឺនធឺណេត បានធ្វើការបញ្ជេញមតិ ដោយអ្នកខ្លះ បានលើកឡើងថា តើមានអ្វីកើតឡើងចំពោះក្រពះពួកគេនៅថ្ងៃបន្ទាប់?
អ្នកខ្លះ បានសួរដូច្នេះថា តើមានអ្វីកើតឡើងនៅពេលពួកគេបត់ជើងធំ? ចំណែកអ្នកខ្លះ បាននិយាយថា តើហេតុអ្វីពួកគេអាចហូបវាបានច្រើនម្លេះ បើខ្ញុំគ្រាន់តែជាអ្នកមើលសោះ ក៏មានអារម្មណ៍ពិបាកទៅហើយ?
ប្រភព៖ NTD