បុរសម្នាក់នៅរដ្ឋ Alabama អាមេរិក បានក្លាយជាអ្នកមាន “ចៃដន្យ” ក្រោយពេលរើរុះរៀបចំផ្ទះ ដែលជីតាបន្សល់ទុក ។ គាត់បានប្រទះឃើញរថយន្តកញ្ចាស់១ ហ៊ុមព័ទ្ធដោយធូលីនៅក្នុងជង្រុកស្រូវ ។
ក្រោយពេល ពិនិត្យមើលម៉ត់ចត់ទៅវាជារថយន្ត “បុរាណ” ម៉ាក Dodge Charger Day ផលិតឆ្នាំ ១៩៦៩ ។
រថយន្ត “បុរាណ” ដ៏កញ្ចាស់ផលិតឆ្នាំ ១៩៦៩ ត្រូវកប់ចោលក្នុងឃ្លាំងស្រូវរាប់សិបឆ្នាំមកហើយ ។
នេះជាប្រភេទរថយន្ត ដែលផលិតប្រមាណ ៥០០គ្រឿង នាជំនាន់នោះប៉ុណ្ណោះ ទោះបីខាងក្នុងរបស់វាត្រូវច្រេះស៊ី តែសម្បកក្រៅពុំសូវខូចខាតធ្ងន់ធ្ងរទេ ។ នាឡិការបង្ហាញថា រថយន្តទើបបើកបាន២០.៥៥៣ ម៉ាយប៉ុណ្ណោះ ។
ខាងក្នុងខូចខាតធ្ងន់ជាងខាងក្រៅ ។
ព្រោះគ្មានលុយជួសជុលតុបតែឡើងវិញ យុវជននោះក៏យកទៅលក់បាន 180.000 ដុល្លារ ដែលធម្មតាប្រសិនបើមានថវិការរៀបចំសំអាតឡើងវិញនោះ នៅឆ្នាំ ២០១៥ រថយន្តដូចគ្នានេះ ក្រោយពេលរៀបចំឡើងវិញឲ្យស្រួលបួលគេលក់ដេញថ្លៃបានដល់ទៅ ៩០០.០០០ USD ឯណោះ ។
ទោះយ៉ាងណាវាក៏ជាទ្រព្យមួយ មានតម្លៃសមល្មមហើយដែរ ៕
លីសា