ចិនទើបព្រលែងព្រនង់តបតអាមេរិក បន្ទាប់ពីប្រធានាធិបតី Trump បានរុញច្រានសង្គ្រាមពាណិជ្ជកម្មរវាងភាគីទាំង ២ តាមរយៈការតម្លើងអត្រាពន្ធលើទំនិញនាំចូលពីចិនដែលមានតម្លៃច្រើនពុំធ្លាប់មាន ។
រដ្ឋការចិនប្រកាសថា នឹងតម្លើងអត្រាពន្ធលើទំនិញនាំចូលពីអាមេរិកដែលមានតម្លៃ ៦០ពាន់លានដុល្លារ ។
ចិនស៊ីសងភ្លាមៗដោយបង្កើនអត្រាពន្ធើលទំនិញនាំចូលមានតម្លៃ ៦០ពាន់លានដុល្លារ ។
ប្រភពពី CNN ដែលដកស្រង់ព័ត៌មានពីក្រុមប្រឹក្សារដ្ឋចិនឲ្យដឹងថា អត្រាពន្ធថ្មីដែលនឹងអនុវត្តគឺនៅកម្រិត ៥% ឬ ១០% តាមលិតផលនីមួយៗ ហើយក៏មានប្រសិទ្ធភាពនៅថ្ងៃដូចគ្នា (នឹងអាមេរិក) ។ តាមការសម្រេចចិត្តថ្មីនេះ មុខទំនិញជាង ៥០០០ របស់អាមេរិកនឹងរងឥទ្ធិពល ក្នុងនោះមានសាច់ភេសជ្ជៈមានអាកុល សម្លៀកបំពាក់ គ្រឿងម៉ាស៊ីន របស់របរ ព្រមទាំងបណ្តាបរិក្ខារស្វ័យប្រវត្តិ ។
ការវាយប្រហារទៅវិញទៅមកនេះ បានធ្វើឲ្យជម្លោះរវាងខឿនសេដ្ឋកិច្ចធំបំផុតពិភពលោកទាំង២ កាន់តែធ្ងន់ធ្ងរ បង្កអន្តរាយដល់បណ្តាក្រុមហ៊ុនរបស់ភាគីទាំងសងខាង ។ មុននោះចិនក៏បានប្រតិកម្មតបនឹងក្រុងវ៉ាស៊ីនតោន ដោយសម្រេចវាយពន្ធលើទំនិញតម្លៃ ៥០ពាន់លានដុល្លារ ស្មើនឹងទង្វើរបស់អាមេរិក ។
នៅពេលប្រកាសនឹងបង្កើនពន្ធលើទំនិញចិនមានតម្លៃ ២០០ពាន់លានដុល្លារ កាលពីថ្ងៃទី ១៧ ខែកញ្ញា លោក Trump បានប្រកាសថានឹងបន្តសកម្មភាពតម្លើងអត្រាពន្ធលើទំនិញ ចិនបន្ថែមទៀតភ្លាមៗ ប្រសិនបើចិនធ្វើការប្រតិកម្មតបនោះ ។
តាម CNBC នោះ លោក Trump បាននិយាយថា ៖ “ប្រសិនបើចិនមានទង្វើតបតចំពោះកសិករ ឬបណ្តាវិស័យផ្សេងទៀតរបស់យើងខ្ញុំ យើងខ្ញុំនឹងប្តូរទៅកាន់ដំណាក់កាលទី ៣ ភ្លាមគឺការតម្លើងពន្ធលើទំនិញនាំចូលមានតម្លៃ ២៦៧ពាន់លានដុល្លារទៀត” ៕ ចន្ទ្រា