ភ្នំភ្លើង Agung នៅបាលី ឥណ្ឌូណេស៊ី អាចភ្ញាក់ពីដំណេកមុនការរំពឹងទុក ហើយកំអែររបស់វាអាចបណ្តាលឲ្យផែនដីឈានចូលយុគទឹកកក Mini ។
តាម Daily Star លើកចុងក្រោយដែលភ្នំភ្លើងនេះផ្ទុះនៅឆ្នាំ ១៩៦៣ ។ មនុស្សជាង ១.៦០០នាក់ បានស្លាប់ ភូមិ-ឃុំ រាប់រយត្រូវបានបំផ្លាញ ហើយមនុស្សរាប់ម៉ឺននាក់ត្រូវបានជម្លៀសចេញ។ ភ្នំភ្លើង Agung ពេលនោះបានផ្ទុះកំអែរចេញបង្កើតបានជាចំហេះខ្មៅ ដ៏ធំសម្បើម នៅអំឡុងជាច្រើនថ្ងៃ។ ពេលនោះ វាបានបន្ថយសីតុណ្ហភាពផែនដី ១ដឺក្រេC ប្រសិនបើការភ្ញាក់ពីដំណេក ក្រោយអំឡុងពេលជាង ៥០ឆ្នាំ ភ្នំភ្លើងឥណ្ឌូណេស៊ីមួយនេះ មានលទ្ធភាពច្រើន នឹងបង្កឡើងជាកម្សួលផ្សែងខ្មៅបាំងជិតតំបន់ដ៏ធំមួយ ហើយក៏ធ្វើឲ្យសីតុណ្ហភាពធ្លាក់ចុះក្នុងកម្រិតប្រហាក់ប្រហែលគ្នា។ បាតុភូតត្រជាក់ជាងមុនបែបនេះអាចឥទ្ធិពលដល់ពិភពលោកទាំងមូល អ្នកជំនាញការស្រាវជ្រាវគ្រោះមហន្តរាយធម្មជាតិ Simon Day មកពីប្រទេសអង់គ្លេស ទីក្រុងឡុង បង្ហាញថា ភ្នំភ្លើងនេះកំពុងបង្ហាញលទ្ធភាពផ្ទុះមួយយ៉ាងខ្លាំងក្លាបំផុត។
ឆ្លើយតបជាមួយ Daily Star លោក Simon Day និយយាថា ការផ្ទុះនៅឆ្នាំ១៩៦៣ បានរំដោះបរិមាណឧស្ម័ន sulphur dioxide (SO2) យ៉ាងច្រើនមួយ។
SO2 ប្រតិកម្មជាមួយចំហាយទឹកក្នុងបរិយាកាសបង្កើតជាអាស៊ីត sulphur ។ មានអាស៊ីត sulphur ប្រមាណ១០លានតោន នឹងពូនផ្តុំនៅលំហកណ្តាល ហើយវាដើរតួនាទីប្រៀបដូចជារបាំងកាត់បន្ថយកាំរស្មីពណ៌ស្វាយ ដែលបញ្ចាំងចុះមកលើផែនដី។ បាតុភូតនេះធ្វើឲ្យផែនដីត្រជាក់ជាងមុន។
តាមបណ្តាអ្នកជំនាញការដើម្បីបង្កើតបានបរិមាណ SO2 យ៉ាងធំធេង សាយភាយទូទាំងពិភពលោកបាន នោះភ្នំភ្លើង Agung ត្រូវបង្កើតបាននូវករណីផ្ទុះយ៉ាងខ្លាំងក្លាមួយ។ ពេលនេះ កម្រិតប្រកាសអាសន្ននៅតំបន់ភ្នំភ្លើង Agung បានតំឡើងពីកម្រិត៣ មកកម្រិត៤ (ការប្រកាសអាសន្នក្រហម) នៅព្រឹកថ្ងៃទី ២៧/១១។
តាមការប៉ាន់ស្មានមនុស្សប្រមាណ ១០០.០០០ នាក់ ស្ថិតក្នុងវិជ្ជមាត្រ ១០គីឡូម៉ែត្រ ជុំវិញភ្នំភ្លើងនេះត្រូវជម្លៀសចេញ អ្នកនាំពាក្យនៃស្ថាប័នកាត់បន្ថយគ្រោះមហន្តរាយជាតិឥណ្ឌូ (BNPB) ឲ្យដឹងថា ភ្នំភ្លើង Agung មានកម្សួល ធូលីផេះផង់ ខ្ពស់ដល់ទៅដល់៤គីឡូម៉ែត្រ ប្រៀបជាមួយមាត់ភ្នំភ្លើង។ ពលរដ្ឋដែលស្ថិតនៅចម្ងាយ ១២គីឡូម៉ែត្រ ក៏អាចឮសូរស្នូរផ្ទុះក៏អាចសំឡឹងឃើញពន្លឺភ្លើង ។ កន្លងមកជើងហោះហើរប្រមាណជាង ៤០០ ត្រូវបានពន្យារពេល ព្រោះបារម្ភពីសុវត្ថិភាពរបស់អ្នកដំណើរ៕ ដោយ ៖ ចន្ទ្រា
