ភ្នំពេញ ៖ កាលពីថ្ងៃទី១៧ ខែតុលា ឆ្នាំ២០២៥ អង្គភាពការពារកុមារ (CPU) បានទទួលដំណឹងអំពីករណីទារិការស្លាប់ដោយមានការសង្ស័យ។ ក្នុងកិច្ចសហប្រតិបត្តិការជាមួយ នាយកដ្ឋាននគរបាលបច្ចេកទេសនិងវិទ្យាសាស្រ្ត នៃអគ្គស្នងការដ្ឋាននគរបាលជាតិ អង្គភាពការពារកុមារ (CPU) បានចុះទៅកន្លែងកើតហេតុ ដើម្បីផ្តល់ជាជំនួយដល់ស្នងការដ្ឋាននគរបាលរាជធានីភ្នំពេញ ក្នុងដំណើរការស៊ើបអង្កេត និងការពិនិត្យកោសល្យវិច័យទៅលើសាកសព និងកន្លែងកើតហេតុ។
ជាលទ្ធផលនៃការពិនិត្យក្រុមការងារបានបានកំណត់មូលហេតុនៃការស្លាប់ រួមជាមួយស្ថានភាពសង្ស័យជុំវិញការស្លាប់របស់ទារិការនេះ។
ក្រុមការងារបានបំភ្លឺសាក្សីជាច្រើននាក់។ ចម្លើយបំភ្លឺ បូករួមជាមួយភស្តុតាងដែលមាននៅកន្លែងកើតហេតុ និងនៅលើសាកសព នាំអោយក្រុមការងារសម្រេចឃាត់ខ្លួនស្ត្រីម្នាក់អាយុ ៣៣ឆ្នាំ ដើម្បីធ្វើបន្តទៅតាមនីតិវិធី។ រក្សាសិទ្ធដោយ៖សុទ្ធលី
